المساعد الشخصي الرقمي

مشاهدة النسخة كاملة : مشكلتى مع شركة المياه

ayad200055
2018/11/17, 04:08 PM
قدمت على عداد مياه لشقتين من 2012 بعدها بفترة لقيت الوصل لشقة واحدة المهم انا قولت عادى شقة شقتين مش مشكلة طالما فى عداد وبدفع الاستهلاك بعدها بفترة لقيت غرامة على الوصل ولما استفسرت قالولى انت مقدم عداد لشقة واحدة وبتبيع المياه لشقة تانية قولتلهم انا مقدم لشقتين قالولى الورق الموجود لشقة واحدة والتانية ناقصة وصل نور قولتلهم اعمل اضافة للشقة قالولى تدفع مديونيتها حوالى 4 الاف جنيه واجمالى استهلاك العداد واستهلاك الشقة اللى معايا 9 الاف جنيه بالغرامة اعمل ايه مع المشكلة دى
الباشا وليد
2018/11/18, 10:05 AM
من المفترض ان انت عندك شقتين وقدمت على كل واحدة عداد مستقل
وتم تركيب عداد 1 فكان عليك من البداية متابعة طلبك الثانى لاستكمال دخول العداد الاخر تفادى للغرامات ومحاضر سرقة مياة و6 سنوات كتير
لان هناك تراخى من جانبك فى استكمال الاجراءات
حاول تشوف الشئون القانونية بالفرع او تقدم طلب لتخفيض الغرامة او تتظلم لرئيس مجلس الادارة
ayad200055
2018/11/22, 12:58 PM
اولا بشكرك على تعبك وردك
ثانيا
انا قدمت عداد واحد لشقتين شقة ليا والتانية شقة اخويا يعنى فصلت الشقتين عن المنزل بعداد واحد وقدمت مستندات الشقتين ودفعت مديونية الشقتين لقيت وصل المياه لشقة واحدة بس سألت فى الشركة قالولى مستندات الشقة التانية ناقصة وصل نور اديتهم وصل النور ومعملوش حاجة خلوا العداد بردوا على شقة واحدة وده اهمال من الموظف مش من عندى وفى الاخر يحطوا غرامات بمزاجهم ودلوقتى لو عايز ادخل الشقة التانية على العداد لازم ادفع مديونية الشقة فى عداد البيت حوالى 4 الاف جنيه مع انها مفصولة وادفع كمان استهلاكها فى العداد الجديد حوالى الفين جنيه يعنى عايزين ياخدوا فلوس من الشمال واليمين
hoba_mz
2018/12/10, 08:08 PM
قدم شكوى للنيابة الإدارية