المساعد الشخصي الرقمي

مشاهدة النسخة كاملة : تركيب طبق متحرك 180 سم في اسكندرية للمبتدئين

مصراويي
2018/06/16, 11:41 AM
السلام عليكم يا رجالة المنتدى

كان عندي طبق متحرك 180 سم ECC واقع بقاله فترة وكان مضبوط عالشعرة جميع الأقمار بصراحة وبلقط فيدات وكل حاجة..

المهم عقدت العزم إني أركبه بنفسي قبل المونديال والحمدلله غملت القاعدة الخرسانية وضابطها بميزان مياه وكله تمام وركبت الطبق وضبطت الجنوب الجغرافي على قمر عربسات 30.5 بما ان مكان الإستقبال الاسكندرية ونزلت بالطبق واستقبلت الهوت بيرد بس معرفتش أستقبل النايل سات..

أنا ملعبتش في مسمار الميزان خالص لإني متأكد ان الفني كان ضابطه عالشعرة يدوب بس ضبطت البولارعلى العمود اللي في القاعدة الخرسانة وجبت العرب سات...

وعايز طريقة أضبط بيها الطبق عالشعرة وتكون سهلة للمبتدئين أمثالي؟ وكنت قريت ان في طريقة لأسطورة المنتدى عادل عامر بضبط منتصف القوس في البداية والذهاب لقمر express AM ياريت اللي عنده معلومة لا يبخل بها علينا... الجو حلو النهاردة وعايز أضبط الطبق بالنهار وشكرا لحسن تعاونكم وآسف جدا جدا عالإطالة
السودانى
2018/06/16, 02:10 PM
يبقى حاول تضبط البولار وعلى الله ميكونش فى نبت شيطانى يمين الطبق بقصد العماير اللى طالعه دى ومبوظه الدنيا
محمد نور
2018/06/16, 02:17 PM
حرك البلور يمن او شمال وانزل بالطبق على النايل سات لغايه ما يجى معاك وبعدبن اذهب للعرب سات ان لقيته كويس ثبت على كده ان لقيته واح يبفى اظبط من مسمار الزاويه وبعدين روح تانى للنايل سات ممكن تليقه عايزن سنه من البلور تانى لغايه لما العرب سات والنايل سات ينظبطو معاك حتلاقى القوس المدارى انظبط معاك
مصراويي
2018/06/16, 04:42 PM
حجرب تاني... بس عايز اقوى تردد وأضعف تردد في الأقمار عشان أتأكد اني ضابط المدار كله

Sent from my Redmi Note 2 using Tapatalk
محمد نور
2018/06/16, 05:13 PM
11747 راسى على النايل وعلى العرب سات