تسجيل الدخول

مشاهدة النسخة كاملة : احتكاك حرف الU بجسم البولار

ادهم محمود يوسف
2020/01/29, 02:11 AM
لما بربط المسامير اللي هو بتاعة البولار اللي عليها رقم 1 الجزء اللي هو عليه رقم 2 بيقب لفوق وبيحك في حرف الU

ف انا مضطر اهوي مسمار المحور زيادة عن اللازم ف لما بروح للطبق ناحية الشرق لو عديت الياه سات الطبق بيسقط ناحية الشرق والموتور مابيقدرش يرجعه

فكيت البولار ودقيت علي الجزء اللي عليه رقم 2 بشاكوش تقيل وعدلته بفتاح انبوبة كدا لما رجعته طبيعته مابقاش يحك في حرف اليو ( الكلام ده وانا فاكك البولار من عالاستاند) اما ركبته عالاستاند وربطت المسامير رقم 1 رجعت تاني قبت وحكت في حرف الU

في اييه حل المشكلة دي دلوقتي ؟

http://arabscene.org/img/upload/big/2020/01/29/5e30cd3e820d8.png
مصطفي مصطفي عبد الحكيم
2020/01/29, 03:38 AM
فى فراغ مابين حرف اليو وجمجمه البولار
الحاج شريف
2020/01/29, 09:08 AM
إذا كان الإحتكاك هو المشكله الوحيده أستاذ أدهم فأقترح على حضرتك تسوية حرف اليو والبولار بالصاروخ كما هو مبين باللون الأخضر فى الصوره

http://www.masrawysat.com/vb/attachment.php?attachmentid=918120&stc=1&d=1580281649

والله أعلم
ادهم محمود يوسف
2020/01/29, 09:56 PM
صديقي مصطفي بوفون (اكيد حضرتك عارفه)
اقترح ان انا اضيف 5ورد 19 بين حرف الU وجمجمة البولار
5 من تحت و 5 من فوق لعمل بين جمجمة البولار وحرف الU مسافة لمنع الاحتكاك
ايه رأي حضرتك ؟
الحاج شريف
2020/01/30, 06:21 AM
صديقي مصطفي بوفون (اكيد حضرتك عارفه)
اقترح ان انا اضيف 5ورد 19 بين حرف الU وجمجمة البولار
5 من تحت و 5 من فوق لعمل بين جمجمة البولار وحرف الU مسافة لمنع الاحتكاك
ايه رأي حضرتك ؟
الأخ العزيز مصطفى بوفون الحاضر الغائب له وحشه كبيره ، واقتراحه وجيه بارك الله فيه
الحقيقه انا حبيت ابسط الأمور لحضرتك واجيب لك م الآخر لكن مشكلتك سببها كما قال الأخ مصطفى عبد الحكيم أن هناك فراغ بين البولار والاستاند لصغر قطر الإستاند،
فعندما تحكم ربط مسامير البولار على الإستاند يبرز جسم البولار للخارج ( يقفع ) فيحتك بحرف اليو حسب ماوصفت حضرتك
الحل الأمثل أن تستخدم استاند قياسى بين 3 ، 4 بوصه طبعا ده يستلزم إعادة التركيب والصب وتكلفه جديده
والأسهل ان تلبس ماسوره 3 بوصه للإستاند الحالى حتى يملأ الفراغ ويمنع تقفيع البولار للخارج وبالتالى يمنع الإحتكاك

حل اخى مصطفى سوف يحمل على حرف اليو للخارج فهل ستكون الحركه سهله مع قفش حرف اليو على الورد من الناحيتين ؟
وهل تستطيع إستعدال حرف اليو حتى يتسع للورد المقترحه ؟

الحل البسيط الذى قدمته لحضرتك لا يحمل على اليو كما أنه لا يضعفه حيث لا تخدم الزوايا المطلوب إزالتها فى تقوية حرف اليو
ولايستلزم منك فك الطبق كل شىء يمكن عمله والطبق راكب

لكنه يستلزم أن يكون عندك صاروخ أو عند حد من اصدقائك وله أو لك خبره بسيطه فى التعامل معه
ولا تخشى من إزالة الجزء المقترح المعلم بالأخضر فلن يضعف حرف اليو إطلاقا لأن الزاويه ليس عليها حمل من أى نوع

فكر فى الحلول وإقرأ الرد عدة مرات حتى تستقر الفكره عندك
والله أعلم
ادهم محمود يوسف
2020/01/31, 12:17 AM
طبعاً رأيك وحلولك اللي قدمتها ي حاج شريف هي افضل الحلول
بس في صديق ااخر اقترح ان اخلي الحداد يلحم حته حديد في جمجمة البولار من جوا بعد مايعدلها تخليها تمنع انها تقفع لبرا مع الربط
ف ايه رأي حضرتك اييه انسب حل في الحلول دي كلها ؟
مصطفي مصطفي عبد الحكيم
2020/01/31, 12:54 AM
كدا الربط هيكون غير محكم على الاستاند
على محمد نور
2020/01/31, 01:21 AM
طبعاً رأيك وحلولك اللي قدمتها ي حاج شريف هي افضل الحلول
بس في صديق ااخر اقترح ان اخلي الحداد يلحم حته حديد في جمجمة البولار من جوا بعد مايعدلها تخليها تمنع انها تقفع لبرا مع الربط
ف ايه رأي حضرتك اييه انسب حل في الحلول دي كلها ؟

الحل الانسب والاحسن والاسرع والغير مكلف هو الفكرة الجميلة لاستاذنا الفاضل العملاق الحاج شريف..وبالتوفيق ان شاء الله.
مصطفي مصطفي عبد الحكيم
2020/01/31, 01:36 AM
الحل الانسب والاحسن والاسرع والغير مكلف هو الفكرة الجميلة لاستاذنا الفاضل العملاق الحاج شريف..وبالتوفيق ان شاء الله.

ولا هيحتاج يفك البولار وهو راكب يقطع
ادهم محمود يوسف
2020/01/31, 04:44 AM
تمام ان شاء الله انهاردة الصبح هانفذ بأذن الله
Mido2023
2020/01/31, 01:35 PM
بالتوفيق