هرتله في رسيفر من عائلة الكاون

[arabawi]

السلام عليكم وطاب مساؤكم وصح سحوركم يارجالة
جهاز اسمو Stream System BM-8300 Station2

جاي فيه عيب انو بعد ما يشتغل بشوية بيهرتل غسلته بالتنر وروقت عليه
واديته احدث سوفت من الموقع الرسمي للكاون وكولو تمام لكن مفيش حاجة
اتغيرت كان فيه اربع مكثفات بايظين في الباور غيرتهم لكن مافيش فايده يبقي
الوضع علي ماهو عليه واكتشفت اني لما بكون مربك سلك LNB بتحصل الهرتله دي مش عارف ليه برجاء المساعده مشكورين

[islam_mohsen]

اخي الغالي يعني ايه الجهاز بهرتل نرجو التوضيح اكثر لأفادتك

[محمدفرغلي]

تمام استاذ اسلام
المفروض اخي توضح العطل كي يتم مساعدتك
باسلوب اوضح

[غريب عثمان]

إن كنت تقصد بالهرتله التى تحدث للجهاز فى حالة توصيل سلك lnb بالجهاز
فعليك بمراجعة سلك الاشاره جيدا

[arabawi]

انا اسف يا اخواني علي عدم توضيحي لمعني الهرتله (هههه) الجهاز بيشتغل تمام بعد ما تحط فيه سلك lnb بشوية كدا وبعدين الشاشة الأمامية تجيب ارقام وحروف غير مفهومه وبعدين الشاشة تقطع ويقعد يرستر الجهاز جايلي فيه العيب ده وعملت فيه اللي قدرني عليه ربنا ومش وصلت لحاجه ، إن شاء الله بمساعدتكم هوصل

الف مليون شكر يا رجالة مصراوي

[غريب عثمان]

إفصل لوحة الفورنت بانل عن البورده وشغل الريسيفر ووافينا بالنتيجة

[arabawi]

تحت امرك يا استاذنا ثواني

[arabawi]

نفس المشكلة وملحوظه لسه واخد بالي منها انا شيكت ع الجهاز كولو مافيش اي حاجة لحقت تسخن إلا شيب مربعه كدا في التيونر وفي واحدة زيها بس اصغر بتسخن برضو بس مش بنفس الدرجة

[شعبان السيد الشعراوي]

جرب علي طبق تاني ممكن يكون السلك فية مشكلة

[arabawi]

الجهاز جايلي فيه عيب ده ياشيخ شعبان بارك الله فيك

[محمدفرغلي]

شوف يا اخي عرباوي
اولا عليك بتمرير سوفت للجهاز
مع عمل نظافه جيده بالتنر الجيد والتجفيف بالهوت جيدا
والتاكد من خارج الباور وتغيير المكثف الكبير بالباور
التسخين علي اطراف البروسيسر والرام والفلاش بحرص منعا لتطاير المقاومات الصغيره المجاوره من ضغط الهواء

[الحاج عبدالله الظريف]

اخي الكريم غير مكثف البور 450-47 باخر
ان استمر العطل فالمشكله في التيونر خاصه ان حضرتك بتقول ان الشبات بتسخن جامد

[arabawi]

الف شكر استاذنا محمد فرغلي واستاذنا مهندس الأمل بارك الله فيكما
سأفعل ما طلبتموه مني واوافيكم بالنتائج إن شاء الله قريبا

[محمدفرغلي]

في انتظارك اخي

[ابوosama]

تمام اخى عبد الله كلام محترم جدا ياغالى

[الحاج عبدالله الظريف]

تمام اخى عبد الله كلام محترم جدا ياغالى

تسلم ياكبيرنا بارك الله فيـــــــــــــــك

[arabawi]

شكرا لكم اخواني انا غيرت المكثف الكبير ونفس المشكلة وركبت مروحه ع التيونر مفيش فايدة ؟؟؟؟؟

[ابوخالد المصري]

اخي يوجد بجوار التيونر ترانزوستر بثلاثه ارجل غيره وسوف تحل المشكله باذن الله