مشكلة في بولار برفيكس محتاجة اكتر من حل وفكرة.. موضوع للنقاش

[الحاج شريف]

السلام عليكم ورحمة الله وبركاته
مشرفنا الفاضل الحاج /شريف
بعد اذنك طبعا
كنت عايز استفسار من حضرتك عن الوضع الأمثل لعدم التحميل على الموتور الدش
بمعنى هل أقصر ام أطول القفيزالحاملة لجرب الموتور
وده آخر المدار عندي ع القمر 74 شرق
والبداية من القمر تليستار 15 غرب
والموتور 24 بوصة ذو القصبة العريضة
تحياتي ليك متعك الله بالصحة والعافية وبارك لك ف أولادك

الحقيقه يادكتور الفلانشه بتاعت الموتور شكلها غريب المفروض تبعد الموتور عن الماونت زى الفلانشه بتاعت طبقى الصوره المجاوره
المشكله اللى انا شايفها فى الصوره أن ثقب الموتور فى ذراع الطبق عالى وده بيقصر المدار من الناحيتين
لو حضرتك عملت ثقب 12 عند العلامه فى الرسم لتثبيت الموتور تحت شويه إن شاء الله المدار حيفتح معاك فى الناحيتين
لكن ده ماأقدرش أقول إنه حيخفف الحمل ع الموتور بعد 74 شرق علشان تخفف الحمل لازم سوسته زى اللى فى الصوره
http://www.masrawysat.com/vb/attachment.php?attachmentid=978558&stc=1&d=1603824637
والله أعلى وأعلم

[استشارى نافع]

السلام عليكم ورحمة الله وبركاته
مشرفنا الفاضل الحاج /شريف
انا فهمت مشاركة حضرتك السابقة
للأسف فلانشة الحاملة للماتور هي جايه كدة مع الطبق بنفس الوضعية
انا دلوقتي بفكر ألغى بقى أقمار الغرب من بعد النايل سات.. وأخي النايل بداية المدار وأول الماتور بسبب عمارة (بر ج) أمامي قفلة من بعد النايل اقمار الغرب
واخر المدار هيكون الإيراني 62 ش وهقفل لميد الماتور ع كده
لأن في برج قفل عليا بعد القمر 74 ش إلى آخر أقمار الشرق
السؤال هنا
هل افك القفيز اللي ماسك الماتور (اللي ماسك جراب الموتور.. وليس الفلانشة اللي حضرتك بتتكلم عنها)
وأقصر طول ومشوار الموتور؟؟
علشان تخفف الحمل.. ولا الكلام ده غلط
وان شاء الله في أقرب فرصة هعمل ثقب 12 مم جديد في درع البولار
تحياتي ليك مشرفناالفاضل متعك الله بالصحة والعافية وبارك لك ف أولادك
https://www4.0zz0.com/2020/10/27/22/611672010.jpeg (https://www.0zz0.com)
https://www11.0zz0.com/2020/10/27/22/961116500.jpeg (https://www.0zz0.com)

[استشارى نافع]

السلام عليكم ورحمة الله وبركاته
مشرفنا الفاضل الحاج/شريف
في فكرة حابب حضرتك تشاركني فيها وهي
قبل الفلانشة إلى أعلى زي الرسمة إلى فى الصورة دي
بنفس الشكل الخط الاحمر
والدائرة الخضراء تكون ثقب تعليق الموتور
الهداف من ذلك تقصير مشوار الموتور
وتقليل وتقصير طول حركة الموتور
اعتقد كده مش هيخبط في الجمجمة
تحياتي ليك مشرفناالفاضل
متعك الله بالصحة والعافية وبارك لك
شكرا جزيلا على وقتك.. واسف على الإطالة
https://www5.0zz0.com/2020/10/27/23/451991865.jpg (https://www.0zz0.com)

[الحاج شريف]

السلام عليكم ورحمة الله وبركاته
مشرفنا الفاضل الحاج/شريف
في فكرة حابب حضرتك تشاركني فيها وهي
قبل الفلانشة إلى أعلى زي الرسمة إلى فى الصورة دي
بنفس الشكل الخط الاحمر
والدائرة الخضراء تكون ثقب تعليق الموتور
الهداف من ذلك تقصير مشوار الموتور
وتقليل وتقصير طول حركة الموتور
اعتقد كده مش هيخبط في الجمجمة
تحياتي ليك مشرفناالفاضل
متعك الله بالصحة والعافية وبارك لك
شكرا جزيلا على وقتك.. واسف على الإطالة
الموضوع اللى حضرتك طارحه مهم يادكتور وبيعمل لبس عند الكثير
عزم الموتور حسابيا هو قوة الموتور مضروب فى المسافه بينه وبين محور الدوران ( الأسهم البيضاء فى الصوره )
وكل ماإجتهدت فى إبعاد الموتور عن محور الدوران كلما كان العزم أقوى
وهنا فيه إجتهادين يجب أن نذكر الفضل لصاحبيهما
الأول للفنان أحمد انور خضر بتركيب فلانشه مستطيله عند مسمار التثبيت فى ذراع الطبق بعرض حوالى 10 سم ثم تثبيت الموتور فيها
والثانى لأخى المهندس محمد داوود بتركيب ذراع زى ذراع الدالى فى البولار يبعد الموتور عن ذراع الطبق
ويمكنك البحث عن الإجتهادين لأنك أشطر منى فى البحث

لكن عيب الإجتهادين هو تقصير المدار من ناحية الغرب ، الفلانشه المقترحه والذراع بيخدموا فى زيادة العزم فى إتجاه الشرق فقط

خلينا نبص للرسم تانى نجد أن قلب الفلانشه لأعلى زى إقتراح حضرتك مش حيخدم فى بعد الموتور عن مسمار محور الدوران

كمان لو نفذت إقتراحى بعمل ثقب اوطى من الحالى حيقلل من بعد الموتور عن محور الدوران وبالتالى حيقلل من عزم الموتور ،
صحيح حيخدم فى فتح مدار الطبق لكن فتح المدار زى ماحضرتك شايف من الإقتراحات السابقه بيقلل من عزم الموتور

لكن علشان تزود العزم مع المدار المقترح من النايلسات حتى 62 شرق حتعمل العكس وهو إنك حتخرم فى آخر ذراع الطبق

وبكده حتحصل على أكبر عزم ممكن من الموتور ، طبعا على حساب المدار ، إنما تغيير مكان تثبيت قصبة الموتور مش مؤثر

http://www.masrawysat.com/vb/attachment.php?attachmentid=978613&stc=1&d=1603843997

النقطه الثانيه وهى تخفيف حركة الموتور ودى أنا شرحتها فى موضوعى الأخير وهى مهمه للغايه ودى صورة الطريقه

http://www.masrawysat.com/vb/attachment.php?attachmentid=978614&stc=1&d=1603844169
والله أعلى وأعلم

[استشارى نافع]

السلام عليكم ورحمة الله وبركاته
مشرفنا الفاضل الحاج/شريف
تمام وصلتني مشاركة حضرتك السابقة
وايضا
دي صورة للبولار بعد تركيب الجلبتين النحاس الجدد
وتم استعدل حرف اليو ليكون مستقيما من الطرفين (الحرفيين)
ولملء الفارغ بين حرف اليو والجمجمة
تم وضع صامولة نحاس فوق بتورة الجلبة النحاسية العلية (هيبقى نحاس مع نحاس لتقليل عملية التاكل) + وضع وردة حديد مشحمة فوقها من نفس الجهة
وايضا تم وضع وردة حديد مشحمة آخري ف الجهه الأخرى من الاسفل
زي الصورة المرفقة
وبعد تم التأكد من مرونة حركة حرف اليو بكل سهولة قبل وبعد عملية تشحيم البولار (بقى خفيف جدا ف الحركة)
حضرتك تنصحني بشئ آخر؟؟؟
تحياتي ليك.. متعك الله بالصحة والعافية وبارك لك ف أولادك
وشكرا جزيلا على وقتك
https://www14.0zz0.com/2020/10/28/18/994683792.jpg (https://www.0zz0.com)
https://www14.0zz0.com/2020/10/28/18/293874537.jpg (https://www.0zz0.com)

[الحاج شريف]

الله ينور يادكتور ، التجربه هى خير برهان

[المهندس/احمد جمال]

الله ينور مشرفنا الغالى

[استشارى نافع]

الله ينور يادكتور ، التجربه هى خير برهان
السلام عليكم ورحمة الله
مشرفناالفاضل الحاج /شريف
فعلا استاذي الفاضل بعد تنفيذ اقتراحات و تعليمات حضرتك
وتركيب الجلبتين النحاس الجديدة
أقمار الشرق فرقت معايا اكتر من الاول
والدنيا اتغيرت كتير إلى الأحسن
تحياتي ليك
متعك الله بالصحة والعافية وبارك لك ف أولادك

[استشارى نافع]

ان شاء الله.. قريبا
نعمل موضوع جديد بالصور
للإستفادة الاعضاء
ونتكلم فيه بالشرح نقطة نقطة عن هذه التجربة و
كيفية تنفيد اقتراحات مشرفناالفاضل الحاج شريف.. على ارض الواقع
تحياتي لكم جميعآ