helal.mosa
2018/04/28, 06:38 AM
لو شُفت في عيوني ابتسامة
مش معنى دا إني فرحان
اضحك واداري في قلبي يامة
اصل انا من طبعي الكتمان
أحزن في سِرّي ..وألِم صبري ..من الحواري والطرق
وانْ صادني ألمي ..اكتب بقلمي ..عن حزن شيّبْلي الورق
صدّقني مش ملكي الفرح ..أو باب سعاتي ينفتح
عِشّي اللي ساكنه من سنين ..مهجور وشاب فيه الحنين ..احلامي حواليه ميتين ..من كام سنة ..وانا ايه انا ..واقف بيختارني الطريق ..لا بإيدي شئ ..غير السكوت .م الخوف اموت ...بالحسرة أحس ..وما ليّه حِس ..ساكت وبس
مَلّت لياليّة الظلام
النور قصادي .لكنّي مش شايف انا غير الالام
الضلمة دي بتزِفّني كل يوم ..على الهموم
وبعيني بأدوّر واشوف ..مين الضيوف ..ألقى العذاب ..وجراح كتير مستنياني ورا كل باب
أحلامي كلها كذب وزيف
ان جت بتيجي سحابة صيف
وف بحري راكب مركبي ...لا معاية دَفّة ولا مقاديف
الموج يخدني .والريح تجبني
بالحسرة احس.وما ليه حس .ساكت وبس
هلال موسى
مش معنى دا إني فرحان
اضحك واداري في قلبي يامة
اصل انا من طبعي الكتمان
أحزن في سِرّي ..وألِم صبري ..من الحواري والطرق
وانْ صادني ألمي ..اكتب بقلمي ..عن حزن شيّبْلي الورق
صدّقني مش ملكي الفرح ..أو باب سعاتي ينفتح
عِشّي اللي ساكنه من سنين ..مهجور وشاب فيه الحنين ..احلامي حواليه ميتين ..من كام سنة ..وانا ايه انا ..واقف بيختارني الطريق ..لا بإيدي شئ ..غير السكوت .م الخوف اموت ...بالحسرة أحس ..وما ليّه حِس ..ساكت وبس
مَلّت لياليّة الظلام
النور قصادي .لكنّي مش شايف انا غير الالام
الضلمة دي بتزِفّني كل يوم ..على الهموم
وبعيني بأدوّر واشوف ..مين الضيوف ..ألقى العذاب ..وجراح كتير مستنياني ورا كل باب
أحلامي كلها كذب وزيف
ان جت بتيجي سحابة صيف
وف بحري راكب مركبي ...لا معاية دَفّة ولا مقاديف
الموج يخدني .والريح تجبني
بالحسرة احس.وما ليه حس .ساكت وبس
هلال موسى