المساعد الشخصي الرقمي

مشاهدة النسخة كاملة : سؤال بخصوص الشقه ونفقة الاولاد


airahmed
2018/07/07, 10:16 AM
انا اسكن في بيت والدي ووالدي ووالدتي متوفيين اصبح كل اخ من اخواتي في شقته بدون ورق اللي قاعد في شقه بقت بتاعته

انفصلت انا وزوجتي بناء علي رغبتها وقامت بالتنازل عن كل شئ امام المازون
وسابت البيت واجرت شقه لها وللاولا لمدة سنه خلال هذه الفتره كنت ببعت فلوس الاولاد واي حاجه يحتاجوها المهم

امها جت وقالتلي رجعها قلتلها ماشي يا حاجه المهم جابتها الشقه وطبعا نزلت مع اختي في نفس البيت لحد ما ربنا يصلح الحال بصيت لقيت الهانم بتقولي انا مش هرجع ان جايه عشان اخد شقة عيالي

السؤال الاول = انا ممكن اجبلها شقة تانيه لو طلبت التمكين من الشقه وخصوصا ان دا بيت ابويا
السؤال الثاني== لو رفعت قضيه لنفقة الاولاد و انا عندي تلاته 14 و 10 ة 3 سنين المحكمه هتخصم كام من مرتبي لو 9000جنيه
هل لما سابت الشقه لمدة سنه يسقط حقها اني اوفرلها مسكن

ridoking
2018/07/09, 09:32 PM
لاء مش عارف

patch_no:::patch_no:::
طالما انت مش عارف
يبقى متردش على الموضوع
بهذة الطريقه غير اللائقه
لو تكرر الأمر سيتم ايقاف عضويتك

Hussein samir
2018/07/11, 03:28 PM
اولا - من حقك تجيبلها مسكن حضانه تاني
ثانيا - اضمن حقك و ابعتلها النفقه بتاعتها علي يد محضر بموجب انذار عرض كل شهر طالما هي سيئة النيه بالشكل ده بس متبعتش مبلغ كبير يعني ابعت الف و نص او الفين بحد اقصي و مصاريف المدارس لو بتدفعها تخلي الفواتير كلها باسمك و تخليها معاك و مصاريف علاج ابناءك برضو تخلي الروشتات الطبيه و اي فواتير معاك انت متديهاش اي فواتير لانها ممكن ترجع عليك بدعوي مصاريف دراسيه و مصاريف علاج بالفواتير دي لو هي اللي دافعاها او اثبتت انها دافعاها .
ثالثا - لو الطلاق رجعي و هي لسه في فترة العده ردها لعصمتك و اطلع افتح الشقة و اقعد فيها و بكده متقدرش ترفع نفقة لانها بتسكن في مسكن الزوجية و في قرينه انك بتصرف علي اولادك انهم عايشين معاك في نفس البيت
و ربنا يصلح الاحوال