هل ممكن اعمل من طبق نايل سات اريال للارضى

[badr2110]

هل ممكن اركب فى السلك اللى نازل من طبق نايل سات جاك وابحث عن القنوات الارضيه ولا ممكن يعمل ماس كهربى للتليفزيون لان العدسه بمخرجين بمعنى ان هيكون سلك شغال عليه ريسفر والتانى نازل بجاك للقنوات الارضيه

[hamada225490]

ينفع

[badr2110]

للاسف لم يلقط اى قناة

[أسامة فتحى]

تم التجربة الآن بتوقيت المشاركة ولم يلقط اى قناة ارضية بالرغم من ان الشاشة تدعم البث الرقمى

[masm888]

السلك النازل من الطبق لا يجب ان يكون داخل قطعة ال lnb . عند التقاط البث الارضى لأن هذه القطعة تلتقط فقط الترددات الفائقة shf . اربط الطرف النحاس فى جسم الطبق او فى المسمار الخلفى للطبق وممكن يلقط

[masm888]

يعنى السلك التانى اللى نازل بجاك للقنوات الارضية افصله من العدسة وخليه لامس من طرفه النحاسى لأى جسم معدنى زى جسم الطبق نفسه

[nor esam]

أخى الكريم
أى حاجة ألومنيوم أو نحاس وصل طرفى السلك بها ، والطرف الأخر وصله بجاك أريال أى حاجة ماسورة مثلا ، طبق طعام ألومنيوم كبير

[badr2110]

نجرب ونشوف

[mansy515]

منفعش معايا
انا جبت لمبه نيون محروقة جابت معايا

[hazzuma]

للاسف لم يلقط اى قناة

أعتقد لو حواليك عمارات أو أبراج عالية،،،لن يفيد نهائيا،خاصة مع البث الرقمى الأرضى،،،أما فى حالة البث لأنالوج (البث العادى القديم) هتيجى الصورة منغمشة،،،وبالتالى،لن تفيد كثيرا أيضا،تحياتى

[مالك انور]

ياجماعة حاجة بسيطة فايتاكم.... اتجاه الطبق مش متوجه اصلا ناحية محطة ارسال المقطم اللي الاشارة جاية منها فموضوع الطبق وسلك فيه لن يجدى ... وهذا للعلم

[badr2110]

ده كلام سليم لانى جربت طبق 180 سم متجه ناحيه العرب سات وربط السلكالنحاس بالطبق وبعدت الشعر عن الطبق يعنى مش ملامسين بعض والسلك نازل للتليفزيون ركبت فيه جاك وعملت بحثت وجات الصورة ولكن زى الزفت وده فعلا لان الطبق مش موجهة ناحية محطة الارسال