بعد ازن الاخوه سؤال بخصوص طبق 280 بلحام

[mr_kingofegypt]

دلوقتى انا اشتريت طبق 280 وكنت عايز اسأل على نوعية الاقمار الصعبه اللى ممكن القطها بيها يعنى هل ممكن يلقط حاجه من اقمار البرازيل اللى بعد هيسباسات او مثلا ممكن يجيب قمر استرا2 مستريح يعنى لو حد من الاخوه عنده طبق زى بتاعى ده يقولى بجيب عليه اقمار ايه وللعلم انا هركبه فى المهندسين محافظة الجيزه وشكرا ليكوا جدا مقدمااااااااااااا

[starsoft]

الأفضل ترفع صور للطبق من الأمام والخلف ومقاس الطبق من الداخل (من الشفة الداخلية بالمنتصف إلي الأخري) لمعرفة قطر الطبق الحقيقي

[احمد زيزو2000]

دلوقتى انا اشتريت طبق 280 وكنت عايز اسأل على نوعية الاقمار الصعبه اللى ممكن القطها بيها يعنى هل ممكن يلقط حاجه من اقمار البرازيل اللى بعد هيسباسات او مثلا ممكن يجيب قمر استرا2 مستريح يعنى لو حد من الاخوه عنده طبق زى بتاعى ده يقولى بجيب عليه اقمار ايه وللعلم انا هركبه فى المهندسين محافظة الجيزه وشكرا ليكوا جدا مقدمااااااااااااا
اهلا بيك والف مبروك على الطبق اولا لكى نحكم على الطبق مطلوب منك الاتى صورة للطبق من الامام والخلف ونوعية الطبق لان مش بكبرالطبق وحدة ولاكن لكى تتحصل على استقبال ممتاز لابد ان يكون الطبق بحالة جيدة ولاقط ممتاز زى الانفرتو او ستارجولد 2 مخرج وفنى متمكن وعندك مثلا فية اطباق 234 سم امريكى بدون لحام تتفوق على اطباق محلية اكبر منها وحتى لو وصلت 3 امتار فى الاخير الفيصل فى ذلك هو حالة الطبق وبالنسبة لاسترا 2 لا اعتقد ان الطبق هيجيبة مستريح كما تظن لو طبق ممتاز سوف تستقبل بعض الترددات وليس الكل وايضا فى بعض الاوقات وليس كل الوقت منتظر الصور وبالتوفيق حبيبى

[mr_kingofegypt]

ياجماعه انا مش بسأل عشان انا مثلا فرحان بكبر قطره لاء انا بسأل عشان لو كان حد عنده نفس الطبق ده يقولى ايه اللى ممكن يجيبه عشان متعبش نفسى كتير فيه ولو على صورته انا لسه رايح افكه بكره عشان هقطع المسامير كلها بالصاروخ وهنزله بسلبه من عماره 15 دور يعنى لسه فيلم هندى بكره ادعولى انزله من غير مشاكل

[غبور 7]

ياجماعه انا مش بسأل عشان انا مثلا فرحان بكبر قطره لاء انا بسأل عشان لو كان حد عنده نفس الطبق ده يقولى ايه اللى ممكن يجيبه عشان متعبش نفسى كتير فيه ولو على صورته انا لسه رايح افكه بكره عشان هقطع المسامير كلها بالصاروخ وهنزله بسلبه من عماره 15 دور يعنى لسه فيلم هندى بكره ادعولى انزله من غير مشاكل
بالتوفيق أن شاء الله

[kemo elgammal]

بالتوفيق أن شاء الله

[محمود احمد89]

بالتوفيق أخى وفى إنتظار صور الطبق

[mr_kingofegypt]

شكلكم حسدتونى ههههههههههه وانا بنزله الحبل اتقطع ادام الدور الخامس ووقع فى الشارع لولا ستر ربنا مكانش فيه حد ماشى فالشارع الحمدلله بس الطبق طبعا مسلمش من الوقعه وخدله خبطه لوووووز انا مش عارف ارفع الصور اعزرونى بس عملتهم فى ملف مضغوط طول الطبق صافى من الحرفين 275سم عايز بقى اعرف رأيكم ايه انا غسلت البولار وهسيبه ينشف وادهنه لسه بكره انشاء الله هفرد التنيه اللى فيه واركبه واقولكم النتايج

[جوهركامل]

اتفضل اخى صورالطبق وربنايوفقك فى علاجه

http://www10.0zz0.com/2018/07/03/02/273251901.jpg

http://www10.0zz0.com/2018/07/03/02/772572051.jpg

http://www10.0zz0.com/2018/07/03/02/767106523.jpg

http://www10.0zz0.com/2018/07/03/02/790243013.jpg

[احمد زيزو2000]

شكلكم حسدتونى ههههههههههه وانا بنزله الحبل اتقطع ادام الدور الخامس ووقع فى الشارع لولا ستر ربنا مكانش فيه حد ماشى فالشارع الحمدلله بس الطبق طبعا مسلمش من الوقعه وخدله خبطه لوووووز انا مش عارف ارفع الصور اعزرونى بس عملتهم فى ملف مضغوط طول الطبق صافى من الحرفين 275سم عايز بقى اعرف رأيكم ايه انا غسلت البولار وهسيبه ينشف وادهنه لسه بكره انشاء الله هفرد التنيه اللى فيه واركبه واقولكم النتايج
اولا نحمد الله على انها جات سليمة ثانيا انت قيست الطبق وانت شدد المتر من الحافة الداخلية ولا المتر كان مرتخى على الطبق لانى اشك ان الطبق 275 وجايز اكون غلطان لانك ادرى طبعا بطبقك
ثالثا الطبق مش من النوع الجيد حتى لو جديد ومن وجه نظرى طبق 240 بريفكس او ecc افضل منة
وهذة صورة الطبق بتاع حضرتك وانا عامل خط ازاى تقيس الطبق وفى الاخير اتمنى لك التوفيق
https://c.top4top.net/p_913filyn1.jpg (https://up.top4top.net/)

[mr_kingofegypt]

اولا نحمد الله على انها جات سليمة ثانيا انت قيست الطبق وانت شدد المتر من الحافة الداخلية ولا المتر كان مرتخى على الطبق لانى اشك ان الطبق 275 وجايز اكون غلطان لانك ادرى طبعا بطبقك
ثالثا الطبق مش من النوع الجيد حتى لو جديد ومن وجه نظرى طبق 240 بريفكس او ecc افضل منة
وهذة صورة الطبق بتاع حضرتك وانا عامل خط ازاى تقيس الطبق وفى الاخير اتمنى لك التوفيق
https://c.top4top.net/p_913filyn1.jpg (https://up.top4top.net/)

اولا الحمدلله انها جت سليمه ثانيا اشكرك على اهتمامك وردك عليا
ثالثا فعلا انا قيسته كده 275سم والمتر مكانش مرتخى كنت شاده كويس أحب بقى اعرف منك ده ممكن يجيبلى ايه فى محافظة الجيزه من الاخر عشان مهلكش نفسى كتير من اول محاوله

[م /احمد جمال]

متتعبش نفسك بيعه خرده

[starsoft]

شكلكم حسدتونى ههههههههههه وانا بنزله الحبل اتقطع ادام الدور الخامس ووقع فى الشارع لولا ستر ربنا مكانش فيه حد ماشى فالشارع الحمدلله بس الطبق طبعا مسلمش من الوقعه وخدله خبطه لوووووز انا مش عارف ارفع الصور اعزرونى بس عملتهم فى ملف مضغوط طول الطبق صافى من الحرفين 275سم عايز بقى اعرف رأيكم ايه انا غسلت البولار وهسيبه ينشف وادهنه لسه بكره انشاء الله هفرد التنيه اللى فيه واركبه واقولكم النتايج


حبيبي قدر الله ما شاء فعل
الحمد لله جت سليمه وربنا ستر
حاول تودي الطبق لسمكري (استعدال ودهان دوكو) وأمرك لله وبعون الله يرجع سليم وأحسن من الأول

وماتفقدش الأمل والله عندي طبق 180 ECC كان ماشاء الله عليه أخد عين إطبق نصفين والحمد لله استعدلته بنفسي وشغال ميه ميه دلوقتي أخد مني حوالي أسبوع كل يوم 3 ساعات كده بعد الشغل