تسجيل الدخول

مشاهدة النسخة كاملة : عاوز اخذ رأيكم في شراء شاشة L.g من جوميا

eslamshehata
2020/04/22, 08:19 PM
عاوز اخذ رأيكم في شراء شاشة L.g من جوميا ....هل هو موقع موثوق منه والشاشات اصلية ؟
eslam_egypt
2020/04/23, 07:08 PM
مضمون مجرب اكثر من شاشة لكن تاكد من تقييم البائع لو تقيمة ضعيف بلاش احسن
وطبعا الافضل يكون البائع جوميا نفسها مش تاجر شغال معاهم
eslamshehata
2020/04/25, 12:34 AM
مضمون مجرب اكثر من شاشة لكن تاكد من تقييم البائع لو تقيمة ضعيف بلاش احسن
وطبعا الافضل يكون البائع جوميا نفسها مش تاجر شغال معاهم
شكرا جدا لحضرتك انا لقيت الموديل اللي انا عاوزه في بي تك هاشتريه منه patch_lov-patch_lov-
hazzuma
2020/04/25, 11:03 AM
مبروك مقدما،لكن ماهو الموديل المطلوب؟ وقولنا عن تجربتك مع الشاشة،(وبلاش أسماء المحلات عشان ممنوعة،بالمنتدى)،وبالنسبة لموقع جوميا،عموما،لا ينصح بشراء الأجهزة الرخيصة منه،خاصة الكهربائية،(عن تجربة) ،لرداءة التصنيع،،،و رمضان كريم،تحياتى
eslamshehata
2020/04/25, 10:12 PM
الله يبارك فيك وده الموديل اللي اشتريته LG 49LK5730PVC تلفزيون سمارت- 49 بوصةFull HD
جربت توشيبا وسامسونج بس معجبونيش بسبب السيستم والصورة
badr2110
2020/04/25, 10:35 PM
لو شاشة سامسونج 55 بوصة سمارت اندرويد تعمل كام
hazzuma
2020/04/27, 02:43 AM
لو شاشة سامسونج 55 بوصة سمارت اندرويد تعمل كام

السامسونج لا يعمل بنظام الأندرويد،،،يعمل بنظام Tizen والسعر فى حدود،تمانية،(أو أكثر قليلا بسبب الكورونا) وهى غالبا،بتكون داعمة لل 4K، تحياتى
alaa gogo
2020/04/27, 02:27 PM
LG تمام احسنهم
badr2110
2020/04/27, 10:24 PM
السامسونج لا يعمل بنظام الأندرويد،،،يعمل بنظام Tizen والسعر فى حدود،تمانية،(أو أكثر قليلا بسبب الكورونا) وهى غالبا،بتكون داعمة لل 4K، تحياتى

ايه المقصود بنظام Tizen وهل هو افضل من الاندرويد
hazzuma
2020/04/28, 01:04 PM
مش فكرة أفضل أو أسوء،لكن لكل شركة نظام التشغيل الخاص بها،يعنى مثلا LG نظام التشغيل الخاص بها هو Web OS،،،تحياتى
مصطفى عبدالرحمن1
2020/05/03, 04:59 AM
السلام عليكم **
كل عام وانتم بخير وصحه وسلامه
شوف إخوانى الكرام كل شركة مصنع لأى أدوات أو منتجات إلكترونية حديثة أو ما شابه
فإنها تبدع وتتفنن فى إظهار ماعندها من علم فى مجال صناعتها
فكما نعلم جميعأ زمان كان أى إنسان يريد أن يشترى تليفزيون أو مذياع ( راديو) مباشرةً وتلقائيا يقال له عليك بتوشيبا اليابانى تمام.
إلى أن ظهرت المنتجات الصينية بجبروتها وبعدها بفترة وجيزة ظهرت المنتجات الكورية والماليزية وغيرها من دول العالم وخاصة دول شرق آسيا التى أعتبرها هى دول العالم الأول وليست أوروبا من وجهة نظرى.
ننتقل للأخ صاحب الموضوع والمشاركة بالنسبة لإقتناء شاشة عرض فلابد أن تضع فى إعتباراتك شيئ مهم جداً هل تريد شاشة لقضاء الغرض أى أننى إشتريت شاشة لأهل البيت أم إنك مغرم ومحب لإقتناء الشاشة التى تشبع عقلى وفكرى وأشعر بمتعة الفرجه
فأنا هنا فى دولة خليجية ويوجد بها كل وأفخم أنواع الشاشات فى العالم من سونى وهايسنس وال چى وسامسونج وبانسونج وفليبس وأنواع والله عجيبة وغريبة ولكن لفت إنتباهى لأن كل أو أغلب الناس هنا يستخدمون شاشة إسمها ( star gold android 4k) وهذة الشاشة أسبتت وجودها وهى والله هى عندى فى منزلى بهذه الدولة الشقيقة.
فنصيحة لحضراتكم إذا كنت تريد شاشة تقضى الغرض فشترى أى شاشة smart 4k
لأن كل الضمان واحد وهو سوف تدفع مال عند الصيانة.
ثانياً ** وهذا هو المهم إذا كنت من هواة الفرجة والتمتع بالإمكانيات التكنولوجية والترفيهية فأنصح الجميع بإقتناء الشاشة ال 4K android لما لها من إمكانيات فى سرعة التنقل بين التطبيقات وتنزيل الحديث من البرامج الترفيهية عن طريق الأندرويد.
ثالثا **
والأخير لو تريد شاشة نصيحة منى بعد أن رأيتها وما بها من جمال وروعة فعليك بشاشة
((( سونى - - sony) أندرويد)) فى المرتبة الأولى ولو كنت ناوى شراء شاشة من منتج آخر ولنفترض شاشة سامسونج أو إل چى مقاس 55 أو 60 بوصة فمن الأفضل أن تشترى شاشة (( سونى أندرويد 40 بوصة أو أكبر نوعاً ما)) أفضل من أى شاشة أخرى غير(( السونى)) مهما كان حجمها كبير وآسف جداً جداً جداً على الإطالة ولكم جزيل الشكر والتقدير
*** ورمضان كريم ***