السيدعبدالعزيز
2018/11/07, 10:35 AM
بعد ماتش الترجى التونسي و الاهلى فى مبارة ذهاب نهائى افريقيا ابطال الدورى خرج علينا بعض المهللين اللى طبعاً ما ورهمش حاجة غير الاهلى ومركزين معاه اكتر من تركيزهم مع فريقهم هما ..
و قعدوا يرددوا الاتحاد الافريقى اهلاوى و انه مصمم ان الاهلى ياخد البطولة .
بس واضح ان الاتحاد الافريقى فعلااااااااااً مجامل للاهلى و عايزه ياخد البطولة بأى شكل . ..... و الدليل على كده .
1/ هدف مروان محسن الملغى مش فاهم بحجة اية يعنى فى ماتش الترجى اللى كان أول ماتش فى دور المجموعات .
2/ هدف وليد ازاروا اللى اتلغى فى ماتش تاونشيب فى بتسوانا بحجة انه فاول على وليد سليمان و لحد دلوقتى مش فاهم إزاى بس ما علينا يعنى .
ضربة جزاء لاجاى غير محسوبة مع العلم ان الكورة دى هى اللى بسببها اجاى ما بيلعبش من ساعتها لحد دلوقتى مع ان الحكم كان واقف جنبها مفيش 2 متر .
3/ هدف وليد ازارو فى ماتش وفاق سطيف الذهاب اللى كان هنا و اتحسب تسلل غريييييييييييب على مؤمن زكريا .
4/ ايقاف شريف اكرامى فى ماتش الذهاب و العودة بتاع وفاق سطيف لانه شد مع راجل الاسعاف فى ماتش حوريا الغينى اللى هناك مع ان الكلام ده ماجاش فى تقرير الحكم ولا مراقب المباراة و الدليل انه كان موجود فى الماتش اللى بعده و اللى كان هنا عادى جدا .... بس يالا .......... سبحان الله .
5 / معاقبة الاهلى باللعب ماتشين من غير جمهور و غرامة 20 الف دولار واقعة سب طال عمره مع العلم ان ترك ال شيخ مالوش اى صفة فى الاتحاد الافريقى و مش فاهم اية علاقة ترك بالاتحاد و الاتحاد بترك . ....... و بصراحة مش قادر افهم هو الاتحاد فهم الشتيمة إزاى و هى بالعربى . و ماجاش فى تقرير الحكم او مراقب المبارة اى حاجة عن الموضوع ده .
6/ ايقاف وليد ازاروا مبارتيين مع ان حكم الماتش ما كتبش الواقعة فى تقرير لا هو ولا مراقب المبارة و الواقعة ما اتصورتش بشريطالفيديو الرسمى ...... مع ان الاتحاد قال ان لو الواقعة ثبتت فى شريط المبارة الرسمى هيتم توقيع عقوبة .
7/ خلى يا سيدى وليد لما عمل كده و الحكم كتب فى تقريره و شريط الفيديو اثبت ده . ليه الاهلى يتوقع عليه غرامة 20 الف جنيه . يعنى اية ذنب الاهلى فى واقعة زى دى لا هو عمل حاجة ولا الجمهور عمل حاجة يستوجب عليها العقوبة . اللاعب عمل كده و انت وقفته ماتشين بس خلاص . مال الاهلى بالموضوع بقى .
8/ طلب استدعاء للتحقيق مع كارتيرون مع ان هو المضروب من لاعب الترجى و لحد دلوقتى ما سمعناش عن اى عقوبة اتوقعت على اللاعب . و بيقال ان الحجة ان كارتيرون اتعصب فى الماتش . طب هو بالنسبة لمدرب الترجى كان بيبيع سبح ؟؟؟ و بعدين ما كل المدربين بيتعصبوا من امتى بيتحقق معاهم ؟؟؟
9/ الاتحاد الافريقى هيعمل اجتماع يوم الاربع لنظر الالتماس المقدم من الترجى لرفع ايقاف الانذارين عن اللاعبين بتوع الترجى مع ان كوم ضارب هانى فى وشه من غير كورة يعنى مش محتاجه نقاش .. مع العلم ان لحد دلوقتى الكاف ما عملش اجتماع لتوقيع عقوبة على الترجى ولا النجم الساحلى فى واقعة الخناقة اللى وصلت ان اللعيبة ضربوا بعض .
10/ الاتحاد الافريقى فعلاااااااااً اهلاوى بدليل ان الترجى صعد للنهائى بهدف ملغى بالرغم انه هدف سليم لاول اغسطس .
ده اللى عمله الاتحاد الافريقى الاهلاوى معانا السنة دة بس . طبعاً مش هتكلم عن بطولة السنة اللى فاتت اللى اتسرقت مننا فى ماتش الوداد لما الوداد جاب جون من فاول للاهلى ولا على ضربة جزاء ازاروا اللى ما اتحسبتش ولا هتكلم ع اللى حصل فى ماتش الترجى وماتش النجم مع الاهلى برضه .
و قعدوا يرددوا الاتحاد الافريقى اهلاوى و انه مصمم ان الاهلى ياخد البطولة .
بس واضح ان الاتحاد الافريقى فعلااااااااااً مجامل للاهلى و عايزه ياخد البطولة بأى شكل . ..... و الدليل على كده .
1/ هدف مروان محسن الملغى مش فاهم بحجة اية يعنى فى ماتش الترجى اللى كان أول ماتش فى دور المجموعات .
2/ هدف وليد ازاروا اللى اتلغى فى ماتش تاونشيب فى بتسوانا بحجة انه فاول على وليد سليمان و لحد دلوقتى مش فاهم إزاى بس ما علينا يعنى .
ضربة جزاء لاجاى غير محسوبة مع العلم ان الكورة دى هى اللى بسببها اجاى ما بيلعبش من ساعتها لحد دلوقتى مع ان الحكم كان واقف جنبها مفيش 2 متر .
3/ هدف وليد ازارو فى ماتش وفاق سطيف الذهاب اللى كان هنا و اتحسب تسلل غريييييييييييب على مؤمن زكريا .
4/ ايقاف شريف اكرامى فى ماتش الذهاب و العودة بتاع وفاق سطيف لانه شد مع راجل الاسعاف فى ماتش حوريا الغينى اللى هناك مع ان الكلام ده ماجاش فى تقرير الحكم ولا مراقب المباراة و الدليل انه كان موجود فى الماتش اللى بعده و اللى كان هنا عادى جدا .... بس يالا .......... سبحان الله .
5 / معاقبة الاهلى باللعب ماتشين من غير جمهور و غرامة 20 الف دولار واقعة سب طال عمره مع العلم ان ترك ال شيخ مالوش اى صفة فى الاتحاد الافريقى و مش فاهم اية علاقة ترك بالاتحاد و الاتحاد بترك . ....... و بصراحة مش قادر افهم هو الاتحاد فهم الشتيمة إزاى و هى بالعربى . و ماجاش فى تقرير الحكم او مراقب المبارة اى حاجة عن الموضوع ده .
6/ ايقاف وليد ازاروا مبارتيين مع ان حكم الماتش ما كتبش الواقعة فى تقرير لا هو ولا مراقب المبارة و الواقعة ما اتصورتش بشريطالفيديو الرسمى ...... مع ان الاتحاد قال ان لو الواقعة ثبتت فى شريط المبارة الرسمى هيتم توقيع عقوبة .
7/ خلى يا سيدى وليد لما عمل كده و الحكم كتب فى تقريره و شريط الفيديو اثبت ده . ليه الاهلى يتوقع عليه غرامة 20 الف جنيه . يعنى اية ذنب الاهلى فى واقعة زى دى لا هو عمل حاجة ولا الجمهور عمل حاجة يستوجب عليها العقوبة . اللاعب عمل كده و انت وقفته ماتشين بس خلاص . مال الاهلى بالموضوع بقى .
8/ طلب استدعاء للتحقيق مع كارتيرون مع ان هو المضروب من لاعب الترجى و لحد دلوقتى ما سمعناش عن اى عقوبة اتوقعت على اللاعب . و بيقال ان الحجة ان كارتيرون اتعصب فى الماتش . طب هو بالنسبة لمدرب الترجى كان بيبيع سبح ؟؟؟ و بعدين ما كل المدربين بيتعصبوا من امتى بيتحقق معاهم ؟؟؟
9/ الاتحاد الافريقى هيعمل اجتماع يوم الاربع لنظر الالتماس المقدم من الترجى لرفع ايقاف الانذارين عن اللاعبين بتوع الترجى مع ان كوم ضارب هانى فى وشه من غير كورة يعنى مش محتاجه نقاش .. مع العلم ان لحد دلوقتى الكاف ما عملش اجتماع لتوقيع عقوبة على الترجى ولا النجم الساحلى فى واقعة الخناقة اللى وصلت ان اللعيبة ضربوا بعض .
10/ الاتحاد الافريقى فعلاااااااااً اهلاوى بدليل ان الترجى صعد للنهائى بهدف ملغى بالرغم انه هدف سليم لاول اغسطس .
ده اللى عمله الاتحاد الافريقى الاهلاوى معانا السنة دة بس . طبعاً مش هتكلم عن بطولة السنة اللى فاتت اللى اتسرقت مننا فى ماتش الوداد لما الوداد جاب جون من فاول للاهلى ولا على ضربة جزاء ازاروا اللى ما اتحسبتش ولا هتكلم ع اللى حصل فى ماتش الترجى وماتش النجم مع الاهلى برضه .