المساعدة فى شراء شاشة 55 بوصة

[محمد سماحة]

ارجو المساعدة فى شراء شاشة 55 بوصة بمعنى عاوز النصيحة فى شراء افضل شاشة وياريت تكون 4k

[hazzuma]

ما هى الميزانية المخططة لشراء الشاشة؟

[tiko]

سامسونج عن تجربه جميله 55 بوصه 4k

[محمد سماحة]

أشكر الأخوة الأعضاء على المشاركة والتفاعل معى لشراء شاشة 55 بوصة ولكن أنا عاوز موديل شاشة أروح للتاجر وأطلبها منة بالتحديد وياريت تكون حاجة كويسة علشان ماأرجعش أندم بعد ماأشتريها .... وياريت توضيح الفرق بين LG و Samsung لأن فية واحد معرفة رشحلى LG . وشكرا

[كمال يوسف]

ال جى وثمنها الان فى حدود7500جنيه ومعاها الريموت السحرى

[العفريت]

دي ارزاق اخي واحد صاحبي جاب lg وبعد كام شهر باظت والتاني جاب سامسونج ونفس الكلام والضمان بتعها وحش انا عندي توشيا سمارت مع العلم انا كرفان منها بس لما شوفت اصحابي حمد الله اي شاشة اهم حاجة تكون سمارت

[احمد خميس شيحة]

سامسونج UK7350 55 4k جميلة والله في كل حاجة وهي كيرف و عامله دلوقتي في حدود 9300

[bebo606]

استاذي الفاضل / اذا كانت امكانيات حضرتك المادية تسمح اشتري الشاشة
دي حاجه كدا وهم وخيال - وكمان الشاشة كوري وليست مصري ويكفي المعالج a7 الجيل التاني :-



تقبل تحياتي لحضرتك

[bebo606]

معلهش الرابط الأول موجود فيه الشاشة

تحياتي لحضرتك

[محمد سماحة]

استاذي الفاضل / اذا كانت امكانيات حضرتك المادية تسمح اشتري الشاشة
دي حاجه كدا وهم وخيال - وكمان الشاشة كوري وليست مصري ويكفي المعالج a7 الجيل التاني :-

تقبل تحياتي لحضرتك


أشكرك أخى الفاضل bebo606 على اهتمامك ..... واضح إن الشاشة رائعة جدا بس السعر عالى وفوق امكانياتى ... ياريت لو فية حاجة كويسة فى حدود 8000 أو تزيد شوية ... أرجو الإفادة وشكرا

[bebo606]

استاذي الفاضل لم اتعود على الحكم على اي شيء لم استخدمه ولم اتعامل معه
كان عندي شاشة 43 بوصة lg سمارت و 4k عاشت معايا 3 سنين والحمد لله زي الفل وممتازة - وقمت ببيعها لصديقي الحمد لله شغاله عندة تمام وبامتياز
وكملت على فلوس الشاشة واشتريت هذه الشاشة وميزتها انها تصنيع كوري مش مصري --- طبعا مش قصدي ان التقفيل المصري مش كويس

لكن اكيد الكوري افضل

والله الشاشات حظوظ - واحد يشتري lg وتشتغل معاه كويس جدا ولا شكوى واخر يشتري شاشة lg وتعمل معاه مشاكل بعد فترة صغيرة ودا ينطبق على كل الشاشات سواء سامسونج او توشيبا او غيرها

توكل على الله واشتري شاشة وان شاء الله يكون حظك تمام وتطلع الشاشة ممتازة

تقبل تحياتي لحضرتك

[محمد سماحة]

أشكرك كل الشكر أخى العزيز bebo606 على النصيحة الغالية وأنا للأسف اشتريت شاشة سمارت LG- 55 -4K بحوالى 8000 جنية ولكن للأسف اتكسرت الشاشة منى وأنا بطلعها من الكرتونة وطبعا دة قضاء وقدر والحمد لله على كل شئ .. وانا عاوز أجيب واحدة كويسة لأننى لم أحكم على الشاشة اللى انكسرت ولأدرى ان كانت كويسة ولا لأ .. وسوف أحاول إن شاء الله أن أعمل بنصيحتك وأحاول أجيب السامسونج. وممكن أيضا أحاول أبيع الشاشة اللى عندى علشان تساعد فى ثمن شراء الشاشة السامسونج مع العلم أنا أعرف إن ريموت الشاشة لواحدة ثمنة غالى ومطلوب جدا وخصوصا لم أستخدمه بعد .شكرا على اهتمام حضرتك.

[hazzuma]

ريموت الشاشة لواحدة ثمنة غالى ومطلوب جدا وخصوصا لم أستخدمه.

أعتقد،الريموت لن يتعدى سعره 600 جنيه،على أقصى تقدير،وبالطبع لن يعوض سعر الشاشة المكسورة،،،عموما،لو ماكنتش إشتريت، لاحظت ظهور موديل سونى 55 بكارفور أمس،سعره تسعة الاف جنيه،وموديله هو 55X7000G ، وإن لم ينل رضاؤكم،،،يبئى مفيش غير سامسونج UA55RU7100 ،وسعره بحدود ثمانية الاف جنيه، بالتوفيق أخى الكريم

[محمد سماحة]

أعتقد،الريموت لن يتعدى سعره 600 جنيه،على أقصى تقدير،وبالطبع لن يعوض سعر الشاشة المكسورة،،،عموما،لو ماكنتش إشتريت، لاحظت ظهور موديل سونى بكارفور أمس،سعره تسعة الاف جنيه،وموديله هو 55X7000G ، وإن لم ينل رضاؤكم،،،يبئى مفيش غير سامسونج UA55RU7100 ،وسعره بحدود ثمانية الاف جنيه، بالتوفيق أخى الكريم

أشكرك أخى الغالى hazzuma على النصيحة الغالية وأنا فعلا لسة ماشتريتش ولكن الشاشة ال sony لو هية الأفضل يبقى نضحى بالألف جنية الفرق ونجيبها أحسن ..... أرجو الإفادة وتحديد النوع الكويس بالضبط واعتبر نفسك إنت اللى بتشترى وفى انتظار ردك إن شاء الله ولو فية حد جربها ويفيدنا يكون أحسن وأحسن.

[hazzuma]

إليك تجربتى الكاملة،،،رغم نصائح الكثيرين بالسامسونج اولا وLG ثانيا،،،قررت العام الماضى تغيير التلفاز القديم،وشراء شاشة سونى 40 بوصة سمارت،ليلة افتتاح كاس العالم،،،وعندما ذهبت للتوكيل،(العربى) ،بوسط البلد،فوجئت بقوله، إنه،توقف انتاج الشاشات السونى،منذ ستة أشهر،رغم عرض الشاشة داخل المحل !!! إندهشت،وحزنت،،،الغريب إنه كان سعرها أكتر من دلوائتى،بكتير،،،وبعدها قمت بشراء 32 سمارت LG ،لعدم وجود مقاس 40 منها،بس كان ليا ملاحظة على الصوت بها،(ليس بالجودة المطلوبة)،ركبت صب الكمبيوتر عليها،الفارق رهيب،أعتقد بالنسبة للموديلات الأكبر،الصوت بيكون أفضل شوية،خاصة السامسونج،(عن تجربة عند صديق)،المشكلة انه موديل السونى جديد،وغالبا،محدش جربه لسة،،،عموما،لو إشتريته،قولنا تجربتك معاه،لإفادة الأعضاء،(لو معجبكش ممكن ترجعه وتجيب السامسونج،معاك اسبوعين استرجاع،بس خلى بالك وانتا بتخرجه من الكرتونة،هذه المرة)،،،وعفوا للإطالة،،،بالتوفيق

[محمد سماحة]

شكرا أخى الغالى hazzuma للإفادة وإن شاء الله أحاول أجيب السامسونج ..... شكرا لتعبك معايا وكل عام وأنت بخير وصحة جيدة.

[AYMAN SAYD]

ممنوع منعا باتا وضع اى روابط دعائيه
او ذكر اسماء تجاراوعناوين شركات اومنافذ بيع
حتى لا يتم ايقاف من يفعل ذالك

[hazzuma]

شكرا للتنويه يا أخ أيمن ،(وإن كان عندى المعلومة) بالنسبة للإسم المذكور،لا يحتاج الى دعاية، حيث إنه لا يبيع منتج بعينه،،،ولكن يبيع كل شئ،،،لكن علم وينفذ،،،تحياتى لحضرتك