لحظة حب

[محمد صبحى الرفاعى]

لحظة حب دفعت تمنها
سنين من عمري جراح وعذاب
لحظة حب خسرت عشانها
اعز حبايب واغلي صحاب
......
قلت هاجرب اسلم قلبي
لواحد يعرف امته يصون
واتاريك واحد ماشي يجرب
مره يحب ومره يخون
....
ليه تختارني انا بالذات
وتخليني اعيش حكايات
مالهاش ابدا اي لزوم
صورة لعاشق بقي مهزوم
واللي رسمها واحد كداب
.....
لحظة حب دفعت تمنها
سنين من عمري جراح وعذاب
لحظة حب خسرت عشانها
اعز حبايب واغلي اصحاب
......
سبت الناس ومشيت وياك
قلت هوايا هو هواك
سكة مشيت لاخرها معاك
واما وصلت لقيتها سراب

محاولات غنائية
محمد الرفاعي