المساعد الشخصي الرقمي

مشاهدة النسخة كاملة : عايز اشترى سلك دش لطبق متحرك

cabo
2019/12/24, 10:36 AM
السلام عليكم

من فضلكم إيه الانواع الجيدة فى السوق لان عندى مشاكل تهريب اشارة على بعض الترددات على بعض الاقمار

ياريت نصيحة بنوع جيد
shrifstar84
2019/12/24, 08:01 PM
افضل انواع الاسبانى والايطالى بس اتأكد من ضبط المداروالسلك يكون مفهوش اى تقطعيات لانى انا الحمد لله مستقبل مدار ممتاز وجميع الفيدات بسلك الأسمر الصينى
cabo
2019/12/25, 04:56 PM
ياباشا متشكر على ردك بس انا عارف ان السويدى والايطالى والاسبانى انضف حاجة بس الاسم التجارى لهم إيه فى السوق حاليا لان لا هيتعرف الاسبانى انه اسبانى من اللى مكتوب ولا غيره
وإيه رأيك فى سلك شركة جينيرال؟
ونوع العدسة عندك إيه؟
shrifstar84
2019/12/25, 04:59 PM
انا شوفت لفه إيطالي مكتوب على السلك نفسه made in Italy لأن فى أنواع مكتوب modil italy ودا بيكون صينى
cabo
2019/12/25, 05:59 PM
طيب شوفتها فين ياباشا وياريت لو عندك صورة ترفقها
او اوصفلى شوفتها فين وانا ادور عليها ولو تفتكر الاسم التجارى لها
shrifstar84
2019/12/25, 06:26 PM
طيب شوفتها فين ياباشا وياريت لو عندك صورة ترفقها
او اوصفلى شوفتها فين وانا ادور عليها ولو تفتكر الاسم التجارى لها

والله ياغالى انا كنت بركبها لزبون ولو انا فاكر الاسم التجارى انا كنت كتبتهولك روح لأى محل دش وقوله انا عايز لفه ايطالى واتأكد من الصناعه على العلبه والسلك زى ماقولتلك فوق
الحاج شريف
2019/12/26, 08:59 AM
أفضل سلك بالنسبه لسعره هو الأسبانى الذى تراه فى الصور وهو مرقم بالمتر مثل سلك الشبكه ، والشيلد سعره كثيف
موجود فى باب اللوق لو تعبت شويه ممكن تحصل البكره 100 متر أقل من 200 جنيه
وللفائده السلك الجيد تجد أن الموصل الداخلى قطره سميك حول 1مللى ، العزل مرن ولكن لا يمكن ضغطه والشيلد الخارجى كثيف الشعرات
والله أعلم
https://www.masrawysat.com/vb/attachment.php?attachmentid=911410&stc=1&d=1577343299
https://www.masrawysat.com/vb/attachment.php?attachmentid=911409&stc=1&d=1577343237
cabo
2019/12/26, 08:52 PM
اه عارف الفيزو
بس لى استفسار بالنسبة للموصل الداخلى معرفة قطره صعب اخد بالى من سمكه قبل الشراء لان السلك متغطى بالشيلد الخارجى هقدر ازاى اعرف قبل الشراء؟
الحاج شريف
2019/12/26, 11:35 PM
اه عارف الفيزو
بس لى استفسار بالنسبة للموصل الداخلى معرفة قطره صعب اخد بالى من سمكه قبل الشراء لان السلك متغطى بالشيلد الخارجى هقدر ازاى اعرف قبل الشراء؟
ماأقدرش أقولك خد معاك بوكليس وقيس القطر ، لكن بالخبره كلما كان الموصل الداخلى سميكا كان أفضل وسهل تقارن بين سلكين
كمان أى بكرة سلك لها طرف ظاهر ممكن تقشير اسم منه بسهوله
والله أعلم
cabo
2019/12/27, 02:43 AM
طيب هو كم شعرة تقريبا؟ولو وجدت نوع صينى 96شعره يكون افضل ولا الاسبانى افضل حتى لو كان عدد الشعر اقل؟
الحاج شريف
2019/12/27, 07:47 AM
طيب هو كم شعرة تقريبا؟ولو وجدت نوع صينى 96شعره يكون افضل ولا الاسبانى افضل حتى لو كان عدد الشعر اقل؟
الحقيقه اخى الكريم لا أعرف من هو صاحب مقولة أنه كلما زاد عدد شعرات الشيلد كلما كان أفضل
مصنعو السلك أذكى من ذلك بكثير فقد غطوا العازل بطبقة ورق فويل المنيوم أو غيره وبالتالى أصبح عدد الشعرات ليس عامل تفضيل
لكن الإجابه المحدده لسؤالك هى 64 شعره كما تبين المواصفات بالصوره المرفقه
وبحسب الصوره فإن هذه المواصفات مثاليه والفقد لكل 100 متر أقل من 30 DB عند أعلى تردد
وهو فقد معقول إذا علمت أن العدسه تعطى تكبيرا بين 40-60 DB أى أن تكبير العدسه أكبر من الفقد بنسبه كبيره
والله أعلم
https://www.masrawysat.com/vb/attachment.php?attachmentid=911578&stc=1&d=1577425379
cabo
2019/12/27, 10:37 AM
انا متشكر اوى تعبتك معايا
لو جبت السلك بزيادة ممكن احافظ على السلك الباقى لسنوات من غير ما يحصل له مشاكل؟ولو كدة يكون ازاى؟
shrifstar84
2019/12/27, 11:55 AM
وصل الكمية اللى انت محتاجها وقص باقى السلك احتفظ بيه فى علبته وفى كيس وخليه معاك داخل البيت لأنك لو قمت بتوصيله مع بعضه حيدوب مع بعضه فى وقت واحد خاصة أن فى ناس بتسيب الزياده فوق فى الشمس ودا بيدوب السلك المتبقى كله لأن السلك بيدوب ويتقطع من العوامل الجويه شمس وامطار والكهرباء اللى ماشيه فى السلك من عوامل اللى بتأثر عليه أهم حاجه تعرف المكان اللى حتحتفظ بالسلك فيه لأن بعد سنوات حتنسى مكانه وكمان بعيد عن الفئران تحياتى
masm888
2019/12/27, 01:15 PM
معلومات قيمة
cabo
2019/12/28, 10:36 AM
وصل الكمية اللى انت محتاجها وقص باقى السلك احتفظ بيه فى علبته وفى كيس وخليه معاك داخل البيت لأنك لو قمت بتوصيله مع بعضه حيدوب مع بعضه فى وقت واحد خاصة أن فى ناس بتسيب الزياده فوق فى الشمس ودا بيدوب السلك المتبقى كله لأن السلك بيدوب ويتقطع من العوامل الجويه شمس وامطار والكهرباء اللى ماشيه فى السلك من عوامل اللى بتأثر عليه أهم حاجه تعرف المكان اللى حتحتفظ بالسلك فيه لأن بعد سنوات حتنسى مكانه وكمان بعيد عن الفئران تحياتى

عارف ياباشا وعشان كدة سألتك دة انا عايز اقولك انا فاكر انى قبل كدة حفظته داخل الغرفة بس بعد كم سنة لاحظت انه نشف بس ممكن مكونش مقفل عليه كويس زى ماقلت جزيل الشكر على مساعدتك ونصايحك .