عندي مشكلة تقطيع في الصورة (Nile Sat 7 W )

[ayman2009]

السلام عليكم
لو سمحتم أنا عندي الصورة ساعات بتقطع بس مش على طول وجودة الإشارة عالية في كل القنوات وفيه 2 فنين ظبطوا الطبق من فوق في مرتين مختلفتين
وفيه بردوا في بعض وليس كل القنوات الصورة غير نقية مع أن جودة الأشارة فيها عالية تصل إلى 70 %

الطبق prifix 70 cm
Qmax LNB
Daly Star 9400 Receiver
فهل العيب في الــ LNB يعني أغيرها وأجيب نوع تاني ؟؟
ولا الريسيفر ؟ عشان ماركته تعبانه ؟؟
ولا مقاس الطبق صغير ؟؟

توضيح أكتر للتقطيع اللي بيجي::
-------------------------------
الشاشة مش بتسود و يقوللي نو سيجنال لألألألأ
ولا الصورة بتسود و بعدين تيجي تاني لألألألألأ
اللي بيحصل أنها بتكون موجودة ولكن بتتقسم نصين بينهم خط كده وتهنج ثانيتين و بعدين تيجي تاني
و الكلام ده مش بيحصل كل شوية لأ ده بيحصل من وقت للتاني يعني نقدر نقول مثلاً كل ساعتين و ممكن أكتر يعني لكن لازم بلاقي تقطيع كل يوم في الصورة و طبعاً الصوت معاها بيقطع في نفس الوقت!!!

يا ريت من الأخوة الكرام أعضاء المنتدى يفيدوني و شكراً لكم

[محمد مصطفى2012]

تاكد
من سلك
تاكد
من عدسه

[ayman2009]

عدسة أيه ؟؟؟؟
حضرتك قصدك ال lnb ؟؟
يعني أتأكد أزاي
بالنسبة للسلك يعني أغير ال 2 جاك بتوع السلك ولا أيه
شكراً لحضرتك

[mnarh]

اخي حدث من كام يوم تقطيع في عدة ترددات عندي وظنيت بان ابني الصغير خبط الطبق علي سور البلكونه وكنت خارج في نفس اليوم فوجئت ان ده كان حصل عند من زورتهم فتوقعت انه تشويش عل القمر نايل سات وتقريبا بعدها لم يحدث الا انبارح حاجه بسيطه وبعدها ثبت

[ayman2009]

شكرأ لحضرتك أستاذ mnarh على مشاركتك في الموضوع
بس هو أنا عندي المشكلة ديه من ساعة ما ركبت الطبق و ال LNB وجيبت الريسيفر و كل دول حاجات جديدة أستخدام شهر و العيب ده معايا من شهر !!

[محمود زعرب]

اخي من السلك شوفو مجروح او نوعية السلك غير جيدة حصلت معي جنني السلك وغيرتو وضبط معي او انك واصل السلك وصلتين خليهم وصلة واي خدمة انا جاهز

[محمود زعرب]

اخي من السلك شوفو مجروح او نوعية السلك غير جيدة حصلت معي جنني السلك وغيرتو وضبط معي او انك واصل السلك وصلتين خليهم وصلة واي خدمة انا جاهز
ورمضان كريم

[م محمد الجنـدى]

عدسة أيه ؟؟؟؟
حضرتك قصدك ال lnb ؟؟
يعني أتأكد أزاي
بالنسبة للسلك يعني أغير ال 2 جاك بتوع السلك ولا أيه
شكراً لحضرتك

عزيزى ... حاول تجرب ريسفر اخر . وان شاء الله . ستزول شكواك .
مع خالص تحياتى .

[الحمادوى]

اسهل حل اخى الكريم

بدل الرسيفر بتاعك مع اى شخص جارك او قريبك يشتغل عليه ليلة

لو استمر العيب عندك هيكون من السلك او ال lnb

اما لو اختفى وظهر عند اللى بدلت معاه الرسيفر هيكون عيب رسيفر

[ayman2009]

للأسف غيرت الريسيفر ولسه فيه تقطيع

[م محمد الجنـدى]

للأسف غيرت الريسيفر ولسه فيه تقطيع

عزيزى ... هل يوجد امام الطبق عائق مثل الاشجار فعندما يداعبها الهواء تتمايل فيحدث عندك تكسير فى الصورة .
مع خالص تحياتى .

[ayman2009]

لأ الدش على السطوح ومفيش شجر جانبة ولا حوائط ولا حاجة بس فيه كذا طبق قريبين منه أوي xD

[السودانى]

اخى الاطباق اللى جنب طبقك فيها طبق كبير متحرك يمكن لما يتحرك بيغطى عليك

[السيد الوحش]

خليك معايه الموضوع هنحسمه انشاء الله
اولا لو القنوات الى بتقطع هيه موجا كومدى و الاهلى والجزيره الوثائقيه قثق تمام ان المشكله بسبب قطع فى السلك وغالبا يكون عند زواى خروج ودخول السلك الى الغرفه الموجود فيها
اما اذا كان فى بعض القنوات الاخرى مثلا النيل 11843 وروتانا سينما 11766 والمجد 3 فيكون الطبق محتاج فنى محترم مثلى هههههه
وعلى كلامك اذا كانت الاشاره عاليه فى بعض القنوات وبعضها مش موجوده فيكون اتجاه العدسه مش مظبوط ومتبعين معاك

[mnarh]

العطل ده قابلني قبل كده كان السلك من عند الكونكتور مشمتظبط كويس يعني تقول انه ملمس فشويه يشتغل كويس وشويه يقطع فراجع ال2كونكتور وانشاء الله هيبقي تمام

[طارق الصعيدي]

لايمكن الحكم الابالمعاينة للمكان ونوعية الطبق لان كل ماتتكلم عة من ضعف يحكمة اكثر من عامل

نصيحتي لك ان تبحث عن فني مشهور وقديم ومعروف لان كل من هب ودب بقي مهندس تركيبات فالموضوع تحكمة الخبرة والممارسة الكثيرة ومش عيب ان الواحد يتعلم التركيب بس العيب ان اركب طبق لواحد مش مضبوط
انا من الناس اللي ركبت جميع الاطباق علي السطح عندي لاتعلم فيها افك واربط واعيد التركيب لاتعلم من كل مرة بدلا من ان احرج نفسي عند الناس

وانا بركب ولما اتقنت جميع التركيبات ذهبت مع فني تركيبات لاساعدة واتعلم منة حتي اتقنت تركيب جميع انواع التركيبات واصبحت اعمل لوحدي كما ان فني التريبات لابد ان يكون ملم بالبرمجة والتحديث وكل مايخص مجال السوفت وير للريسيفرات فالتطوير شيء رائع وجميل
فكثيرا ماعدلت اطباق كثرة وراء فنيين دش حيث تركوا الطبق واشارتة ضعيفة وغير مضبوطة بالمرة
تقبل تحياتي اخي الكريم

[mahmoud apoalata]

size="7"][b]أنا هنا هنا يابن الحلال[/size]

[البرنس الشامى]

لايمكن الحكم الابالمعاينة للمكان ونوعية الطبق لان كل ماتتكلم عة من ضعف يحكمة اكثر من عامل

نصيحتي لك ان تبحث عن فني مشهور وقديم ومعروف لان كل من هب ودب بقي مهندس تركيبات فالموضوع تحكمة الخبرة والممارسة الكثيرة ومش عيب ان الواحد يتعلم التركيب بس العيب ان اركب طبق لواحد مش مضبوط
انا من الناس اللي ركبت جميع الاطباق علي السطح عندي لاتعلم فيها افك واربط واعيد التركيب لاتعلم من كل مرة بدلا من ان احرج نفسي عند الناس

وانا بركب ولما اتقنت جميع التركيبات ذهبت مع فني تركيبات لاساعدة واتعلم منة حتي اتقنت تركيب جميع انواع التركيبات واصبحت اعمل لوحدي كما ان فني التريبات لابد ان يكون ملم بالبرمجة والتحديث وكل مايخص مجال السوفت وير للريسيفرات فالتطوير شيء رائع وجميل
فكثيرا ماعدلت اطباق كثرة وراء فنيين دش حيث تركوا الطبق واشارتة ضعيفة وغير مضبوطة بالمرة
تقبل تحياتي اخي الكريم


انا مع الاخ طارق الصعيدى فى حرف كتبة مع احترامى لكل الحلول الراجل قال الكلام الخلاصة patch_lov-

[اللمبى22]

يمكن يكون فى طيارة استطلاع ههههههههههه على العموم النيل سات كلة مشاكل ودايما الترددات بتقطع

[يونس على]

غير السلك واستخدم السلك الاسبانى