مساعده بخصوص الهوت بيرد على كارت الستالايت

[أبو إسماعيل]

السلام عليكم ، عندي كارت ستالايت 1027 شغال بكفاءة على النايل سات لكن أنا عاوز اتفرج على الدوري الإنجليزي ودوري الأبطال ، الطبق عندي 70 هل لو ظبطت الطبق على الهوت بيرد فقط باعتبار اني مش بتفرج على النايل سات ده اصلا مبقاش عليه حاجه تتشاف ، هل هلاقي قنوات بتنقل الدوريات دي مجانا واللا لازم شيرنج ، وهل فيه هنا اشتراكات في الشيرنج تفتح البين سبورت على سهيل سات باشتراك ( مادام كده كده هدفع تمن الشيرنج اخليه بالعربي احسن ) واللا الشيرنج على الهوت بيرد أفضل ؟
ويا ترى الطبق ال70 هيجيب الإشاره علما بأني من محافظة الدقهليه تحديدا من ميت غمر ، واللا أجيب طبق 85 ؟ ولو هعمل مسطره ايه اللي يشتغل كويس مع الهوت بيرد على طبق 85 او 1 متر ؟

[camryh]

للاسف اعتقد ان الكارت لايستقبل القنوات ال hd
مش متاكد

[tabaza]

اولا لابد أن يكون الكارت داعم للقنوات ال HD لان اغلب قنوات الرياضه علي هوت بيرد الان HD
مكانك اخي الكريم عامل مؤثر في الاستقبال وأعتقد أن قطر طبقك صغير نوعا ما والافضل طبق متر لاستقرار الاشاره خاصه قنوات canal و eleven
بالنسبه لقنوات بي ام لا يوجد اي ***** فاتحها حتي الآن علي اي جهاز وليها جهاز خاص بها لكن هناك قنوات beout q ودي في ******* معينه تعمل عليها مثل فورايفر وجهاز سيناتور وهي علي قمر عرب سات فقط لكنها قنوات مقرصنه للبث
الهوت بيرد يعمل جيدا مع مسطره النايل سات بشرط الضبط الجيد ... موفق اخي .. تحياتي

[أبو إسماعيل]

للاسف اعتقد ان الكارت لايستقبل القنوات ال hd
مش متاكد

https://image.ibb.co/kSABBz/04_10_2018_06_50_58.jpg
https://image.ibb.co/kSABBz/04_10_2018_06_50_58.jpg

يعني أفهم من كلامك ان كارت الستالايت عندي وهو من نوع توينهان ، لو اشتريت طبق متر واستقبلت عليه الهوت بيرد مش هيفتح قنوات اصلا لأن كل القنوات عليه اتش دي ؟! ركز يا فندم بالله عليك لأني كنت لسه هشتري الطبق المتر خلاص، انا عندي محل ومش معقول هسيبه واروح اتفرج على الماتشات على القهوه فحبيت اشوف حل غير شراء ريسيفر بين سبورت ده .
..........
اثناء وجودي في القاهرة كنت مشترك في شيرنح ب45ج كان فاتح ليا قنوات كتير جدا وبشوف كل الدوريات ، الكلام ده من عشر سنين تقريبا .
...........
القنوات الإتش دي عندي شغاله صوت حاليا ، هل المشكلة في الكودك فقط واللا الكارت كده غير مؤهل لإستقبال صورة ( اعتقد ما دام استقبل صوت يبقى المشكلة في كودك الفيديو المناسب)
حد يشوفلي حل بالله عليكم

[أبو إسماعيل]

https://egypt.souq.com/eg-ar/azurewave-ad-sp200-twinhan-1027-satellite-hdtv-pci-card-4946648/i/
انا عملت بحث بسيط ومواصفات الكارت على موقع سوق بتأكد انه يدعم قنوات اتش دي يا فندم

[hazzuma]

أعتقد الكارت قديم ولا يدعم قنوات HD ، عليك بشراء كارت ستالايت جديد فى حدود 750 جنيه،بيكون مكتوب عليه S2 وهو ما يعنى دعمه للقنوات عالية الجودة،،،تحياتى

[أبو إسماعيل]

http://a.up-00.com/2018/10/153874500523562.jpg
يعني الكارت ده لا يدعم اتش دي ؟ متأكد ؟

[hazzuma]

http://a.up-00.com/2018/10/153874500523562.jpg
يعني الكارت ده لا يدعم اتش دي ؟ متأكد ؟
بنسبة كبيرة جدا،،،حضرتك إشتريته سنة كام،وبكام؟ تحياتى

[أبو إسماعيل]

من اكتر من 11 سنه ، لكن لو مش بيدعم قنوات HD ازاي بتظهر في البحث وبتنزل في القنوات وبعضها بيشتغل صوت فقط ، مش كده يبقى العيب في الكودك والفلاتر بس والا مكنش الكارت فتحها صوت !

[hazzuma]

وهوا كان فى قنوات HD من أكتر من حداشر سنة !!! يعنى كان الموضوع لسة فى بدايته خالص،،،،هناك نوعين من الإتش دى،نوع قديم يمكن لكروت الستالايت التعامل معه،ونوع أخر حديث،لا بد له من كارت حديث يدعمه،مكتوب عليه S2 ،كما ذكرت بمشاركتى السابقة،،،وعشان تتأكد حاول تستقبل على الكارت اللى عندك أى تردد مكتوب تحته S2 ،على النايل أو الهوتبيرد،على موقع فلاى سات بالرابط التالى:flysat.com
ولن تجد إشارة لأغلب هذه الترددات،،،جرب وبلغنا،،،تحياتى لحضرتك

[MohamedYousri]

الاخ الفاضل الخلاصه

اولا : الطبق صغير جدا 70 ولا يصلح لالتقاط كل ترددات الاوروبي

ثانيا : كل قنوات و ترددات الاوروبي هي من نوع DVB-S2 وبالتالي غير مدعومه علي كارتك و مش هترفع اشاره اصلا

ثالثا : لا يوجد فك ***** لباقه beIN علي اي قمر و انواع ريسيفرات معينه فقط تستطيع تشغيل beoutQ اللي بتسرق من beIN ارخص واحد فيهم ف حدود 500 جنيه ولازم طبق يتظبط علي العرب سات ف الاغلب متر برضه

رابعا اي ***** شيرنج ف حدود 50 جنيه ف السنه هيفتحلك كل القنوات الرياضيه اللي علي الاوروبي و هتقدر تشوف كل الاحداث الرياضيه تقريبا بنسبه 90%

خامسا الحل الارخص هو ريسيفر بيدعم الشيرنج زي سكاي لاين 222 مثلا و قطعه واي فاي بتتركب فيه و تشغله شيرنج علي الاوروبي و تتفرج علي كل حاجه براحتك

[MohamedYousri]

معلومه كمان
كروت الدش حاليا غاليه اوي و الكارت الـTevii بيعدي ال600 جنيه بالتالي هتبقي تكلفته عاليه و بتمنه لوحده تقدر تجيب طبق متر و تشغله اوروبي مع ريسيفر و قطعه واي فاي و تشغل كل حاجه براحتك

[هانى هدهد]

كلام جميل من كل الناس المحترمة فى المنتدى
ولكن ما لفت نظرى ******* السنوى = 50 ج ...موجود؟؟؟؟؟؟؟؟؟؟

[hazzuma]

كلام جميل من كل الناس المحترمة فى المنتدى
ولكن ما لفت نظرى ******* السنوى = 50 ج ...موجود؟؟؟؟؟؟؟؟؟؟
فعلا،،،،أعتقد مفيش حاجة بخمسين جنيه،حاليا،،،معظمهم يبدأ من ثمانون جنيه،سنويا،،،تحياتى

[MohamedYousri]

بعض اصحاب ********* بيعملوا تخفضيات بيوصل فيها ******* السنه ب50 جنيه و السنتين ب80 جنيه و ******* قويه و محترمه جدا

و لو ******* ب100 جنيه حتي ف السنه ف هي تكلفه تعتبر بسيطه جدا قصاد انك هتشوف كل البطولات علي كل الاقمار المختلفه

[أبو إسماعيل]

الاخ الفاضل الخلاصه

اولا : الطبق صغير جدا 70 ولا يصلح لالتقاط كل ترددات الاوروبي

الطبق 85 سم وليس 70 ويدعم استقبال 3 أقمار


ثانيا : كل قنوات و ترددات الاوروبي هي من نوع DVB-S2 وبالتالي غير مدعومه علي كارتك و مش هترفع اشاره اصلا

الإشارة موجودة والصوت أيضا ويظهر ان المشكله في الفلاتر وعلشان كده سألت وبسأل تاني ، الكارت لو مش اتش دي كان هيستقبل اشارة ويجيب صوت للقنوات دي ؟!!


ثالثا : لا يوجد فك ***** لباقه beIN علي اي قمر و انواع ريسيفرات معينه فقط تستطيع تشغيل beoutQ اللي بتسرق من beIN ارخص واحد فيهم ف حدود 500 جنيه ولازم طبق يتظبط علي العرب سات ف الاغلب متر برضه

يعني انا كده خسرت تمن الطبق ؟! ومحتاج ريسيفر


رابعا اي ***** شيرنج ف حدود 50 جنيه ف السنه هيفتحلك كل القنوات الرياضيه اللي علي الاوروبي و هتقدر تشوف كل الاحداث الرياضيه تقريبا بنسبه 90%

خامسا الحل الارخص هو ريسيفر بيدعم الشيرنج زي سكاي لاين 222 مثلا و قطعه واي فاي بتتركب فيه و تشغله شيرنج علي الاوروبي و تتفرج علي كل حاجه براحتك
ما هو ده بالظبط اللي كنت بحاول اعمله ، لكن اصطدمت بكارت الستالايت وأصلا لحد دلوقتي مش عارف اظبط المسطرة وفكرت استعين بفني و3 منهم محدش عايز ييجي لحد دلوقتي يظبط الطبق اللي بناء على استقبال الإشارة بتاعته هقدر اشوف ايه المناسب واعمله زي ما تفضلت حضرتك ، انا واقف على ظبط الطبق ومستني حد محترم يعبر اهلي وييجي يظبطه :( وبعدها هشوف اللي ممكن اتصرف فيه في حدود الإمكانيات ، الف شكر على التوضيحات دي

[hazzuma]

الطبق ال85 ممكن يستقبل اربع أقمار كمان مستريح،،،(يعنى مثلا،نايل واوروبى ويوتلسات7،وعربسات،،،),ثانيا طالما مفيش فنيين،عاوزين يجولاك،إظبطه حضرتك،بنفسك،وهتكون أحسن من الفنيين،اللى هما،مش فنيين ،أصلا،،،وكما قال الإمام الشافعى،،ما حك جلدك مثل ظفرك،،فقط،تابع الفيديوهات الموجودة بقسم التركيبات،وهتتعلم كل حاجة ،،،وبالتوفيق

[mstf_ata]

الكارت لن يقوم بتشغيل قنوات DVB-S2 او HD2 سيقوم بتشغيل قنوات HD1 امثال قنوات On HD على النايل سات.