تجميع السلك داخل البواط

[Mohamedessam]

مساء الخير
عندي مشكلة في تجميع السلك داخل البواط
لما جيت اشطب الشقة الكهربائي عمل فيش لسلك الدش وسلك التليفون لاوضتين والصالة وجمعهم في بواط تجميع
والمشكلة اني للاسف مش عارف مدخل السلك الخارجي انا كنت عامل حسابي اني هركب الطبق في السطح بعد كدة لقيت الاسهل اني اركبة في البلكونة فسؤالي دلوقتي
الاول ازاي اقدر اعرف مدخل السلك الخارجي اللي من خلاله هدخل السلك للبواط ؟
والتاني بعد مادخل السلك اوصلة ازاي كنت شوفت موضوع قديم قبل كدة هنا وفية اختلاف علي موضوع الاسبليتر ، الفني اللي في المنطقة عندي نصحني بقطعة اربعة مخرج وانا شايف انها مش عملية لاني حابب فيما بعد اركب قمرين او 3 علي دايزك في اية الاصح؟ وبالنسبة لسلك التليفون بيبقي نفس القصة بردة لية اسبلتير ول الموضوع مختلف؟ وشكرا ليكم

[الحاج شريف]

مساء الخير
عندي مشكلة في تجميع السلك داخل البواط
لما جيت اشطب الشقة الكهربائي عمل فيش لسلك الدش وسلك التليفون لاوضتين والصالة وجمعهم في بواط تجميع
والمشكلة اني للاسف مش عارف مدخل السلك الخارجي انا كنت عامل حسابي اني هركب الطبق في السطح بعد كدة لقيت الاسهل اني اركبة في البلكونة فسؤالي دلوقتي
الاول ازاي اقدر اعرف مدخل السلك الخارجي اللي من خلاله هدخل السلك للبواط ؟
والتاني بعد مادخل السلك اوصلة ازاي كنت شوفت موضوع قديم قبل كدة هنا وفية اختلاف علي موضوع الاسبليتر ، الفني اللي في المنطقة عندي نصحني بقطعة اربعة مخرج وانا شايف انها مش عملية لاني حابب فيما بعد اركب قمرين او 3 علي دايزك في اية الاصح؟ وبالنسبة لسلك التليفون بيبقي نفس القصة بردة لية اسبلتير ول الموضوع مختلف؟ وشكرا ليكم

نبتدى من السؤال الثانى عن التيليفون ، التيليفون مالوش اسبليتر أخى الكريم
كمان سلك الدش مالوش اسبلتر زى ماحضرتك ذكرت إنك قرأت ده فى موضوع تانى
الاسبلتر كان معمول لسلك الإيريال اللى مافيهوش تغذيه للإيريال بخلاف سلك العدسه فيه تغذيه تيار مستمر
بالنسبه لتحديد السلك فى 3 طرق واحده إنك تهز الأسلاك واحد واحد لغاية ماتعرف المطلوب
التانيه : إنك تقفل طرفين السلك وتقيس من الناحية التانيه القفله بالآفو أو بالبزر
الثالثه : تجرب الأسلاك واحد واحد لغاية ماتستقبل إشاره
والله أعلم

[عزت زيزو]

بص ياغالي .. عشان تعرف المداخل انتا لازم تستخدم سوسته وتدخلها ف البريزه اللي عايز تدخل فيها السلك بعد كده لما تطلع السوسته ف بوط التجميع يبقا هو ده مكانها هتجيب سلك الدش وتلحمه بشريط لحام وتدخله تمام.خلصنا م النقطه دي..
الاسبلتر دا بتستخدمه لما تكون عايز تشغل عدسه واحد مخرج ع اتنين ريسيفر بس مش هيشتغلو ال2ف وقت واحد ودا مش افضل حل الأفضل عدسه بعدد المداخل اللي عندك ..اما سلك النت الأسبليتر ممكن تحطه ف البوط عادي ودا عشان لو هتشغل الروتر ف بريزه والتيلفون ف بريزه تانيه.