تسجيل الدخول

مشاهدة النسخة كاملة : مشكله في مروحة سقف انتير ناشيونال

محمد حماد عيد 11
2019/09/16, 11:43 AM
المروحه بتبقي شغاله تمام وفجاءه تقف مرة واحده وتعمل صوت
علما انها خفيفه الحركه باليد
وشكرا مقدما
صلاح رجب الجرنوسى
2019/09/16, 12:10 PM
شوف الطوق الدائرى الامنيوم الثابت اللى حولين العضو اللى فيه الملفات تاكد منه انه لايتحرك بعد الربط المسامير اربط اللغطايين الصاج وتاكد ان لايوجد توسيع لمكان الرومان البلى فى الغطايين او مكانه فى العمود وارفق صورة للمروحة والغطايين بعد فكها
م / وليد هانى
2019/09/16, 05:45 PM
ده عطل مشهور بالمراوح
مكثف تالف
قطع باحد ملفات المروحة
..........................
محمد حماد عيد 11
2019/09/17, 12:34 AM
هي بتشتغل شويه تمام
وبعدين تقف فجاءه
م / وليد هانى
2019/09/18, 10:35 AM
هي بتشتغل شويه تمام
وبعدين تقف فجاءه


كان عندى مروحة المحل نفس المشكلة
وكان سبب العطل قطع فى احد الملفات
واحيانا العطل ده بيكون سببه مكثف دفع الشحنة
صلاح رجب الجرنوسى
2019/09/18, 11:07 AM
شوف الطوق الدائرى الامنيوم الثابت اللى حولين العضو اللى فيه الملفات تاكد منه انه لايتحرك بعد الربط المسامير اربط اللغطايين الصاج وتاكد ان لايوجد توسيع لمكان الرومان البلى فى الغطايين او مكانه فى العمود وارفق صورة للمروحة والغطايين بعد فكها

هي بتشتغل شويه تمام
وبعدين تقف فجاءه
اعمل كما اشارت اليك وارفق صورة للمروحه لان بدال امتشتغل شويه وبعد كده تقف يبق العطل عطل ميكانيكى ذى احتكاك بين العضو الدائر والعضو الثابت اللى فيه الملفات وبينتجه وقف المروحه مع زنه او تاكل فى الغطائين او تاكل مكان الرومان فى العمود
م / وليد هانى
2019/09/18, 11:55 AM
صلاح رجب الجرنوسى (https://www.masrawysat.com/vb/member.php?u=38800) https://www.masrawysat.com/vb/images/statusicon/user_online.gif
المشرف المميز لقسم صيانة الاجهزة الكهربائية والإلكترونيه
https://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gifhttps://www.masrawysat.com/vb/images/rating/star1.gif
رابطة مشجعى نادى الأهلى


لا حول ولا قوة الا بالله

بقولك يا هندسة
انا ملاحظ انك واخد المهنة بدراعك مش بالعقل والفهم
والدليل على ده
انك مصر ان العطل فى اكس المروحة والاحتكاك .... الـــــــــــــــــــخ
طبعا ده وارد يحصل
زى من يومين مصر تخلى عضو يغير ريجليتور وخلاص بدون قياس حتى

رغم انه ممكن يفصل تغذيته وهيعرف تالف ولا بدون ميغيره

مشكله فى دايره التوحيد الخاصه بالصب (https://www.masrawysat.com/vb/showthread.php?t=3046720)


نرجع لقصة الموضوع هنا

طب بالنسبة للمكثف لو تالف او يوجد قطع او تشعير بملفات الموتور
ايه الاعطال اللى هيسببها ده ؟؟؟؟؟؟
وانهى الافضل لبداية تصليح العطل
تجربة مكثف تانى ولا نفك الموتور ؟؟؟؟؟؟؟؟

جوابنى بالعلم واهو الدنيا كلها تتعلم منك
صلاح رجب الجرنوسى
2019/09/18, 01:13 PM
اولا استاذ وليد انا مش وخد المهنة بدراعى اولا انا دارس وتخصصى اصلاح وصيانة المعدات الكهربائية والاجهزة و مش نظرى بس ده عملى كمان بس لو مكثف او فصل فى احد الملفات المروحه مش هتشتغل خالص هتزن اما العضو محمد بيقول هي بتشتغل شويه تمام
وبعدين تقف فجاءه وده بيكون عيب مكانيكى وليس له تدخل فى الملفات
صلاح رجب الجرنوسى
2019/09/18, 01:23 PM
وبالنسبة يا استاذ وليد انت بتقول زى من يومين مصر تخلى عضو يغير ريجليتور وخلاص بدون قيس
ردى كان
الاول قم برفع منظم الجهد L7805 وتاكد انه يوجد فولت فى احد الاطراف لو موجود فولت ال 12 او 20 فولت يبقا العيب فى المنظم L7805 وقم بتغييره بس قبل التغير تاكد من الزنرات والديوادات انها سليمها اى لايوجد بها شورت

كمان فى بعض العضاء يقوم بالستفسار عن شئ ومش اميذكر انه صالحها بذكر ما قال او لا او يذكر هو صلاحها ازى حتى للعلم لجميع الاعضاء ان يستفيدو
م / وليد هانى
2019/09/18, 02:03 PM
اولا استاذ وليد انا مش وخد المهنة بدراعى اولا انا دارس وتخصصى اصلاح وصيانة المعدات الكهربائية والاجهزة و مش نظرى بس ده عملى كمان بس لو مكثف او فصل فى احد الملفات المروحه مش هتشتغل خالص هتزن اما العضو محمد بيقول هي بتشتغل شويه تمام
وبعدين تقف فجاءه وده بيكون عيب مكانيكى وليس له تدخل فى الملفات


يا فندم انا معنديش مشكلة ان حضرتك
واخدها دراسة او عملى
لكن مشكلتى مع حضرتك انك بتاخد مراحل اصلاح العطل من نهايتها
والمكثف لو فقد جزء معين من القيمة الفعلية له للميكرو

هيبقى بين وضع الشغل ووضع العطل ( بالبلدى هيشتغل بمزاجه )
وده اللى يشبه مشكلة صاحب الموضوع

غير طبعا لو فاقد الميكرو بتاعه كلها اكيد مش هتشتغل
ومن علامات عطل المكثف ضعف الدوران
و دوران المروحة او توقفها مع سماع صوت زنة
لكن لو عطل اكس اكيد صاحبها هيسمع صوت احتكاك عالى اوى حتى وهى شغالة


وبخصوص موضوع فصل الملفات
انا شخصيا من اسبوعين حصل معايا وكانت المروحة بتشتغل
وتقف بمزاجها وبعد الكشف وجدت ملف متشعر
يعنى مقطوع واكسدت الملفات هى اللى بتوصله وتفصله حسب الرطوبة
.............
معنى كدا يا هندسة نمشى مراحل العطل بالاسهل والارجح ثم الاصعب
ولا انا بتكلم غلط حضرتك
م / وليد هانى
2019/09/18, 02:09 PM
وبالنسبة يا استاذ وليد انت بتقول زى من يومين مصر تخلى عضو يغير ريجليتور وخلاص بدون قيس
ردى كان
الاول قم برفع منظم الجهد L7805 وتاكد انه يوجد فولت فى احد الاطراف لو موجود فولت ال 12 او 20 فولت يبقا العيب فى المنظم L7805 وقم بتغييره بس قبل التغير تاكد من الزنرات والديوادات انها سليمها اى لايوجد بها شورت

كمان فى بعض العضاء يقوم بالستفسار عن شئ ومش اميذكر انه صالحها بذكر ما قال او لا او يذكر هو صلاحها ازى حتى للعلم لجميع الاعضاء ان يستفيدو


هندسة صاحب الصب كان بيقول ان الريجليتور بيسخن صح كدا
هل ده دليل على عطل الريجليتور ؟؟؟؟
هاااا جاوبنى حضرتك
......
يا فندم هات ريجليتور اى كان دخله وخرجه
ووصله داخله واعمل قفلة مابين الارضى بتاعه والخرج هيسخن صدقنى
كذلك الامر فى الصب المزودة بـ usb
90% من السماعات الصب اللى بتعطل usb سببها
شورت بالبروسيسور الخاص بها فى كارتة الـ usb
مابين الارضى والتغذية بتاعتها
والتغذية دى بتيجى من الريجليتور يبقى طبيعى الريجليتور
لو فى شورت يسخن
وبرضو لو انا بتكلم غلط افهم من حضرتك ومش عيب انى اتعلم
لكن لو حضرتك شايفنى صح ان شاء الله
اعذرنى مش هرد على الموضوع ده تانى
واسف جدا للاطالة وللتدخل