المساعد الشخصي الرقمي

مشاهدة النسخة كاملة : عطل رائسى فى تورنيدو 21 بوصه موديل 21sf8xed

فوزى النجار
2019/06/26, 12:38 AM
تليفزيون تورنيدو 21 بوصه شاشه مضغوطه موديل 21sf8xed عامل عيب .. جزء اسمر اسفل الشاشه حوالى 8 سم وبعد شويه يجيب خطوط فى نصف الشاشه الاسفل ثم الشاشه كلها غيرت طقم المكثفات الخاصه بالفرتكل والعيب كما هو .. واجلت للاستفاده من خبرة حضراتكم والاستعانه بارائكم وانا فى الانتظار ارجو المساعده
حافظ السويد
2019/06/26, 12:48 AM
قيس الجهود على الاطراف 2 4 و6
في ايسي الفريتكال
وهي الاطراف الثلاثة بجوار بعض

واخبرنا بالقيم
فوزى النجار
2019/06/26, 03:58 PM
الحمدلله تم اصلاح الجهاز
......
فى البدايه وبعد تغير طقم المكثفات.. احترت شويه لان العيب ده عيب مكثفات ..
وحسب تعليمات استاذنا الكبير م حافظ قيست الفلتيات بالرغم انى قايسها من قبل والدايوات مخرجه والوضع طبيعى ولما قستها تانى فى بداية تشغيل الجهاز تمام وكله تمام .. تابعة اشارة الفرتكل من المنبع من اى سى العمليات الكبير وكله تمام .. ومازلت انا مقتنع ان العيب مكثفات.. قمت بتغير مكثفات اخرى تحمل رقم 400 تبع دائرة الهرزنتل علشان لها علاقه بدائرة الفرتكل التى تحمل رقم 300 والعيب مزال موجود واجلت الشغل فيه لليوم التانى..... واليوم زعلت شويه من نفسى لانى اعمل فى هذا المجال من عام 1988 يعنى 31 خبره وقلت انا عجزت خلاص 60 سنه كويس والحمدلله الشباب يشتغله ولكن الشباب لا يتركونى ارتاح .. فقلت لاحمد انت ملاحظ ان الجهاز اول ما بيشتغل عامل 8 سم سمار تحت والصوره حلوه وبعد دقائق يجيب خطوط فى النصف الاسفل ودقائق اخرى وتملاء الشاشه بالخطوط وتلم الشاشه . يعنى فيه حاجه بتسخن جامد وتركنا الجهاز شغال حتى نعلم وحتى وصل الى اسوء حلاته وبالمتابعه وجدنا مبرد اى سى الفرتكل بيسخن جامد وغير عادى جبت البلور وادناله شويه هواء حتى برد شويه لاحظنا الخطوط تختفى وعاد الى 8 سم سود اسفل الشاشه ك بداية التشغيل .. .. تاكدة تماما ان اى سى الفرتكل مش كويس . قلت لاحمد هات اى سى من اى شاسيه صينى فجابه وقال الرقم مختلف قلت له لكن الوظائف هيه هيه بالظبط وركبه فعلا واشتغل الجهاز ميه ميه والحمدلله.. واشكر مهندسنا الكبير حافظ على الاهتمام والمتابعه
حافظ السويد
2019/06/26, 05:19 PM
مبرووووووووووووووووووووووووووووووووووووووووك
الاصلاح
واتمنى لك التوفيق دائما
تقبل تحياتي
فوزى النجار
2019/06/26, 05:29 PM
اشكركم استاذنا الكبير والله يعينك على ما تقدمه للاخرين . عمل شاق وقيم ومفيد للجميع .اتمنى من الله ان يجزيك كل الخير وتقبل تحياتى
Aboo Ziad
2019/06/28, 03:00 PM
مبرووووووووووووووووووووووووووووووووووووووووك
الاصلاح