تسجيل الدخول

مشاهدة النسخة كاملة : البث الأرضي هام جدا

الصفحات : [1] 2
انس رمضان
2019/05/18, 03:11 AM
يا جماعه عاوزين نعرف موقع العاشر من رمضان من البث الأرضي وهل بها.مركز إستقبال ولا لا
رضا محمد حسن
2019/05/18, 02:15 PM
لا يوجد بالعاشر محطة بث
اقرب مركز بث هيتم تركيبه فى مدينة الزقازيق (محطتين)
انس رمضان
2019/05/18, 11:54 PM
انا ركبىت اريل ولفيت كتير ودايخ وعملت بحث رقمى ومفيش اى تاثير ولا الهوا ولو ركبوا محطة الزقازيق هل هنقدر نستقبل ولا برده مفيش
رضا محمد حسن
2019/05/19, 01:05 PM
لو انت من العاشر من رمضان انا جربت على شاشة LG فيها بث رقمى
انا من العاشر وعملت اريال يدوى زجزاج هارفعلك صورته واستقلت 5 قنوات بث رقمى صورة روعة ارفع الاريال على ماسورة 4 متر لاعلى مكان ووجه ناحية الزقازيق مع العلم الاشارة جت معايا على محطة بث المحلة UHF 42
رضا محمد حسن
2019/05/19, 01:06 PM
محطة البث الرقمى اللى فى الزقازيق لم يتم تركيها حتى الان واليوم 19/5/2019
رضا محمد حسن
2019/05/19, 01:08 PM
دى صورة الاريال مع الوصلة المستخدمة مع السلك
رضا محمد حسن
2019/05/19, 01:10 PM
دى صور للقنوات على شاشة L G
فيها بث رقمى
انس رمضان
2019/05/19, 06:12 PM
هيا الشاشه عندى سامسونج وفيها بحث تناظرى وبحث رقمي يبقي كده الشاشه بتدعم وللعلم هيا 4k وكمان أنا دايخ بالاريل حرامي الدش القديم ومش جايب اي حاجه وللعلم أنا مجاوره 13 وياريت تعرفني خطوات عمل الاريل يبقي كتر خيرك
انس رمضان
2019/05/19, 07:16 PM
كمان بعد الفطار هصورلك البحث إلي في الشاشه مفهوش ودي صورة الكرتونه بتاعت الشاشه وللتأكد هل تدعم ولا لا وهيه مكتوبه عليها uhdtv
انس رمضان
2019/05/19, 08:46 PM
أستاذي العزيز لو سمحت ممكن تعملي أريل وانا اجيب لحضرتك الخامات المطلوبه لان الاريل إلي عندي قديم ومش جايب أى حاجه فياريت ترد عليا ضروري قبل البطوله الله يكرمك وانا معاك من العاشر
ميدو فرماوى
2019/05/19, 10:04 PM
العاشر ممكن تستقبل البث الارضى علشان وجود محطة بث قريبة منها وهى محطة ارسال ابي زعبل
انس رمضان
2019/05/19, 10:18 PM
أستاذ رضا ياريت تهتم بالموضوع
رضا محمد حسن
2019/05/19, 10:48 PM
انت تجيب خشبة حوالى 90 سم وتجيب سلك المونيوم بتاع منشر الغسيل عند بتوع الحدادة وورد/ ومسامير برمة / 2 متر سلك كهرباء شعر
وبعدين تقطع من الالمونيوم 8 قطع كل قطعة 40 سم تتنيها على 20سم بحرف 7 بالعربى لفوق على شكل حرف v
وتثبت كل واحدة بالوردة بتاعتها والسمار على البرمة كما فى الشكل التالى
رضا محمد حسن
2019/05/19, 10:50 PM
سيبك من الوصلة السمراء وعلى العموم فى فيديوهات على اليوتيوب بالصورة والصوت لعمل الاريال الزجزاج
انس رمضان
2019/05/19, 11:00 PM
الوصله.السمراء اسمها ايه
يسرى محمد ابو الفتوح
2019/05/20, 11:08 AM
ياجماعه انا فى شبرا مصر شاشه سامسونج 49 سمارت دخلت على البث الرقمى ومركب اريال على السطح اريال مواسير تعبان ومشارك معايا فى 3 افراد المهم دخلت على الرقمى التردد 32 جاب معايا اشاره 35 فقط ومع ذلك نزل 6 قنوات دخلت على التردد 36 نزل 6 قنوات اخرى الاولى /الثانيه/الثالثه/ نيل سبورت نيل دراما نيل ثقافيه/الناس/ نيل سينما/ +قناه اسمها برو ليجا hd يقال انها هتذيع كاس الامم صور هذه القنوات رائعه واكثر من ممتاذه ولا يمكن تفكر انها ارضى
انس رمضان
2019/05/20, 02:52 PM
استاذ رضا الوصله السمراء اسمها إيه ضروري عشان واحد زميلي هيعملي الاريل
redaelkholy999
2019/05/20, 11:05 PM
ياجماعه انا فى ابوحماد - الشرقية عندى شاشه سامسونج 32 سمارت دخلت على البث الرقمى مش منزل حاجة هل دا عيب تغطية فى المكان ؟ علما انى عامل اريل بطريقة احترافية من خلال شروحات السادة الزملاء؟
هل فى حلول الرجاء المساعدة
رضا محمد حسن
2019/05/21, 12:17 AM
سيبك من الوصلة السمراء انا معرفش اسمها لمس الجنب اليمين باى سلك كهرباء وعرى امام كل مسمار والجنب الشمال كذلك
والفر\دة اليمين اللى هتنزل من السلك الكهرباء اربطها بشكرتون مع فردة النحاس من سلك الدش
والفردة الشمال من سلك الكهرباء اربطها بشكرتون مع فردة الشعر من سلك الدش واعزل بينهم متخلهومش يلمسوا بعض
وارفع الاريال على ماسورة لا تقل عن 3 متر ارتفاع ووجه الاريال ناحية مدينة الزقازيق وحد يراقب الاشارة معاك ع الموبايل واهم شى جودة الاشارة ويكون الشاشة فيها بث رقمى
انس رمضان
2019/05/21, 01:21 AM
أستاذ رضا حابب اشكرك وبالفعل تم استقبال القنوات بنجاح خمس قنوات