مشكلة مع دائرة باور صيني

[arabawi]

السلام عليكم
انااشتريت دايرة باورصيني يونيفيرسال وعاوز اركبهاعلي ستار سات sr-x650 ci super
وتمام وصلت الاطراف زي البوردة الاصلية وشمعت وكولو تمام بس مش عارف اوصل دخل الباور البوردة الجديدة فيها سوكتين باور واحد للمفتاح وواحد للسلك والاصلية فيها واحدة بس والمفتاح والسلك كانوا داخلين فيها
برجاء المساعدة بالصور او بكلام مبسط لاني مبتدي مشكورين يارجالة

[احمد سمير]

يا اخى

البورده الصينى الجديد

طلع طرف من سوكت البور واقسمه على اتنين

وضع أطراف المفتاح فى منتصف هذا الطرف المقسم

والطرف الاخر للسوكت دخل عليه الطرف الثانى مباشر

فهذه ليست بمشكله ولا تستدى للسؤال

[الحاج عبدالله الظريف]

يا اخى

البورده الصينى الجديد

طلع طرف من سوكت البور واقسمه على اتنين

وضع أطراف المفتاح فى منتصف هذا الطرف المقسم

والطرف الاخر للسوكت دخل عليه الطرف الثانى مباشر

فهذه ليست بمشكله ولا تستدى للسؤال


تسلم ياكبير

[تامر 2000]

تمام التمام

[ابوosama]

الله ينور ...............

[arabawi]

الحاج ابو اسامه كبير المنطقة منورنا
والاخ صاحب المشاركة رقم #2 لو الموضوع مش مستاهل مكنتش سألت سيادتك
بصوا يااخوانا انا لسه جديد خالص ف المهنة دي ومصمم ان شاء الله اتعلم مهما تعبني الأمر تمام والعلم اللي ربنا اداه لحضراتكوا لازم تعلموه للناس اللي محتاجاه لان الرسول (ص) قال في حديث ليه زكاة العلم تعليمه وقال كمان (ص) من تعلم علما ثم كتمه الجم بلجام من نار يوم القيامه ،صدق رسول الله (ص) ومش من المفروض ان واحد يقوللي مش مستاهله سؤال حضرته انا مش عبقري زيه فبطلب منه انه يخاطب الناس علي قدر عقولهم

========

نستعرض مع بعض المشكلة الكبيرة بالنسبة ليا
الدايره الجديدة فيها مخارج من الشمال لليمين
5v , 5v , GND , GND , 3v , 3v ,12v , 33v , 22v
والدايرة القديمة بتاعت الجهاز فيها مخارج مختلفه من الشمال لليمين
7v , 24v , 30v , GND , 12v , GND , 3v , GND , 5v

برجاء المساعدة في كيفية توصيل البوردة الجديدة


والف مليون شكر ليكم

[محمدفرغلي]

يا استاذنا الغالي عرباوي
الاستاذ احمد سمير من اجدع وانبل الشخصيات بالمنتدي ولا يتاخر عن اي واحد في هذ المنتدي لكن اللي يقصده استاذ احمد ان الموضع صغير يعني المفروض حضرتك تفهمها دون سؤال وهذا طبعا لمصلحتك لكي تتعلم وتجتهد
واللي حضرتك عملته انك تسال ده ايضا صح والسؤال ليس بعيب
فلا تزعل منه
احنا هنا كلنا بنحترم الاستاذ (احمد سمير) وبكره تعرفه كويس

وكلنا تحت امرك ياغالي

المهم اخبار جهازك ايه

[ابوosama]

ياغالى كلنا تحت امرك
هتوصل كل طرف مع طرف بمعنى هتوصل الطرف الموجود فى البورده 3.3 مع الطرف الموجود فى البور
و5 مع 5
و12 مع 12
22مع 24
والارضى مع الارضى وهكذا كل الاطراف
جرب واى سوال كلنا تحت امرك

[arabawi]

شكرا استاذ محمد فرغلي الف شكر علي اهتمامك
واتمني الاستاذ أحمد سمير انه مش يزعل مني وانا عن نفسي هقرأ كويس علشان مش اتعرض لموقف زي ده تاني

[arabawi]

مليون شكر با ابو اسامه علي سرعه الرد بجد انتا راجل محترم كان العضو "م/أبوعهد" دايما يشكرلي في حضرتك هوا صديقي ، ع العموم انا هحاول مع الجهاز ده وربنايوفقني

[محمدفرغلي]

يا غالي الريس بتاعنا شرحهالك بالاعلي
وانا واثق ان المشاركات كتبت في وقت واحد
بالتوفيق اخي

[arabawi]

وبالمناسبه في استفسار في اي بورده بتلاقي مكان كل مكثف رقم زي c20 إلي آخره
الارقام دي موحده يعني كل رقم بيشير إلي مكثف معين مفيش غيره ولو ده صحيح ممكن دليل بالأرقام دي يساعندي شوية وكمان عاوز طريقه سهله اتعلم بيها القياس ومبادئ الصيانة علشان اكون قريب في فريق المحترفين بارك الله فيكم

[احمد سمير]

الراجل عاوز يوصل اطراف الجهد 220 أخى أبو أسامه

والدايره الصينى الجديده مفهاش غير مدخل واحد للبور

يعنى مفهاش سوكت تانى لمفتاح ( فصل التيار )

وللأخ صاحب الموضوع

أنا هبسطلك الموضوع خالص

عاوزك تجيب طرفى الفيشه وتلحم كل طرف منها فى طرف فى السوكت

بعد كده هتيجى على اى طرف منهم وتقطعه وتاخد كل طرف من المقطوعين دول

وتلحمه مع مفتاح البور ( كقاطع دوره ) بكده التيار هيمشى

فى البورده + مفتاح البور هيشتغل معاك

وبعدين يا أخى أنا لا أقصد بردى عليك أى إهانه خالص

وكل الشكر للغالى والحبيب الأستاذ محمد فرغلى

والعملاق الاستاذ عبدالله ( مهندس الامل )

وطبعا خالص التحيه لأستاذنا الكبير

أبو أســـــامه

[احمد سمير]

وبالمناسبه في استفسار في اي بورده بتلاقي مكان كل مكثف رقم زي c20 إلي آخره
الارقام دي موحده يعني كل رقم بيشير إلي مكثف معين مفيش غيره ولو ده صحيح ممكن دليل بالأرقام دي يساعندي شوية وكمان عاوز طريقه سهله اتعلم بيها القياس ومبادئ الصيانة علشان اكون قريب في فريق المحترفين بارك الله فيكم




طيب ياغالى

تعرف ترفع صوره لبوردة البور الجديده

والصوره تكون موضحه لمخرج ومدخل البور

وان شاء الله هعملك شرح مبسط لكيفية تركيبها

وبعدين معاك هنا إخوه كبار وعمالقه

وان شاء الله هتستفيد كتير

وهتدخل تمسى علينا يوميا هنا باذن الله

كل عام وانتم بخير ياغالى

[arabawi]

استاذ احمد سمير المشكلة الأولي بتاعت الـ220 اتحلت ولله الحمد الباقي بقا توصيل الخوارج عموما إني احبك في الله حقك عليا لو حصل أي تجازو مني ولا حاجة

[arabawi]

بالنسبه للصور ممكن يكون بكرا بإذن الله لكن انا هحاول اوصلها زي ما الحاج ابو اسامه قال بارك الله فيك ياأستاذنا

[محمدفرغلي]

ادخل هنا اخي الغالي
لافادتك اكثر في الصيانه حتي تصبح فني صيانه محترف باذن الله

من هناااااااااااا (http://www.masrawysat.com/vb/showthread.php?t=28551)

[احمد سمير]

شكرا لكم اخوانى

[arabawi]

انا وصلت الدايرة الجديدة ع الرسيفر زي ما الحاج ابو اسامه قال
ال7×5 و ال24×22 وال30×33 والارضي×الأرضي وال12×12 وال3×3.3 وال5×5+

وبرضه الجهاز مشتغلش برجاء المساعدة ؟؟؟؟

[arabawi]

للرفع برجاء المساعدة جزاكم الله خير