ترومان +١ ومشكلة فى البروسيسور

[asmh0]

كان عندى مشكلة فى ترومان بريمير +١ ان الجهاز بيرستر لوحده وييشتغل تانى المشكلة زادت شوية وبقى يهنج والصورة تبقى ثابتة وماتتحركش اقفله يقف على بوت نزلت سوفت انقاذ ونزلت انيجما والمشكلة زى ماهى المهم وديتة لفنى قالى دى مشكلة كذا اى سى محروق غيرهم والجهاز ماشتغلش قالى الجهاز عايزشحن فلاشة هاعملهولك فى باب اللوق المهم قولتله ماشى جاى استلم منو الريسيفر قالى الجهاز فى مشكلة فى البروسيسور ومش هاينفع تانى انا عايز اعرف الكلام دا مظبوط ولا هو مش عارف يصلحه ولا بوظه وهل فعلا الجهاز كدا بقى خردة ومش نافع شكرا

[م/محمدزيان]

اخى الكريم الجهاز كدا اتفتح واتلعب فى البوردة ال جوة والله اعلم اية ال اتشال او اتغير
ومش شرط ان الفنى ال انت وديت له الريسيفر يكون هو ال عمل كدا لا ممكن يكون بتاع باب اللوق او غيرة
على العموم ممكن تاخد الجهاز انت وتروح بية باب اللوق يوم من الصبح
وتروح التوكيل وتشوف رأيهم وقولهم فعلا ان الجهاز خارج الضمان وانه اتفتح وهما يشوفوا اية ال حصل بالظبط ويحاولوا يظبهولك
وان شاء الله تكون بسيطة ومتحتاجش لا لبرسيسور ولا حاجة ويكون فعلا العيب من الاى سيهات او غيرها وتكون بسيطة
على العموم ياريت تعمل موضوعك داخل قسم صيانة الاجهزة هنا فى المنتدى
وبالتوفيق

[asmh0]

شكرا ياهندسة على الرد وربنا يسهل ومايكونش الراجل شال حاجة منو ولا بدل بوردة ولا حاجة شكرا

[م/محمدزيان]

إن شاء الله ï»·
بس ياريت تشوف فنى متمرس وابن حلال
وهو حيصلحة لك
ربنا يوفقك