استفسار بخصوص تشغيل الرسيفر بالبطاريه

[هيثم سعيد عبد الفتاح]

ينفع يشتغل ببطاريه لاب ولا لا وياريت شرح الامبير فى الموضوع ده بيبقى ازاى يعنى هو سعه حمل التيار ولا سعه التخزين للتيار ان البطاريه تقعد اكتر كل مايزيد الامبير ولو رسيفر 1000مللى امبير بيبقى البطاريه الانسب اللى تنفعله ايه ولو عايز اخرج من البطاريه دى 2 امبير بيبقى ازاى (كده كده الخارج 12 فولت) بس ياريت نفهم الامبير

[الحاج شريف]

ينفع يشتغل ببطاريه لاب ولا لا وياريت شرح الامبير فى الموضوع ده بيبقى ازاى يعنى هو سعه حمل التيار ولا سعه التخزين للتيار ان البطاريه تقعد اكتر كل مايزيد الامبير ولو رسيفر 1000مللى امبير بيبقى البطاريه الانسب اللى تنفعله ايه ولو عايز اخرج من البطاريه دى 2 امبير بيبقى ازاى (كده كده الخارج 12 فولت) بس ياريت نفهم الامبير
الأمبير أو قيمة التيار فى الحالتين اللى حضرتك ذكرتهم أخ هيثم
الريسيفر فى المتوسط يستهلك 350 مللى أمبير وبعض الريسيفرات المينى إستهلاكها أقل حتى 200 مللى
بالنسبه لأمبير البطاريه
ده أمبير ساعه بمعنى لو بطاريه 1000 مللى أمبير ساعه يعنى ممكن تغذى الريسيفر لمدة 3 ساعات بتيار 330 مللى قبل ماتحتاج لشحن
أو تغذى ريسيفر 500 مللى امبير لمدة ساعتين
وكما تلاحظ إحنا بنضرب أمبير الحمل ( الجهاز) فى عدد الساعات حتى نعرف إحنا محتاجين أى نوع من البطاريات
المشكله إنه دايما الإخوه بيظنوا ان البطاريه 12 فولت شحنها يتم ب 12 فولت وهذا خطأ شائع
الجهد المناسب لشحن البطاريه الحامضيه العاديه 12 فولت هو 14.5 فولت لتصل لشحنتها الكامله المكتوبه عليها
لكن لو شحنتها بجهد أقل لن تصل لشحنتها الكامله وبالتالى البيانات اللى عليها لا يمكن تطبيقها على الحسبه اللى فاتت
والله أعلم

[هيثم سعيد عبد الفتاح]

تمام استاذنا الغالى طب لو مثلا محتاج طرف يخرج من البطاريه يطلع منه 500مللى امبير وطرف تانى يطلع منه اتنين امبير بيبقى ازاى بيبقى دايره الكترونيه بتنظمها ولا عادى ملهاش علاقه وزى ما بيسحب الجهاز بيفضى من سعه البطاريه اللى هى الامبير؟

[الحاج شريف]

تمام استاذنا الغالى طب لو مثلا محتاج طرف يخرج من البطاريه يطلع منه 500مللى امبير وطرف تانى يطلع منه اتنين امبير بيبقى ازاى بيبقى دايره الكترونيه بتنظمها ولا عادى ملهاش علاقه وزى ما بيسحب الجهاز بيفضى من سعه البطاريه اللى هى الامبير؟
اللى بيحدد قيمة التيار المسحوب من البطاريه الحمل الواصل على البطاريه
فمثلا بطارية السياره تغذى لمبات 1/2 أمبير ولمبات 1 أمبير ولمبات 2 أمبير كلهم متوصلين ع التوازى على البطاريه
اللى بيحدد التيار المسحوب لكل لمبه قيمة المقاومه للمبه
لكن هذا لا يمنع من وجود دوائر تحكم فى التيار مثل التى تعمل مع شاحن بطاريات اللاب ،
وهذه الدوائر وظيفتها تثبيت التيار ( وليس الجهد) على البطاريه أثناء الشحن فتبدأ بجهد ضعيف يعطى تيار شحن مناسب لبطاريه فارغه ،
ثم يزيد الجهد مع الوقت ومع ارتفاع جهد البطاريه ليحافظ على نفس تيار الشحن
والله أعلم

[هيثم سعيد عبد الفتاح]

تمام استاذنا الغالى ربنا يجازيك كل خير

[Alaa Dahshan]

هستخدم بطارية اللاب توب (توشيبا) كباور بانك لتشيغيل الرسيفر(علشان استغل دايرة الشحن اللي فيها)
عاوز اعرف اطراف البطارية اللي هشحنها منها والاطراف اللي هاخد الخرج منها