طريقة إستقبال القمر NSS 7 و قمر Eutelsat W6 على طبق 130 متحرك

[sheko fun]

(بـــــــــــــســــــــم الله الرحــــــــــــــمـــــــــن الرحـــــــــــيــــــم )

فى البداية أحب أن أشكر المشرفين وجميع الأعضاء فى هذا المنتدى العاملين على الوصول للتميز دائماً ( وأنا شخصياً إستفدت كثيير جداً فى هذا المنتدى الرائع فعلاً .... )

بالنسبة للمشكلة إللى عندى هى إنى مش عارف أنزل القمرين دول ( NSS 7 ) ودة بالنسبالى مهم جداًً , والقمر التانى ( Eutelsat W6 )


مش عارف أنزلهم لأنهم مش مكتوب أساميهم فى قائمة الأقمار خاااالص

يعنى لما بجيب البحث فى الأقمار بلاقى فى القائمة أكثر من 40 قمر بس مفيش ولا قمر بهذه الأسماء خااالص .

بس إللى موجود عندى مقارب من إسم ( NSS 7 ) : عندى قمر إسمه NSS 6 و NSS 703 و NSS 806 و C-NSS K 80 .

لكن مفيش عندى خااالص NSS 7 ونفس الكلام على Eutelsat W6

فأنا عايز من فضلكم طريقة إنزال القمرين دول ولكم جزيل الشكر مع العلم إن جهازى أسترا 9500 .

وأسف جداً على الإطالة ....


شــــــــــــــــــــــكــــــــــــــــــــــــــ ـــــــراً

[حورس العاطفى]

اخى الكريم بالنسبة للقمر ( NSS 7 ينزل باسم KU_NSS703

والقمر Eutelsat W6 ينزل باسم Eutelsat 2F4

هذا الكلام عن تجربة شخصية على نفس الجهاز

[sheko fun]

ألف شكر لحضرتك يا أستاذ ( حورس ) : على مجهودك الرائع فى إفادة الناس .

إن شاء الله هجرب وأقول لحضرتك . ( بس لو ممكن حضرتك تقولى إيه أقوى تردد أنزل عليه القمرين دول ) وهل ممكن ينزلوا على طبق 130 بجودة إشارة كويسة .

وللمرة الثانية ألف ألف شكر لحضرتك يا أستاذ حورس .

[حورس العاطفى]

اولا الشكر لله
اقوى تردد
NSS 7 @ 22° West

12674 H
DVB-S/MPEG-2
20255 3/4


وتردداته كاملة

http://www.flysat.com/nss7.php (http://www.flysat.com/nss7.php)



Eutelsat W6 @ 21.6° East


اقوى الترددات

10972 V
DVB-S/MPEG-2
2170 3/4
Baghdad TV Channel


10975 V
DVB-S/MPEG-2
2170 3/4
Oman TV Satellite


11524 V
DVB-S/MPEG-2
2170 3/4
Salahaddin TV


11532 V
DVB-S/MPEG-2
2857 3/4
Alrai TV


ترددات القمر كاملة
http://www.flysat.com/eutelsatw6.php (http://www.flysat.com/eutelsatw6.php)

[sheko fun]

أولاً ألف شكر لحضرتك طبعاً يا أستاذ ( حورس ) على المجهود الكبير .

ثانياً : أنا حاولت كثيير قوى أنزل القمرين دول بس بلا جدوى للأسف معرفتش أنزلهم خالص رغم وضع أقوى الترددات بس للأسف مفيش إشارة خااااالص

والمشكلة الكبرى إن الفنيين إلى فتحين محلات جنبى للأسف لا أعتبرهم فنيين بالمرة . هما كويسين فى تركيب الدش لاكن وحشيين جداً فى إستقبال الأقمار ومعرفة إتجاهاتها . ( ميعرفوش غير النايل سات والأوروبى والتركى و بالعافية لو جابوا Eutelsat W3 و Serius 1.2.3 والعرب سات


دنا لما روحت للراجل إللى هوة المفروض إنه فنى قلتله أنا عايز أشترى من عندك طبق 180 بريفيكس وتركبهولى بس عايز أعرف إيه الأقمار الزيادة إللى هستقبلها .
عن الطبق 130 إللى هوة مركبهولى فى الأول .

قالى رد غريب : قالى مفيش ولا قمر زيادة هيسقبله الطبق ( بس القنوات هتكتر وهتبقى جودتها أعلى فى الأقمار الأوروبى والتركى و Eutelsat W3


قولتلوا : طب أنا كنت عايز أستقبل أقمار تانية زى ( NSS 7 و Eutelsat W6 و Express Am22 و Atlanticbird و Astra 1, 2 و Arabsat 2b و Hispasat و Panamasat


قالى حاجة غريبة جداًَ : قالى الأقمار دى لا يمكن إستقبالها هنا فى حلوان لأنها بعيدة جداً ومش ممكن تيجى حتى على طبق أكبر من 180 . وقالى هوة إيه قمر NSS 7 دة و بتاع إيه . وقالى الهيسباسات دة إتلغى مبقاش يتلقط فى مصر إطلاقاً .


قولتلوا شكراً والله يكرمك , وروحت البيت بجرب فى الطبق وسبحان الله نزلت القمر Hispasat إللى قالى إنوا إتلغى . ونزلت قمر Arabsat 2b

ودة بفضل الله ثم بمجهوداتكم الرائعة المفيدة إللى إستفدت منها الكثير .

فأرجوكم أريد أن أتعلم طريقة إستقبال هذة الأقمار بطريقة سلسة وبسيطة لأن مفيش فنيين كويسين عندنا هنا فى حدائق حلوان ممكن يفيدونى خالص .

وأسف جداً على الإطالة , وللمرة الثانية أنا بشكرك جداً يا أستاذ ( حورس )
أنت بالفعل أستاذنا الكبير ومعلمنا الرائع .

شــــــــــــــــــــــــــكــــــــــــــــــــــ ــــــــــــــــــراً

[شوقى نجيب]

بعد إذن حورس بص يا شيكو
مبدأيا كده هل أنت عارف مواقع الأقمار فى الفضاء
بمعنى أصح عارف هتحاول تلقط إشارة أى قمر فين تقريبا
لو عارف دى يبقى تتأكد إن إعدادات القمر إنه عالمى مش حاجة تانى
و إكتب الترددات المذكورة بالأعلى و لإستقبال nss 7 فى الموقع 22 غرب
تحرك ببطء من على الهيسبا سات اللى أنت أستقبلته بالفعل ناحية النايل سات
و تكون واقف على تردد الباقة الجزائرية و إن شاء الله تلقط إشارة القمر بسهولة
جرب دا مبدئيا و متابع معاك إن شاء الله

[عمرو امين]

متابعه جيده

[sheko fun]

فى البداية أنا بشكر أستاذ ( شوقى ) على المداخلة وعلى إهتمامه لإفادتى .


أنا جربت إللى حضرتك قولته بالظبط بس للأسف لم تنجح معى هذة التجربة .

وللأسف برده أنا معرفش مواقع معظم الأقمار فى الفضاء , لاكن إللى أعرفهم جيداً النايل سات و العرب سات والهوتبيرد والتركى أعرفه كويس جداً
وأعرف أيضاً موقع Eutelsat W3 و Hispasat

لكنى لا أعلم موقع NSS 7 ولا موقع Eutelsat W6 بس أنا أعرف إن القمر دة قريب من العرب سات يعنى العرب سات 26 والEutelsat w6 تقريباً 21.6 ( للأسف مدار الطبق إللى بيمشى فيه مبيلقطش أى إشارة لهذة الأقمار خااااالص رغم إنى أعلم إن طبق 130 سم المفروض يجيب القمرين دول .

بس أنا طمعان شوية فى خبرة حضراتكم : كنت عايز أعرف بما إنى لسة مبتدئ فى موضوع توجيه الطبق لقوس الأقمار فهل ممكن أفك صامولة تحريك الطبق وأحركه يدوى لإستقبال أعلى إشارة وأخذ معايا تلفزيون والريسيفر والبوزشنر فوق السطوح لمتابعة تنزيل الأقمار بجانب المصدر مباشرة ( لو ينفع الكلام دة ياريت تقولوى أعمل إيه بالظبط وإيه الخطوات التى يجب إتباعها لأنى حاسس إن الطبق مش مظبوط كويس على مدار الأقمار ) ولو ممكن أصور قاعدة الطبق والحامل بتاعه عشان تقولولى أفك أنهى صامولة بالظبط عشان مبوظش الدنيا ....

وفى الحقيقة أنا مش عارف أشكركم إزاى على إهتمامكم وعلى إفادتكم لى ..

ألف شكر لكم جميعاً .... وأسف جداً إنى بتتائل على حضراتكم .

شـــــــــــــــــــــــــــــــــــــــكـــــــــ ــــــــــــــــــــــــــــــــراً

[شوقى نجيب]

يا شيكو طالما أن أنت مبتدأ
سيبك من مسألة تظبيط المدار دى
لحسن يخرج منك عن المدار أصلا
و بعدين أنت مستقبل من هيسباسات 30 غرب
لغاية العرب سات بدر 26 شرق فدا يدل على إن المدار
مضبوط كويس بالإضافة إلى إن الأقمار المطلوب البحث عنها
تقع داخل حيز الأقمار اللى أنت أستقبلته لكن أظن أنه فيه حاجة
تانية مش مظبوطة فلو ممكن ترفعلى صورة من صفحة قمر nss 7
فى الموقع 22 غرب و إنت واقف على التردد المذكور يعنى اللى بتحرك
فيه الطبق و تحاول تلقط القمرعشان أتأكد إنك دخلت الإعدادات بطريقة سليمة

[sheko fun]

أنا جبت لحضرتك ( يا أستاذ شوقى ) صورة من الريسيفر وأنا بظبط التردد للقمر :

http://image.beyluxe.com/pictures/9b99edd370d2f0b2b35a5bb126688fce.jpg

http://image.beyluxe.com/pictures/d8c5c921bb0bff9c7e5e114d06f94626.jpg

معلش أنا لقط الصورة بالموبايل بس لو حضرتك لاحظت هتلاقى تحت خالص جودة الإشارة ( صفر ) وطبعاً بتفضل كدة طول ما الطبق بيلف المدار كله مبيلقطش حتى ( 10 % ) ولو لاحظت أيضاً إسم القمر فوق تانى خانة إسمه Ku - NSS 703

وإذا فى أى شئ غلط عندى أرجوا الإفادة من حضرتك . ولك جزيل الشكر .


شـــــــــــــــــــــــــــــــــكـــــــــــــــ ــــــــــــــــراً

[شوقى نجيب]

تمام حبيبى معلش عايزك تتأكد
من الإعدادات المشار إليها
http://www3.0zz0.com/2011/08/17/15/487501183.jpg

[sheko fun]

بالظبط يا أستاذ ( شوقى ) هية هية نفس الإعدادات بالظبط وشغال عليها كل الأقمار إللى عندى على نفس الإعدادات دى

[شوقى نجيب]

طيب أنت لما بتحاول تستقبل nss 7
بتكون واقف على الهيسباسات و تتحرك ببطء
بإتجاه النايل سات زى أنا مقولتلك و لا أيه بالضبط

[حورس العاطفى]

أولاً ألف شكر لحضرتك طبعاً يا أستاذ ( حورس ) على المجهود الكبير .

ثانياً : أنا حاولت كثيير قوى أنزل القمرين دول بس بلا جدوى للأسف معرفتش أنزلهم خالص رغم وضع أقوى الترددات بس للأسف مفيش إشارة خااااالص

والمشكلة الكبرى إن الفنيين إلى فتحين محلات جنبى للأسف لا أعتبرهم فنيين بالمرة . هما كويسين فى تركيب الدش لاكن وحشيين جداً فى إستقبال الأقمار ومعرفة إتجاهاتها . ( ميعرفوش غير النايل سات والأوروبى والتركى و بالعافية لو جابوا eutelsat w3 و serius 1.2.3 والعرب سات


دنا لما روحت للراجل إللى هوة المفروض إنه فنى قلتله أنا عايز أشترى من عندك طبق 180 بريفيكس وتركبهولى بس عايز أعرف إيه الأقمار الزيادة إللى هستقبلها .
عن الطبق 130 إللى هوة مركبهولى فى الأول .

قالى رد غريب : قالى مفيش ولا قمر زيادة هيسقبله الطبق ( بس القنوات هتكتر وهتبقى جودتها أعلى فى الأقمار الأوروبى والتركى و eutelsat w3


قولتلوا : طب أنا كنت عايز أستقبل أقمار تانية زى ( nss 7 و eutelsat w6 و express am22 و atlanticbird و astra 1, 2 و arabsat 2b و hispasat و panamasat


قالى حاجة غريبة جداًَ : قالى الأقمار دى لا يمكن إستقبالها هنا فى حلوان لأنها بعيدة جداً ومش ممكن تيجى حتى على طبق أكبر من 180 . وقالى هوة إيه قمر nss 7 دة و بتاع إيه . وقالى الهيسباسات دة إتلغى مبقاش يتلقط فى مصر إطلاقاً .


قولتلوا شكراً والله يكرمك , وروحت البيت بجرب فى الطبق وسبحان الله نزلت القمر hispasat إللى قالى إنوا إتلغى . ونزلت قمر arabsat 2b

ودة بفضل الله ثم بمجهوداتكم الرائعة المفيدة إللى إستفدت منها الكثير .

فأرجوكم أريد أن أتعلم طريقة إستقبال هذة الأقمار بطريقة سلسة وبسيطة لأن مفيش فنيين كويسين عندنا هنا فى حدائق حلوان ممكن يفيدونى خالص .

وأسف جداً على الإطالة , وللمرة الثانية أنا بشكرك جداً يا أستاذ ( حورس )
أنت بالفعل أستاذنا الكبير ومعلمنا الرائع .

شــــــــــــــــــــــــــكــــــــــــــــــــــ ــــــــــــــــــراً


مبدئيا الفنيين اللى عندك بتوع ثابت وملهومش فى المتحرك خالص اضف الى ذلك مش فهمين حاجة خالص برده والاقمار سهلة جدا اتبع ما اشرت اليه وستحصل على القمرين بكل سهولة وفى انتظار ردك

[sheko fun]

طيب أنت لما بتحاول تستقبل nss 7
بتكون واقف على الهيسباسات و تتحرك ببطء
بإتجاه النايل سات زى أنا مقولتلك و لا أيه بالضبط

فعلاً يا ( أستاذ شوقى ) أنا جربت الطريقة دى بس بردوا منجحتش معايا .

هل ممكن يكون LNB عايزة تتغير وللا ملهاش دعوة .


أنا أسف جداً والله يا أستاذ شوقى أنا تعبتك معايا جداً . بس بجد أنا نفسى أنزل القمر NSS 7 عشان بيقولوا إحتمالية نقل مباراة الأهلى والمولودية على باقة الجزائر . أتمنى أن يستقبل الطبق بتاعى هذا القمر إن شاء الله .

مبدئيا الفنيين اللى عندك بتوع ثابت وملهومش فى المتحرك خالص اضف الى ذلك مش فهمين حاجة خالص برده والاقمار سهلة جدا اتبع ما اشرت اليه وستحصل على القمرين بكل سهولة وفى انتظار ردك

والله يا ( أستاذ حورس ) أنا بحاول أعمل الخطوات كما أنتم موضحين بالظبط وفعلاً فى طرق نجحت معايا وأقدرت أنزل بيها أقمار زى الهيسباسات والعربسات 2b لكن قمر Nss 7 مش راضى يلقط إشارة خالص وحالف ميت يمين ما ينزل . ربنا يسهل والطبق يلقط الإشارة إن شاء الله .

ولكم جزيل الشــــــــــــــــــكـــــــــــــــــــــــر يا إخوانى الكرام ....

[حورس العاطفى]

فعلاً يا ( أستاذ شوقى ) أنا جربت الطريقة دى بس بردوا منجحتش معايا .

هل ممكن يكون lnb عايزة تتغير وللا ملهاش دعوة .


أنا أسف جداً والله يا أستاذ شوقى أنا تعبتك معايا جداً . بس بجد أنا نفسى أنزل القمر nss 7 عشان بيقولوا إحتمالية نقل مباراة الأهلى والمولودية على باقة الجزائر . أتمنى أن يستقبل الطبق بتاعى هذا القمر إن شاء الله .



والله يا ( أستاذ حورس ) أنا بحاول أعمل الخطوات كما أنتم موضحين بالظبط وفعلاً فى طرق نجحت معايا وأقدرت أنزل بيها أقمار زى الهيسباسات والعربسات 2b لكن قمر nss 7 مش راضى يلقط إشارة خالص وحالف ميت يمين ما ينزل . ربنا يسهل والطبق يلقط الإشارة إن شاء الله .

ولكم جزيل الشــــــــــــــــــكـــــــــــــــــــــــر يا إخوانى الكرام ....


كده الطبق عاوز اعادة ظبط جيدا لان المدار غير مظبوط

[sheko fun]

كده الطبق عاوز اعادة ظبط جيدا لان المدار غير مظبوط

وهوة دة رأيى بردوا يا ( أستاذ حورس ) ودة إللى هحاول أعمل عليه إن شاء لله .

بس هل فى طريقة سهلة لتحديد المدار ( يعنى أخلى التظبيط الأساسى على النايل سات وللا القمر التركى علماً بأن دول أفضل قمرين بعرف أظبتهم كويس الحمد لله ) .

وهل ينفع بعد إذنكم أرفعلكم صورة لحامل الطبق عشان تقولولى أفك أنهى صامولة بالظبط عشان أشتغل فى تظبيط المدار بشكل جيد بإذن الله .

وألف ألف شكر للأستاذ ( حورس ) وللأستاذ ( شوقى ) على المجهود والإهتمام بالموضوع .


شـــــــــــــــــــــــــــــــــــــكـــــــــــ ـــــــــــــــــــــــــــــــــراً

[شوقى نجيب]

بعد إذن حورس قبل موضوع ضبط المدار
حاول تغير إسم القمر و إكتب تردد الباقة الجزائرية
و أتأكد من باقى الإعدادات و حاول تانى تلقط إشارة القمر
و إن منفعش يبقى تحاول تشوف فنى كويس يعملهولك لحسن
ممكن الطبق يخرج عن مداره بالمرة و لو ملقتش فنى كويس
ممكن تعمل موضوع تطلب فيه فنى فى قسم الشكاوى و إن شاء الله
الإدارة ترد عليك بما فيه فائدة

[sheko fun]

بعد إذن حورس قبل موضوع ضبط المدار
حاول تغير إسم القمر و إكتب تردد الباقة الجزائرية
و أتأكد من باقى الإعدادات و حاول تانى تلقط إشارة القمر
و إن منفعش يبقى تحاول تشوف فنى كويس يعملهولك لحسن
ممكن الطبق يخرج عن مداره بالمرة و لو ملقتش فنى كويس
ممكن تعمل موضوع تطلب فيه فنى فى قسم الشكاوى و إن شاء الله
الإدارة ترد عليك بما فيه فائدة


ألف شكر لحضرتك يا أستاذ ( شوقى ) على المتابعة ومحاولة الإفادة بقدر الإمكان . الحقيقة أنا طلعت السطوح إمبارح وقعدت أظبط شوية فى الطبق
والحمد لله جت قوة إشارة أعلى فى جميع الأقمار ومش بس كدة والحمد لله كمان نزل 4 أقمار جداد عندى وهما ( Thor 1.2.3 , Astra 4 و Atlantic bird وقمر تانى إسمه كله علامات إستفهام ???? بس فيه قنوات ( أكرانيا ) كثييير .

بس برده مرضيش ينزل القمر NSS 7 ولا القمر Eutelsat W6
سبحان الله رغم إن الأقمار الأربعة إللى نزلوا مكنتش أعرف حتى إن ممكن ينزلوا بس سبحان الله نزلوا وبجودة إشارة تصل إلى 80 % .

أكيد فى حاجة أنا مش فاهمها ( علماً بإنى لما ظبط الطبق مكنش معايا تلفزيون فوق فى السطوح ولكنى ظبطها بتظبط النايل سات جيداً لأنى أعلم موقع النايل سات بإشارات أنا حاطتها فى السطوح بتفيدنى بنسبة 90 % من غير تلفزيون أظبط عليه والحمد لله لما نزلت ولفيت الطبق بالماتور لقط معايا الأربع أقمار دول + المكسب الحقيقى إن معظم القنوات وبالأخص فى النايل سات جودة إشارتها زادت جداً الحمد لله .


بس لسة بردوا نفسى أنزل القمر NSS 7 عشان أشوف ماتش الأهلى القادم إن شاء الله . وأدينى بحاول وربنا يسهل إن شاء الله .


ولك جزيل الشـــــــــــــــكــــــــــــــــــــــــر على تعاونك معى يا أستاذ ( شوقى )

[حورس العاطفى]

ألف شكر لحضرتك يا أستاذ ( شوقى ) على المتابعة ومحاولة الإفادة بقدر الإمكان . الحقيقة أنا طلعت السطوح إمبارح وقعدت أظبط شوية فى الطبق
والحمد لله جت قوة إشارة أعلى فى جميع الأقمار ومش بس كدة والحمد لله كمان نزل 4 أقمار جداد عندى وهما ( thor 1.2.3 , astra 4 و atlantic bird وقمر تانى إسمه كله علامات إستفهام ???? بس فيه قنوات ( أكرانيا ) كثييير .

بس برده مرضيش ينزل القمر nss 7 ولا القمر eutelsat w6
سبحان الله رغم إن الأقمار الأربعة إللى نزلوا مكنتش أعرف حتى إن ممكن ينزلوا بس سبحان الله نزلوا وبجودة إشارة تصل إلى 80 % .

أكيد فى حاجة أنا مش فاهمها ( علماً بإنى لما ظبط الطبق مكنش معايا تلفزيون فوق فى السطوح ولكنى ظبطها بتظبط النايل سات جيداً لأنى أعلم موقع النايل سات بإشارات أنا حاطتها فى السطوح بتفيدنى بنسبة 90 % من غير تلفزيون أظبط عليه والحمد لله لما نزلت ولفيت الطبق بالماتور لقط معايا الأربع أقمار دول + المكسب الحقيقى إن معظم القنوات وبالأخص فى النايل سات جودة إشارتها زادت جداً الحمد لله .


بس لسة بردوا نفسى أنزل القمر nss 7 عشان أشوف ماتش الأهلى القادم إن شاء الله . وأدينى بحاول وربنا يسهل إن شاء الله .


ولك جزيل الشـــــــــــــــكــــــــــــــــــــــــر على تعاونك معى يا أستاذ ( شوقى )


معلش هات فنى فاهم وكويس المرة ديه عشان الطبق ما يتفتلش وبعد كده ابقى ظبطه

وكل سنة وانت طيب