اشااااااره كيوماكس 999 v1 الجديد

[ملاك الكمبيوتر]

كيوماكس 999 v1 الجديد

بيفصل اشاره

مع العلم تم تجربته على اكتر من طبق

مجرد تركب السلك يشتغل ثم يفصل

هل عيب فى السوفت ام صيانه

وهل لو صيانه استطيع ان احدد ماكن العطل وتصليحه

[محمدعلى99]

تأكد من مخارج الفولتيات
وافصل علبه rf وجرب

[صلاح_صلاح760]

صيانه ممكن يكون العيب فى الرجليتر

[احمد سمير]

أولا

لو الطبق عندك شغال على اكتر من قمر

فعليك بتظبيط الدايزك

ثانيا لو شغال نايل سات فقط

يبقى هتغير

الريجيليتور

فقــــط لاغير

[الراهب]

قبل تغيير الريجوليتور أدي الجهاز فلاشته بلودر الجي أكس أولا وأنا رفعهالك قبل كده كمان فيه سوفت لحل مشكله الأشاره في الكيومكس المني مرفوع أيضا ومتابع معاك

[احمد سمير]

ماشى ياراهب يديله الفلاشه بتاعتك

الاول ونشوف ههههههه

لك خالص التحيه ياغالى

[الراهب]

يا عم أحمد معلشي أنت رئيس المشرفين وحضرتك فوق راسي وأنا مش بعدل عليك بس عاوز أخدم

[الراهب]

ولك مني كل تحيه وأحترام وتقدير patch_lov-patch_lov-patch_lov-

[الراهب]

ومتابع صاحبي بعد الفطار

[م/ احمد شومان]

جزاك الله خيرا يا راهب

[ملاك الكمبيوتر]

شكرا لكم اخوتى فى الله

استاذ احمد سمير

الطبق نايل سات

اما بالنسبه للريجوليتور

فانا معرفش حتى شكله

ارجو توضيح حتى ولو بالوصف

اما بالنسبه لاخى وحبيب قلبى اللى انا على طول تعبه معاى

حبيب قلبى ابو ياسين ( الراهب )

حجرب الفلاشه واتبع معاك

وجزاكم الله كل خير احبائى واخوتى فى الله

[الراهب]

ا غالي جرب الفلاشه وأنا معاك قبل الريجوليتور لو الفلاشه لم تجدي خير هتابع معاك بالتفصيل الممل حتي علشلن لو جينا أسكندريه تنغدي سمك مره ببلاش

[ملاك الكمبيوتر]

والله العظيم

اجمد واحلى وجبه سمك وجمبرى وكابوريا

على الاقل احس انى عملت معاك اى واجب

من اللى انت عامله معاى

ولو ناويت بجد ياريت فى رمضان

علشان اكسب ثواب صايم

ده يا باشا تنورناااااااااااااااااااا


بص يا باشا

مع تعديل اعدادات اللودر كما سبقا من قبل

فوق بعد لحد 100 فى 100

وتحت صفر

يعنى ولا اى جديد


جربت اغير فى اعدادت اللودر

نفس القصه حتى على وضع الايرس

[ملاك الكمبيوتر]

بص يا ياباشا

دلوقتى انا جربت الفلاشه بعد تغيير اعدادات اللودر

للمره ال... كتير يعنى

قبل الفلاشه

وكما كان مفيش اشاره

[الراهب]

كده يا غال المشكله مش فلاشه ولا سوفت طيب بالراحه هات أفوميتر وأفتح الجهاز هتلاقي في برده الجهازالريجوليتور ووصفه مستطيل أسود به 3 رجول من ناحيه ورجل عريضه من ناحيه أخري وطوله 4 مليمتر وعرضه 1.8 مليمتر علي وضع قياس 200 فولت حط الطرف الأرضي الأسود علي جسم الجهاز والطرف الموجب علي الناحيه العريضه من الريجوليتور شوفه علي وضع dc هيديك كام فولت لو أداك 1.7 يبقي تمام لو أقل أو أكثر رد عليا علشان أديلك البديل السهل

[ملاك الكمبيوتر]

بص ياباش

انا لقيت شرح جميل جدا للاستاذ اسامه

وملخص الشرح الصور دى


http://www14.0zz0.com/2011/08/09/19/785920835.jpg (http://www.0zz0.com)

معلش بقى حتعبك معاى

اما عرفت ان العيب من ال3 حجات دى

ازاى اتعامل معاهم بالافو

معلش استحملنى

بكره اتعلم واضاربك فى المنتدى

[احمد سمير]

يا عم أحمد معلشي أنت رئيس المشرفين وحضرتك فوق راسي وأنا مش بعدل عليك بس عاوز أخدم



يا أخى

والله أنا بضحك معاك

وبأحترم ردك وعلى راسى من فوق

كل عام وانتم بخير ياغالى

[ملاك الكمبيوتر]

انا جربت القياس dc 200

الاسود على جسم الجهاز والاخر على رجل من ارجل

ال b772

و lm 317

مش عطينى اى قراء على الافو

[الراهب]

أخي أحمد ولا يهمك
أخي ملاك 772 لحمايه التيونر من الفولتيه الزياده وممكن الأستغناء عنه بعمل شورت بالطرف أللي في النص والطرف أللي الناحيه اللي ناحيتك
ترنزستور lm 317هو ترنزستور الأشارهفعلا بس لو بايظ ميديش أشاره فوق وتحت وأنت قلت مسبقا أنا عندي أشاره فوق و4 مقاومات الطبع حلهم التسخين ودي عمليه بالنسبالك أعتقد أنها صعبه الأن
مشكله جهازك تتلخص في حاجتين ما لهمش تالت الأولي الريجوليتور وكرستاله التيونر قيس الريجوليتور ورد عليا لو سليم يبقي مفيش إلا كرستاله التيونر ورقمها 24000 ولو الريجوليتور فيه حل سهل هاقولهولك لما تردعليابالأيجاب
أما بالنسبه أنك هتقطع عليا فأنا والحمد لله شغال تمام ومش ملاحق علي الشغل ومتابع معاك

[الراهب]

طيب قيس خرج التيونر أزاي
حط الطرف السالب علي جسم الجهاز والطرف الموجب بداخل مدخل أشارهالتيونر وشوف هيديك كام ورد عليا