فكره جديده لتشغيل الماتشات بالعربى فى كاس العالم بدون تايم شفت

[shrifstar84]

الطريقة حنستخدم عدد 2 رسيفر حنوصل الطبق على الرسيفر الأول ثم نأخذ من خارج التيونر بتاع الرسيفر الاول للرسيفر الثانى والرسيفر الأول حنجيب عليه الفيد اللى ناقل الماتش والتانى الفيد اللى ناقل الصوت نوصل الأول على مدخل الاتش دى والثانى على صب وبالنسبه للناس اللى مركبه عدسه بمخرجين ممكن ياخد سلك لكل رسيفر ايه رأيكم فى الفكره فى انتظار اراءكم ودا طبعا لأن البين عملت فيدات نهائى دورى الأبطال بدون معلق وفيد المعلق لوحده عشان منعرفش نسمع الماتش بالتعليق العربى

[shrifstar84]

هى الفكره فى البين سبورت بتبث الفيدات على يوتل سات 3.1شرق فيد الماتش وفيدات الصوت لوحدها فاحنا بنجمعهم برسيفرين وانا حجرب عملى ومنتظر آراءكم ومعظمنا عندنا أكثر من رسيفر بس الموضوع دا لأصحاب الأطباق الكبيره

[ortmrts]

ممكن اسهل بدون الفيد لان اشارته فى الغالب بتكون ضعيفة وصعب استقباله عن ناس كتير
ممكن نفس الفكرة بصوت من راديو سوريا نايلسات
والصورة من اى قناة ذايعة الماتش

[shrifstar84]

ممكن اسهل بدون الفيد لان اشارته فى الغالب بتكون ضعيفة وصعب استقباله عن ناس كتير
ممكن نفس الفكرة بصوت من راديو سوريا نايلسات
والصورة من اى قناة ذايعة الماتش

هى القصه أن فيدات بين سبورت حتبقى على قمر واحد يوتل سات 3.1 شرق فإذا مجاش الفيد باللغه العربيه انا عندى رسيفرين اتش دى حجرب الطريقه وان شاء الله تنفع فيد الصوت على صب وفيد الصوره على الشاشه وأبقى سمعت البطوله كلها وبالعربى منفعتش بقى حرجع لراديو بين سبورت من على النت وشغل التايم شفت بس ممكن يبقى فى تقطيع فى الصوت من الضغط على الموقع

[shrifstar84]

انا جربت الطريقه على رسيفرين h4 العادى الآن على بعض فيدات بعد أن وصلت خرج الرسيفر الأول بمدخل تيونر الرسيفر الثانى والاتنين اشتغلوا تمام نفس معدل الإشارة على الرسيفرين يبقى كده لو جه فييد الصوت بصورة المعلق لوحده حيبقى على رسيفر وفيد الصوره على الرسيفر الثانى وسلملى على البين خليهم يعملو كل الحيل حنسمع الماتش بالتعليق العربى

[berqash]

هو فيه اصلا فيد صوت

[shrifstar84]

هو فيه اصلا فيد صوت

فى كاس العالم ياغالى بيسفرو المعلقين أرض الملعب فلازم يبقى فيه فيد صوت زى ماعملو فى نهائى دورى ابطال اوروبا جابو فيد الصوره لوحده وفيد عصام الشوالي لوحده فأنا حجمع مابينهم وممكن يريحونا ويبثو الاتنين مع بعض فيد واحد صوت وصوره بس انا مستعدلهم بالطريقه دى أن شاء الله اسمع البطوله

[shrifstar84]

انا مشغل الرسيفرين الآن والموضوع ناجح معايا الفيد للصوره وفيد الشوالى للصوت

[جمال عليان]

بص يبنى نصيحه لوجه الله بدل ده كله
روح ع قمر اموس
وشغل قناه مكان المشفره وبعد متشغلها تسالنى ع سيفر اقولك خد سيرفير مجانى لمده 24ساعة اتفرج وادعيلى بالتعليق العربى

[shrifstar84]

ياغالى دا معلقين يجيبو الضغط غير الصوره بتاعتها الرديئة انا بسمع من على فيد البين وبتعليق الشوالى انا مش ناقصنى حاجه انا بعمل الموضوع لكى يستفيد باقى الأعضاء ومعظمنا عندنا اكتر من رسيفر غير اصلا أن الفيد جاى بالتعليق العربى المعلق المغربى بس انا بحب الشوالى

[امير احمد]

اللي عملها يصورها يا شباب

[shrifstar84]

مرفق صور للرسيفرين أللي تم التطبيق عليهم وهما اتش 4العادي

[ابوسمرالقديم]

ممكن تردد الفيدات دى واطباق اية اللى ممكن تستقبلها فى الشرقية

[shrifstar84]

10961 افقي7500علي يوتل سات 3.1شرق بس لازم طبق 180

[shrifstar84]

والفيدات بتنزل هنا قبل الماتش مباشرة

[نادر هلال]

فكرو رائعة قمت بها من اول المونديال وتعمل بشكل رائع

[KARKOR07]

معلش سؤال بسيط ليه كل ده الفيد صوت وصورة اصلا ومعلش لو هنفذ الفكرة دى فين فيد الصوت ده

[shrifstar84]

معلش سؤال بسيط ليه كل ده الفيد صوت وصورة اصلا ومعلش لو هنفذ الفكرة دى فين فيد الصوت ده

أحيانا بيعملو فيد بيبقى ثابت على المعلق أو أى لاعب ودا اللى فيه الصوت العربى واللى ناقل الماتش تلاقيه بدون تعليق فأنا بشغل الفيد اللى يخص المعلق على الصب وفيد الصوره على الشاشه أما لو جه صوت وصوره خلاص مافيش مشكله لكن انا بحل الفيد اللى بدون صوت معلق وكمان دا بيدينى خيارات أشغل صوت المعلق اللى انا عايزه

[shrifstar84]

يعنى فى ماتش المغرب كان شغال بصوت المعلق المغربى وكان فيه فيد ثابت على رونالدو بصوت الشوالى انا سمعت الماتش بتعليق الشوالى بالرسيفرين غير أن بالنسبالى كل شيء متوفر عندى الرسيفرين والشاشه واصل عليها الكمبيوتر والصب جنبها فكل شيء سهل فى التوصيل وانا بحاول اشوف حاجه غير مكسلر لأنه بيبقى متأخر ومن الضغط على الموقع بيبقى فيه تقطيع وربنا يسهل ونشوف طريقه لباقى البطولات ولاونه صعب

[محمود أبويوسف]

لو ريسيفر من التنين فيه component تبقي المشكلة اتحلت بالحفاظ علي صورة الاتش دي كمان....نوصل التلات صوابع الكومبوننت الخاصة بالألوان من ريسيفر وده بيدّي صورة اتش دي زي كابل الاتش دي بالضبط وبعدين ناخد خرج الصوت من الريسيفر التاني بكابل أوديو عادي واتفرج صوت وصورة مع بعض تمام وجودة اتش دي