هو أيه الفرق بين ال HD Ready وال Full HD ؟

[ayman2009]

هو أيه الفرق بين ال HD Ready وال Full HD ؟

وهل هو مهم بالنسبة للشاشات ال LCD ؟ مقاس 22 إنش ؟

وهل ال HD Ready بيشغل مع الريسيفرات ال HD ولا لا يدعمها؟

شكراً جزيلاً لكم

سلام

[محمد مصطفى2012]

الـHD Ready يدعم 720p فقط و هى دقة جيدة
الـFull HD يدعم حتى 1080p و هى أعلى و أفضل دقة
و انتظر باقى الأعضاء لأن أنا ماجربتش الفرق بينهم فى الجودة

[محمد مصطفى2012]

هتفرق فى القنوات الى بتدعم ال hd ودول تقريبا قناتين لحد دلوقتى على النايل سات بس متوقع قريب ان فى قنوات كتير هتتحول للبث عالى

[محمد مصطفى2012]

رآح اشرح شرح بسيط و أن شاء الله يكون مفهوم

البث التلفزيوني مكون من ثلاثة أنواع

1 / sd و هي البث العادي مثل القنوات العادية الجزيرة المفتوحة و ام بي سي و القنوات الاخرى

2 / hd و هي تقنية عالية الجودة و تعتمد عليها أبوظبي بكامل قنواتها ما عدا المفتوحة و هنالك قناة للجزيرة و قريبا قناة أخرى و ايضا هنالك 6 قنوات من الشوتايم و بعض القنوات الآوروبية

3 / 3d و هي تقنية ثلاثي الابعاد و هي تقنية خرافية بشكل كبيررر حتى انك تشعر انك تشاهد المباراة من قلب الحدث و لاتوجد في العالم الا قنوات تعد على اصابع اليد الواحدة و اهمها قناة السكاي و قناة الجزيرة < طبعا اغلقت مؤخرا لكثرة تكاليفها العالية جدا


حنا بنتكلم على تقنية عالية الجودة hd

هي تقنية رآئعة و جميلة

و تنقسم الى اقسام كثيرة اهمها

1 / hd ready
2 / full hd

لاتوجد فروق كثيرة بين النوعين

من ناحية الآسعار

فـ full hd تكلفتها غالية جدا من hd ready

من ناحية درجة الوضوح و التباين

متشابهة لحد كبير بحيث من يملك تلفزيون lcd من 50 بوصة و أقل قد لايرى اي فرق
+
الرسيفر الذي يعتمد على البث العادي sd لايظهر أي فرق
-------
و لكن الفروق تظهر إذا كان بث المباراة أو الفيلم بـ تقنية full hd قد تظهر فروق بسيطة جدا
و أيضا إذا كانت الشاشة lcd أكبر من 50 بوصة و طبعا في الوقت الحاضر اكبر شاشة موجودة في الاسواق 48 بوصة يعني لاتشيل هم

من ناحية الشكل و التصميم

متشابهة جدآ و نفس الحجم و كل شئ اللهم تختلف من شركة لـ أخرى فقط لاغير

[ayman2009]

مش فاهم يعني لو التليفزيون HD Ready مش حينفع بعد 5 سنين ؟ ولا أيه ؟

يعني لو إذا كان بث المباراة أو الفيلم بـ تقنية full hd بعد 5 سنين على كل القنوات

أنا كده حرمي التلفزيون ده ولا أيه أنا لسه حشتريه !!!

ياريت تقولولي عشان حنزل أشتريه

ولا كده مفيش فرق بينه وبين التليفزيونات القديمة الفلات ولا ايه أنا مش فاهم حاجه؟؟

أنا في الأول كنت حجيب فلات ألترا سليم بتاع زمان قالولي بعد 5 سنين حترميه قولنا نشوف ال LCD لاقيت مشكلة ال HD Ready وال Full HD !!!
أنا حاسس أني لو سالت الناس أجيب HD ؟ حيقولولي لأ بعد 20 سنه حترميه هات 3D هههههههه مش عارف أعمل أيه والله مش فاهم حاجه في احوار الفرق ده و حاسس أني بدور حول نفسي !!! والمشكلة لو روحت سألت أي مندوب مبيعات في اي مكان حتى بتوع توشيبا العربي بسألهم أسئلة النهاردة عجزوا عن الإجابة عنها لصعوبتها وعلى فكرة أنا كتبتها هنا ومحدش رد بردوا وده مش تقليل من شأن أعضاء المنتدى لأ بالعكس أنا بأخد معلومات من هنا أكتر من اللي لو نزلت المحلات بأخدها من مندوبي المبيعات !!!!!

مش فاهم يعني لو التليفزيون HD Ready مش حينفع بعد 5 سنين ؟ ولا أيه ؟

يعني لو إذا كان بث المباراة أو الفيلم بـ تقنية full hd بعد 5 سنين على كل القنوات

أنا كده حرمي التلفزيون ده ولا أيه أنا لسه حشتريه !!!

ياريت تقولولي عشان حنزل أشتريه

ولا كده مفيش فرق بينه وبين التليفزيونات القديمة الفلات ولا ايه أنا مش فاهم حاجه؟؟

أحكليلكوا قصتي

بعنوان

رحلة البحث عن TV

أنا في الأول كنت حجيب فلات ألترا سلم قالولي بعد 5 سنين حترميه قولنا نشوف ال LCD لاقيت مشكلة ال HD Ready وال Full HD !!!
أنا حاسس أني لو سألت الناس أجيب HD ؟ حيقولولي لأ بعد 20 سنه حترميه هات بلازما 3D هههههههه مش عارف أعمل أيه والله مش فاهم حاجه في احوار الفرق ده و حاسس أني بدور حول نفسي !!! والمشكلة لو روحت سألت أي مندوب مبيعات في اي مكان حتى بتوع توشيبا العربي بسألهم أسئلة النهاردة عجزوا عن الإجابة عنها لصعوبتها وعلى فكرة أنا كتبتها هنا ومحدش رد بردوا وده مش تقليل من شأن أعضاء المنتدى لأ بالعكس أنا بأخد معلومات من هنا أكتر من اللي لو نزلت المحلات بأخدها من مندوبي المبيعات !!!!!

يا ريت بليز بجد فهموني ي ي ي ي ي الفرق بينهم عشان مروحش أشتري بكره سمك في ميه زي ما بيقول المثل وشكراً بجد لك يا أستاذ محمد على تشريفي في الموضوع بتاعي ي ي ي ي

[محمد مصطفى2012]

يا اخى افضل هو
الـFull HD يدعم حتى 1080p و هى أعلى و أفضل دقة

[ayman2009]

أنا عارف أنه أفضل يا باشا
بس المشكلة أن ال Full HD أغلى وأنا محتاج شاشة الأسبوع ده!!!
وعلى فكره التوكيلات والمصانع سواء سامسونج أو توشيبا عندهم أزمة في تأخر خط الإنتاج عن سد حاجة المستهلكين والموزعين في الأيام ده ولا أعلم السبب !! والمعلومات ديه أنا عرفتها النهارده منهم !! مصر تمر بأزمة حقيقية !!!

المهم اللي عايز أعرفه

أيه الفرق العملي أو بمعنى أدق أيه اللي يقدر يعمله ال Full HD و مايقدرش يعمله ال HD Ready ؟ وهل حيكون فيه فرق شاسع في المستقبل فلنقل مثلاً 5 سنين مثلاً إذا أحيانا الله !!!

معلش يا باشا أنا أسف على الإزعاج - تعبتك معايا وصدعتك أنا عارف أسئلتي كتير :(

[أسامة المنسي]

ياعم الناس ردت عليك وقالت لك مش هتلاحظ فرق إلا في التلفزيونات الأكتر من 50 بوصة
ياعني بالعربي .... الاتنين زي بعض في الاقل من 50 بوصة

[ayman2009]

شكراً لحضرتك

يعني حضرتك الشاشات ال HD Ready بتشغل الأفلام ال Blue ray والألعاب ال FULL HD والقنوات ال FULL HD بس بدل ما تعرضها بجودة 1080P بتقل الجودة و بتكون 720p ؟؟ ولا أيه ؟؟؟
وهل لو بتقدر تعرضهم هل بتكون سيئة ولا أيه ؟؟ فيه ناس قالت أن الفرق بين ال 720 و ال 1080 بيظهر في الشاشات الأكبر من 50 أنش لكن المقاس لو صغير مثلاً 22" مش حيظهرلك فيها الفرق ما بين ال 720p وال 1080p ولا أيه ؟

يا ريت لو فيه حاجة أنا كاتبها غلط يا ريت حضرتكم تقوللي عشان اللي كتبته ده هو اللي أنا فهمته