المساعد الشخصي الرقمي

مشاهدة النسخة كاملة : كيفيه ترخيص محل دش وكم رسومه

هشام السعيد2
2019/03/03, 11:32 AM
كيفيه ترخيص محل دش وكم رسومه وما هي الاجراءات
هو محل ايجار جديد
هاني بيه
2019/03/03, 01:32 PM
كيفيه ترخيص محل دش وكم رسومه وما هي الاجراءات
هو محل ايجار جديد

اسهل حل للتراخيص تتوجه لاقرب مقر للصندوق الاجتماعي وتقولهم انا عايز ارخص المحل
لكن لو عايز الخطوات كلها مفيش مشكلة بس هيا طويلة قوي وختدوخ فيها لو قولتهالك مرة واحدة
تلميذ وبيتعلم
2019/03/03, 07:09 PM
متابع
هشام السعيد2
2019/03/03, 08:20 PM
سجل تجاري -رخصه -ضرايب
هاني بيه
2019/03/03, 09:04 PM
سجل تجاري -رخصه -ضرايب

يا ريس مواضيع التراخيص دي ليها خطوات كتير جدا ولازم تتم بالترتيب اللي هينسقهالك علشان ما تتعبش الصندوق الاجتماعي ومش لازم تكون هتسحب منهم قرض عادي انتا قولهم اني عايز ارخص بس
اما الخطوات والورق فترتيبهم
هتوثق عقد الايجار بالصيغة الصح اللي هيا
محل اجهزة كهربائية ( دش ) واهم حاجة بين قوصين دش دي
وبعدها تستخرج بطاقة ضريبية من منطقة الضرايب اللي تابع ليها
مكان المحل
وبعدين تستخرج شهاده مزوالة النشاط
وبعدين تستخرج السجل التجاري
وبعدين فيه موافقات لازم تجيبها قبل ما تبدء في التراخيص اهمها
موافقة المجلس المحلي للمنطقة اللي فيها المحل ان المكان دا مش في املاك دولة وان المكان دا مش ارض وقف
وثاني موافقة هيا موافقة المجلس المحلي للمركز بتاعك تفيد ان النشاط دا مسموح بيه في المكان دا
وبعد ما تجيب دول هتروح بيهم للغرفة التجارية علشان يكملو ليك السجل التجاري وكدا هيكون معاك السجل التجاري والبطاقة الضريبية
الباقي بقي انتا هتشوف محتاج تكمل التراخيص يبقي هتتوجه وتفتح ملف في التأمينات وتأمن علي صاحب العمل اللي هوا انتا
وتشوف ان كنت محتاج تأمن علي عامل او موظف عندك
وبعدين تتوجه للدفاع المدني علشان يدوك موافقة ان المكان مؤمن ضد الحرايق ويخلوك تشتري طفاية ويعملو ليك المعاينة ويدوك الموافقة بتاعتهم
وبعدين هتروح الكهرباء اللي تابع ليهاا المحل بتاعك وتقدم علي عداد كهرباء ولو موجود يبقي هتجيب شهاده بيانات للعداد اللي في المحل بيفيد ان العداد دا راكب في المحل اللي هيترخص
وبعد دتا هتروح مدرية الامن التابع ليها وتجيب موافقة الجهات الامنية وطبعها هيقولولك علي الكاميرات واماكنها وبعد ما تركب هيدوك موافقة وبعد ما تعمل دا كله هتروح المجلس المحلي التابع ليك ومعاك صورة من السجل التجاري وصورة من شهاده مزاولة النشاط - صورة من البطاقة الضريبية - وصورة من ايصالات الكهرباء (سواء ايصال كهرباء او ايصال دفع ثمن العداد ) وصورة من موافقة الدفاع المدني - ووصل من التأمينات للمنشئة -
وهيدوك رخصة موقتة مدتها 40 يوم وبعدها هتستلم الرخصة النهائية

وبعد كل العك دا بأكد عليك علشان ترتاح في الظيطة دي
اتوجه لاقرب مكتب تابع للصندوق الاجتماعي وهما هيظبطولك الدنيا واي ورقة من اللي قولتهولك لما تكون واخد خطاب موجه من الصندوق الاجتماعي هتخلص فينفس اليوم الا الدفاع المدني علشان بيحتاج معيايانات هوا والكهرباء
واتمني اكون فيدتك صح
AL MADAYEEN
2019/03/03, 09:45 PM
ما فيش فايدة الروتين مش هيتغير pat::ch_lfpat::ch_lfpat::ch_lfpat::ch_lfpat::ch_lf pat::ch_lfpat::ch_lfpat::ch_lfpat::ch_lfpat::ch_lf pat::ch_lfpat::ch_lfpat::ch_lfpat::ch_lfpatch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--patch_rir--
bibo_mm
2019/03/05, 06:50 PM
الحمدلله
محمد ضاحى**
2019/03/06, 02:26 PM
كل دة
عماد بشير
2019/03/06, 09:24 PM
فعلا كل ده انا مش عايز ارخص وانا مامن على نفسى عامل مقاولات وعندى محل دش من 10 سينين
باسم نصر
2019/03/06, 10:58 PM
يقطع الدش علي الي هيدششو عليه ههههههههههههههههههههههههههههههههه
هشام السعيد2
2019/03/07, 01:18 PM
المصاريف دي كلها حوالي كام
صلاح الطوخى
2019/03/07, 06:15 PM
مش عارف كام بس اكيد ثمن المحل والبضاعه الى فيه
ahmedlive
2019/03/08, 03:20 AM
يقطع الدش علي الي هيدششو عليه