مشكلة في عدسة بريفكس 2 مخرج

[Night Hawk]

السلام عليكم
انا عندي مشكلة في العدسة, كل ماركب عدسة تعد شغالة لحد 6 شهور بس في المتوسط وساعات حوالي 3 شهور, العدسة نوعها بريفكس 2 مخرج, بعد الفترة المذكورة من تركيبها الاقي في قنوات اشارتها بتبقي 40% ومتشتغلش وبعد تغيير العدسة يشتغل كلوا تمام, بعد كذا شهر الاقي بعض القنوات متشتغلش تاني لحين تغيير العدسة ثانية, حاليا عندي قنوات دي ام سي و سي بي سي وقنوات ابو ظبي مش شغالة, وقنوات ام بي سي والحياة شغالين,
الطبق: كامكس 70 سم
الريسيفر بتاعي: كامكس 999 ميني الاسود
الريسيفر الاخر: كامكس 999 الاسود الكبير القديم علي حسب ما اتذكر
مع العلم, الطبق مظبوط كويس ومربوط جامد جدا من قبل فني وتم التاكد من الاشارة عند التركيب, والطبق اشتريته جديد هو والعدسة من حوالي 6 او سبع شهور فقط, الطبق مش مصدي والعدسة في علبتها السوداء واصلي حسب م اعرف.

فيه ملحوظة جانبية بسيطة: لما الفني ظبط الاشارة وكل شيئ تمام, حط كيس اسود علي العدسة لحمايتها (اللي قالوه), هل الموضوع ده سليم ولا الشمس مع الكيس تسخن العدسة؟ مع العلم كل العدسات اللي فاتت مكانش محطوط عليها شئ, اخر واحدة بس اللي استعنت بفني, والباقيين كانوا بيبوظوا في نفس المعاد برضه.

انا عاوز اعرف هل المشكلة من الريسيفرات بها عيب ام العيب في العدسة ولا ايه بالظبط؟
متاسف اذا كان الموضوع في القسم الخطأ وشكراً للمساعدة مقدماً يا رجالة

[saif_dot_com]

غير سلك الاشاره واشترية من نوع جيد غالي شوية بس بيعيش كتير وبلاش موضوع الكيس دا خالص لانة بياثر من جودة الاشارة خاصة لو الكيس على العدسة من الامام كمان شى مهم وحاسب منها بلاش تغير كونكتر سلك الاشارة والريسيفر شغال بالتوفيق ان شاء الله

[Night Hawk]

غير سلك الاشاره واشترية من نوع جيد غالي شوية بس بيعيش كتير وبلاش موضوع الكيس دا خالص لانة بياثر من جودة الاشارة خاصة لو الكيس على العدسة من الامام كمان شى مهم وحاسب منها بلاش تغير كونكتر سلك الاشارة والريسيفر شغال بالتوفيق ان شاء الله

شكراً لمرور حضرتك استاذ سيف, انا كنت غيرت السلك لما جبت الطبق الجديد لتليفاز الابيض, بس برضه نفس المشكلة, وغيرت نوع السلك للريسيفر التاني للصيني الاسود وكانت مازالت مستمرة, بس واضح ان معظم العدسات الاثنين مخرج فيها نفس المشكلة ديه؟ انا دققت اكثر وطلع ان كل القنوات التردد الافقي هي اللي مش موجودة وكل قنوات التردد الرأسي شغالة وhd كمان! patch_rir-- ف واضح ان العيب في العدسات, حتي الفريفكس,وديه نفس المشكلة اللي حصلت لل3 او 4 عدسات اللي عندي كلهم باظوا ب نفس المشكلة,يجيبوا ترددات افقية وتسقط الرأسية او العكس وهكذا,كلهم بريفكس تقريباً, بصراحة جودة رديئة جداً.
انا كان عندي طبق تاني وبفكر اركبه وانقل كل ريسيفر لوحده احسن, حضرتك تنصحني ب دا احسن برضه؟

لو كده حضرتك تنصحني بماركة ايه من العدسات المخرج الواحد؟ عاوز حاجة تعيش بس مش غالية اوي زي الانفرتو مثلاً

انا كنت قرأت في موضوع تاني هنا ان لو الريسيفرين نفس الماركة ممكن مايتعارضوش مع بعض بس الموضوع ده مش مضمون احسن يبقي كل ريسيفر لوحده مظبوط؟

فعلاً موضوع الكيس ده انا كنت شاكك فيه انشاء الله هشيله نهائياً!
انا كنت بغير قبل كده والريسيفر شغال a213-- كويس انك قولتلي, من حضرتك نتعلم.

[hazzuma]

ولا كيس ولا شنطة،،،ماتتعبش نفسك يا غالى،كل العدسات متعددة المخارج،فى مصر حاليا،بالشكل ده،(أنا بئالى عشر سنين ،أعانى من القصة دى،وحتى تاريخه)،،،جرب كحل مؤقت،لتشغيل القنوات الأفقية، إنك تشغل الريسيفرين مع بعض،طوال فترة المشاهدة،على جهاز واحد،( انا عامل كدة،عندى من سنين)،أما عن الحل النهائى لهذا الموضوع،هو تركيب طبق منفصل لكل جهاز،،،علما بأن أى قطعة LNB,،بالنسبة للأطباق الصغيرة,تفى بالغرض،،،أما الإنفرتو دى ،بتكون مخصصة،للأطباق الكبيرة،حيث إنها غالية جدا،بالمقارنة بالقطع العادية،بالتوفيق

[saif_dot_com]

طالما افقى بس يبقى العيب من العدسة حاول زى ما قلت تفصل كل ريسيفر عن التانى وتركب لكل واحد طبق واما عن نوع العدسات اى ماركة تسد طالما ريسيفر بس واحد هيشتغل عليها تحياتى لك وبالتوفيق يا غالى

[Night Hawk]

ولا كيس ولا شنطة،،،ماتتعبش نفسك يا غالى،كل العدسات متعددة المخارج،فى مصر حاليا،بالشكل ده،(أنا بئالى عشر سنين ،أعانى من القصة دى،وحتى تاريخه)،،،جرب كحل مؤقت،لتشغيل القنوات الأفقية، إنك تشغل الريسيفرين مع بعض،طوال فترة المشاهدة،على جهاز واحد،( انا عامل كدة،عندى من سنين)،أما عن الحل النهائى لهذا الموضوع،هو تركيب طبق منفصل لكل جهاز،،،علما بأن أى قطعة LNB,،بالنسبة للأطباق الصغيرة,تفى بالغرض،،،أما الإنفرتو دى ،بتكون مخصصة،للأطباق الكبيرة،حيث إنها غالية جدا،بالمقارنة بالقطع العادية،بالتوفيق

شكراً لمرور حضرتك استاذ حازم, هههههه والله عندك حق بجد جودة وحشة جداً, واضح فعلاً ان كله كده, 10 سنين....ربنا يكون في عون حضرتك فعلاً حاجة مقرفة وتضايق خصوصاً اذا كان الطبق في مكان بعيد عنك او مكان طلوعه مش بالساهل ف موضوع انك تطلع كل كام شهر تغير عدسة عشان تبوظ بعد كام شهر ده حاجة تنرفذ بغض النظر ان عدسة زي بريفكس 2 مخرج ديلوقتي وصل سعرها 80 جنيه.. انشاء الله هجرب اني اشغلهم في وقت واحد, فعلاً ده هيكون احسن حل, انا كان عندي طبق زمان كنت مشغل عليه ريسيفر واحد بس العدسات كان عدي عليها 6 سنين وشققت من الشمس وكانت شغالة بجودة عالية كمان... شكراً جزيلاً لمعلومات حضرتك بخصوص العدسات, كنت بفكر اجيب بريفكس 1 مخرج للطبق التاني اللي هركبه بس خايف منها بعد م شفت الاثنين مخرج.. patch_rir-- patch_rir-- بغض النظر انها المفروض من الشركات الكويسة طبعاً. شكراً بالتوفيق ليك

[Night Hawk]

طالما افقى بس يبقى العيب من العدسة حاول زى ما قلت تفصل كل ريسيفر عن التانى وتركب لكل واحد طبق واما عن نوع العدسات اى ماركة تسد طالما ريسيفر بس واحد هيشتغل عليها تحياتى لك وبالتوفيق يا غالى

تمام استاذ سيف, ده اللي ناوي اعمله انشاء الله, تمام انشاء الله هحاول اجيب عدسة كويسة, تحياتي لحضرتك وشكرا علي اهتمامك انتا واستاذ حازم بالموضوع يا شباب تحياتي ليكم patch_lov- patch_lov-
كان عندي سؤال جانبي, هل في اي علاقة ما بين ملفات القنوات والعدسات؟ لان قبل ما الموضوع ده يحصل بالظبط كنت بجرب ملف قنوات من واحد صاحبي واشتغل تمام علي الريسيفر بس لاقيت القنوات مش شغالة غير رأسي, رجعت النسخة اللي كانت علي الجهاز بس برضه كانت القنوات زي ما هي وعلي الريسيفرين كمان, اعتقد ان العدسة كانت علي وشك انها تبوظ والموضوع ده ممكن يكون اثر, رغم اني مفصلتش حتي الكونكتر, يادوب وصلت فلاشة وشلتها

[hazzuma]

اه على فكرة،،، البريفيكس المزدوجة،واحدة من خمس قطع جبتها،( كانت ب27 جنيه وقتها)،وكان بها نفس المشكل،برضه،بس،من ساعة ما جبتها،مش بعد كام شهر،زى عندك،،، بالنسبة لملف القنوات ليس له علاقة بتقطيع القنوات الافقى،أو حتى الرأسى،فى موضوع القطع المزدوجة أو الرباعية،،،،وبالنسبة للقطع البريفيكس الفردية،جيدة جدا،وإشارتها عالية،دانا شارى تلات اربع قطع منها،من مدة،ومستنى الفرصة المناسبة لتركيبهم،عشان مشكلة طلوع السطح(المجاور) دى،اللى حضرتك ذكرتها،،،هههه،كلنا فى الهم،سوا،،،إبئى طمنا،،،بالتوفيق

[Night Hawk]

اه على فكرة،،، البريفيكس المزدوجة،واحدة من خمس قطع جبتها،( كانت ب27 جنيه وقتها)،وكان بها نفس المشكل،برضه،بس،من ساعة ما جبتها،مش بعد كام شهر،زى عندك،،، بالنسبة لملف القنوات ليس له علاقة بتقطيع القنوات الافقى،أو حتى الرأسى،فى موضوع القطع المزدوجة أو الرباعية،،،،وبالنسبة للقطع البريفيكس الفردية،جيدة جدا،وإشارتها عالية،دانا شارى تلات اربع قطع منها،من مدة،ومستنى الفرصة المناسبة لتركيبهم،عشان مشكلة طلوع السطح(المجاور) دى،اللى حضرتك ذكرتها،،،هههه،كلنا فى الهم،سوا،،،إبئى طمنا،،،بالتوفيق

كمان من ساعة ما جبتها, الحمد لله انها كانت رخيصة ساعتها..
الحمد لله انه ملوش علاقة انا افتكرت ان انا اللي بوظته او الملف patch_rir-- , طيب كويس اوي لو كده هحاول اجيب اثنين من بريفكس الفردية للطبقين , بالظبط انا برضك عندي الطبق علي سطح مجاور.. حاجة عذاب ههههه, انشاء الله تلاقي وقت تركبهم فيه ويشتغلوا تمام, فعلاً والله كلنا فيه, اكيد حضرتك, بالتوفيق ليك انتا كمان

[hazzuma]

بالتوفيق إن شاء الله،لكل من منى،،،هههه،،،يعنى لكل مننا،،تحياتى