أرجوا المساعده في عطل تلفزيون صيني

[masmas8]

أعضاء مصراوي سات الكرام
تحيه طيبه وبعد
تلفزيون صيني 14 بوصه كان به مشكله في دائرة البور , تم إصلاحها ولكن الفولت غير مستقر , للضمان تم تركيب بور إسوليتور خارجي وضبط الفولت وكل الجهود نظاميه ومستقره وبالتجريب النهائي قبل إغلاق الجهاز لا توجد صوره الخلفيه الزرقاء فقط والبيانات موجوده والتحكم شغال من قائمه وغيرها (نظام هذا الجهاز إذا تم فصل جاك الفديو يفصل صوت إيضا للتوضيح لا أكثر ) عملت كل ما يمكن أن يحدث إعاده لحامات علي كل النقاط المشكوك فيها في منطقه العمليات وغيرها والتأكيد علي عدم تلامس أي طرف من أطراف آيسي العمليات , قمت بفحص كل الدايود والزنر والترنزستوار في المنطقه ولا جديد , قمت بتغيير آيسي الميموري ولا جديد تتبعت طرف إشاره الفديو من جاك الفديو إلي إيسي العمليات وتغيير كل ما وجد في الطريق بأخر ولا جديد , أخر حاجه قمت بتوصيل الارضي من جاك الصوت وموجب الفديو بمكثف 50/1 فولت علي طرف إشاره الفديو في آيسي العمليات ولا جديد بالتلميس أسفل أيسي العمليات ولا جديد و ولا يوجد حاليا آيسي عمليات أخر للتجريب ولكن أشك فيه لأنه مر قبل ذلك معي في جهاز توشيبا ولكن كان قاطع بيانات أيضا لكن هذه المره البيانات موجوده والاوامر شغاله كلها , أرجوا من أعضاء مصراوي سات الكرام توضيح إذا كان هناك سبب أخر للعطل أو طريقه أخري للتأكد من سلامه العمليات من تلفه وهل يصلح علميات أخر بديل له أم لا , أرجوا المتابعه العاجله للأهميه القصوي وإليكم بيانات الشاسيه الداخليه /

موديل الشاسيه
SP-PH2529P0

آيسي العمليات
TDA9341/1PS/N3/A

آيسي البور
C5516
وتم تغييره ببور خارجي حاليا

آيسي الفرتكال
LA78040

ترنزستوار اللاين
TT2190

الميموري
24C08A

آيسي الصوت
TDA2003

ومرفق صوره واضحه للشاسيه من أعلي وأسفل لتوضيح
أرجوا المتابعه العاجله وجزاكم الله كل خير

https://b.top4top.io/p_1522czyly1.jpg

https://b.top4top.io/p_1522jd6ae1.jpg

[ابوفارس علاء]

جرب على وصلة
rf
هل تظهر صوره

[masmas8]

والله يا هندسه حاليا لا يوجد رسيفر به أر إف أو حتي كبل توصيل بس الإشاره قاطعه نهائيا , عموما هدور وأجرب دلوقتي وأبلغ حضرتك بس لو ظهرت علي الأر إف يبقي إيه الوضع أو الحل إيه , أرجوا المتابعه وجزاك الله كل خير

[ابوفارس علاء]

جرب اولا
ممكن المشكله تكون فى الايسى الكبير

[masmas8]

إشتغل صورة وصوت تمام علي وضع الأرف إيه , إيه العمل يا هندسه , أرجوا المتابعه وجزاك الله كل خير

[حافظ السويد]

هل فرغت الطرف40 من اللحام ووضعت المكثف عليه عندما جربت عليه مباشرة
فرغه وجرب

[masmas8]

منور يا بشمهندس حافظ فرغت الطرف 40 جيدا من اللحام ووصلت عليها جاك الفديو بمكثف 50/1 فولت بالسالب في إتجاه الكبل والموجب علي الآيسي ووصلت الصوت في الجهاز لأخذ الأرضي للجهاز ولا جديد وعلي فكره لا يوجد آيسي سوتش في الجهاز مكانه فاضي , بالله عليك المتابعه معايا يا هندسه أنا بقالي يومين في هذا الجهاز اللعين وجزاك الله كل خير

[حافظ السويد]

لم يبقى الا ابدال الايسي الكبير

[masmas8]

ياااااااااااااااه والله ما لقيته خالص مفيش أي حل أو قياس علي أطراف معينه أو أي طريقه , خساره تعب الواحد يروح علي الفاضي الجهاز كان طافي وعطل ألوان ولحام فاكك , لو في حاجه ياريت تتفضل تقولها , مفيش خلاص خيرها في غيرها وآسف جدا للإطاله عليك

[حافظ السويد]

لايوجد حل اخر

لايوجد سوى هذا الطرف خاص بمدخل اشارة الفيديو
طيب الطرف42 هو مدخل اشارة فيديو فرغه من اللحام وجرب ضع المكثف عليه
مع التبديل من av1 الىav2

واخبرنا

[masmas8]

مفيش جديد يا هندسه , خيرها في غيرها والحمد لله علي كل حال , أسف جدا للإطاله عليك وتعبك معايا أنت والمهندسين الكرام , ربنا يبارك في حضرتك ولا يحرمنا من وجودك معانا بكل خير
تصبح بألف خير يا هندسه

[حافظ السويد]

الصور التي حضرتك ارفقتها والرسم الذي عليها خلاني اضيع

هو اساسا مدخل الفيديو الطرف42 وليس الطرف40
الطرف40 هو مخرج الصورة ومرتبط مع جاكات الخرجv.out
وليس معv.in
اعيد التأكيد على الطرف42

[masmas8]

حاضر يا هندسه والله كنت بقفل الكمبيوتر والجهاز لكن حضرتك بتحرجني جدا بذوق أخلاقك الكريمه , جاري التأكيد

[masmas8]

معلش يا هندسه هتقل عليك ممكن بس المخطط علشان عايز أعرف أطراف العمليات الأوامر وانا هدور كده في منطقه العمليات يمكن ألاقي ترانزستوار مسرب وأعرف أمشي أنا تايه بجد فيه بالله عليك دا أخر طلب وهحاول ولو وصلت للحل هعرفك أكيد يا هندسه وربنا يجازيك كل خير

[حافظ السويد]

المخطط في المرفقات

[masmas8]

تسلم يا حبيبي , والله ما عارف أقولك إيه , ربنا يبارك فيك ويحفظك من كل سؤء , هتابع فيه ولو حصل أي جديد هبلغك , جزاك الله كل خير وتصبح بألف خير , تقبل تحياتي يا هندسه

[حافظ السويد]

وانت من اهل الخير

[masmas8]

تعبتك جدا يا بشمهندس حافظ بس والله الشاسيه في منتهي قله الضمير قطع غير موجوده وقطع نهائيا وقطع أخري بأرقام بعيده عن تسلسل كل دائرة من الدوائر ومكثفات مقفول عليها بسلك دا غير كل ما أحرك الشاسيه السلوك تتقطع من سلوك سوكت اليوك لسلوك كارت الشاسيه الخلفيه , حتي الإسكرين والفوكس كمان وخط إشاره الفديو اللي موجود بس مقاومه 100 أوم وبعدها مكثف 25/10 فولت ومكثف سيراميك 104 وبعدها علي العمليات ولا يوجد ترنزستوار متصل بالخط ولا 8 فولت هيا مقاومه 47 كيلوا وغير متصله بالخط أيضا وحددتها لحضرتك في صوره بالأحمر , وفي الأخر الألوان بايظه ودورت علي كارته أخري وعدلت اطراف ال180 والهيتر والارضي والألوان بقت تمام والحل بعد التعب ده كله حرام أضيعه عملت ليه وصلته RF وشغال صورة زي الفل وهبرمجه علي رسيفر صاحب الجهاز , شكرا جزيلا يا هندسه وربنا يجازيك كل خير وأشكر الأخوه المهندسين الذين ساهموا في الرد والمساعده , شكرا مصراوي سات
https://up4net.com/uploads/up4net-0000010_e48c4.jpg