تسجيل الدخول

مشاهدة النسخة كاملة : مشكله موتور 8بوصه Super Jack DiseqC 1.2 لا يتحرك ومرفق الصور

محمود احمد89
2019/12/31, 05:58 AM
السلام عليكم ورحمه الله
معايا موتور Super Jack DiseqC 1.2 Actuator لا يتحرك كهربائيا
وفكيت الدراع بيتحرك يدويا .. وعند توصيله بالعدسه والريسيفر واعطاءة أوامر الحركه فى ريليه بيعطى صوت تكه بسيطه بس الموتور مابيتحركش .. فى البدايه شكيت فى مكثفين شكلهم معجبنيش قيمتهم 1000/25 & 10/25 وغيرتهم بدون نتيجه وقربت السنسور من مغناطيس وقيسته على وضع الجرس وأعطى صفارة بعدها وصلت الموتور بالعدسه والريسيفر وقيست جهود دائرة بور الموتور وهى عبارة عن 4طرف طرفين أرضى وطرفين بيعطو 12.2فولت .. وبعدين فكيت غطاء الموبينه وإتأكدت إن الشربونين متعشقين تمام .. فا بصراحه إحترت ومش عارف المشكله فين ودى صور الموتور
https://4.top4top.net/p_1460ob0o01.jpg (https://up.top4top.net/)
https://5.top4top.net/p_146008je92.jpg (https://up.top4top.net/)
https://6.top4top.net/p_1460jafed3.jpg (https://up.top4top.net/)
https://1.top4top.net/p_1460g0zlu4.jpg (https://up.top4top.net/)
https://2.top4top.net/p_1460v6prd5.jpg (https://up.top4top.net/)
https://3.top4top.net/p_1460jfthh6.jpg (https://up.top4top.net/)
وجزاكم الله خيرا
محمود احمد89
2020/01/03, 02:05 AM
كتبت على الصورة رقم 4 الخرج 24V بالغلط والصح انهم 4 أطرف طرفين أرضى وطرفين 12فولت كما موضح
https://6.top4top.net/p_1460c6gtz1.jpg
وجبت بوزشنر ووصلته على طرفين الموتور من الداخل مباشرة والموتور بقا يطلع وينزل تمام ودا معناة ان الموتور كدا سليم والعطل انحصر فى دايرة التغذيه
فهل فى طريقه أتتبع بيها العطل فى دايرة التغذيه بتاعت الموتور ؟
وسؤال تانى على بالى هو ممكن أكون موصله غلط أنا موصل السلك اللى جاى من العدسه فى المدخل المكتوب عليه LNB والريسيفر متوصل على المخرج اللى مكتوب عليه
محمود احمد89
2020/01/03, 02:22 AM
وسؤال تانى على بالى هو ممكن أكون موصله غلط أنا موصل السلك اللى جاى من العدسه فى المدخل المكتوب عليه LNB والريسيفر متوصل على المخرج اللى مكتوب عليه DEMO
الحاج شريف
2020/01/03, 08:50 AM
وسؤال تانى على بالى هو ممكن أكون موصله غلط أنا موصل السلك اللى جاى من العدسه فى المدخل المكتوب عليه LNB والريسيفر متوصل على المخرج اللى مكتوب عليه DEMO
https://www.masrawysat.com/vb/attachment.php?attachmentid=913049&stc=1&d=1578032711

التوصيل صحيح باشمهندس محمود ولكن نحتاج لمراجعة الوظائف

فى الرسم الأول حضرتك تقيس بين الأطراف الحمراء والسوداء مع الرمادى والأبيض ، هذا القياس لا معنى له فكل طرفين مختصين بدائره منفصله

المفروض جهد تغذية الموتور يأتى بإتجاه معين بين الطرفين الأحمر والأسود حسب أوامر الحركه الصادره للوحده من الريسيفر

وكما بالرسم الثانى الذى يتحكم بالإتجاه هو الريليهات الزرقاء وطبيعى أن تصدر صوت تكتكه ولكن ليس معنى ذلك أنها تعطى خرجا لتغذية الموتور

لو قسنا على الطرفين الأحمر والأسود وكان هناك 12 فولت ولكن الموتور لا يتحرك
الشك هنا ينحصر فى مجموعة الليميت المكونه من مفتاحين عليهم 2 دايود ويتحكم فيهما ترسى الليميت حسب ماتضبطه

ولإزالة الشك يمكن قياس أطراف المفتاحين المفروض تعطى قفله ،
فإن لم تعطى قفله نخلع ترسى الليميت ثم نقيس فإذا ظل الحال كما هو يلزم تغيير المفتاح التالف

أما إن لم يكن هناك 12 فولت بين الطرفين الأحمر والأسود فنعود للخلف إما الأمر لم يصدر من الريسيفر ، أو صدر ولم ينفذ لسبب ما يحتاج للبحث
أظن انك تجرب بدون طبق أى والموتور على الأرض أمامك وهذا هو الوضع المطلوب حتى لايدخل حمل الطبق فى حساباتنا


الدائره الكهربيه
https://www.masrawysat.com/vb/attachment.php?attachmentid=913050&stc=1&d=1578033068
ملحوظه الدائره ليست من رسمى فقط استعنت بها للشرح عليها لمناسبتها ، كما أن المفتاحين عادة يقطعان طرفا واحد ولكن الرسم هنا توضيحى

ولفهم الدائره الكهربيه نبدأ من الشمال عندما تعطى امر بحركة الموتور من الريسيفر تصدر الوحده جهد 12 فولت عبر ريليهات عكس الحركه
وحسب وضعها الذى يتحكم فيه أمر الحركه من الريسيفر ( شرق غرب ، أو غرب شرق ) تنقل الجهد إلى السوكيت الرباعى (احمر اسود ابيض رمادى)
لو كل شىء تمام أى أمر الحركه صدر من الريسيفر فإنه ينشأ جهد 12 فولت على الطرفين الأحمر والأسود
إذ لم يتحرك الموتور فإن مغنطيس السنسور يظل ثابتا وبالتالى يعطى السنسور وضع ثابت للتحكم الذى يفهمه بأن هناك خطأ ويعطى رسالة

ارجو أن يكون الشرح كافيا فإن لم يكن فلا تتردد فى أى إستيضاح مهما بدا لك ساذجا
والله أعلى وأعلم
محمود احمد89
2020/01/04, 03:31 AM
تمام أستاذى الفاضل تحيه طيبه لحضرتك
الحمد لله المشكله اتحلت والموتور بقى يقبل الأوامر من الريسيفر وبقا يطلع وينزل
فى البدايه قست على الطرفين الأحمر والأسود عند إعطاء أوامر الحركه من الريسيفر كما وضحت حضرتك وعطانى 11.9فولت
وبعدها قمت بقياس أطراف مفتاحين الليمت وأعطانى بالفعل قفله
وبالفعل تجربه الموتور كانت بدون طبق أى والموتور على الأرض
وبالصدفه فكيت دايرة التغذيه وسخنت خفيف عليها بالهوت ووصلت الدايرة وجربت الموتور وإشتغل تمام الحمد لله وبقا يقبل الأوامر من الريسيفر وبقا يطلع وينزل
وبأذن الله هدور على طبق متحرك صغير 120سم وأشغله عليه فى البيت عندى علشان الموتور جديد وعاجبنى
وفى الأخير متشكر جدا لحضرتك على المساعدة والأفادة
atpo56a
2020/03/16, 06:48 PM
اشكر صاحب الموضوع وكل من شارك لتعم الفائده للجميييع