تسجيل الدخول

مشاهدة النسخة كاملة : بخصوص ميل الحله : كيفية إستقبال الترددات السوبر من موقعى فى دمياط

medo2986
2021/02/15, 10:54 PM
السلام عليكم
استفسار بخصوص الضبط
الصورة المرفقة لموقعي في الشمال في دمياط بالتحديد وقمر المنتصف
http://www.masrawysat.com/vb/attachment.php?attachmentid=1025319&stc=1&d=1613418156
المهم قبل اخر ضبطة للطبق كان لابد يكون البولار فيه ميل نحو الشرق ومش بيكون حرف ال يو مساوي للبولار وانا واقف على عرب سات 30 وكنت بستقبل مدار قوي جدا بس بدون ترددات سوبر وخصوصا استرا بس كنت بستقبل منه 12226 و 12188 وكام تردد ضعيف تانين لكن غير ثابتين
اخر مرة ضبطت فيها الطبق بنفسي نقلت الاذرع على الاطراف وركبت عدسة انفرتو 4 مخرج مقصوص منها حلقتين (بدل نوفا مخرجين بفيد سباعي مدرج) (الطبق مسطح) طبعا الاشارات كانت اعلى بس لما كنت بضغط وانا امام الطبق من على الحرف اليمين بالقرب من الذراع كدا للأسفل كانت تعلى الاشارات فحركت البولار نحو الغرب شوية في محاولة اني اساوي حرف اليو مع البولار زي ما بشوف في كل الفيديوهات اللي للأسف بتكون على اطباق في القاهرة طبعا اشارات استرا زادت (واستقبلت ترددات ضعيفة زيادة زي 12515 - 12545 - 11421 - 11509 وترددات اخرى لكن مش متذكرها) وبدون ضغط على الحافةزي الأول وما زال المدار كويس جدا لكن ما زلت لا استقبل سوبر 9 شرق او تردد zdf على استرا بجانب انه في اشارات بدأت تيجي وتروح (منها ترددات للباقة الاسبانية) بدون ثبات على استرا بس للأسف اشارة هيسباسات بقت اضعف شوية

اسئلتي:
1. هل لابد من موقعي لازم يكون حرف اليو مساوي تماما مع البولار بدون اي ميل وانا على عرب سات 30 ؟
2. ايه المفروض اعمله زيادة لاستقبال الترددات السوبر؟ وكمان رفع اشارة هيسباسات؟
3. الطبق فيه خبطات للاسف وحاولت استعدلها وقدرت اظبط معظمها لكن مش الكل، هل دا يؤثر بالشكل دا ويضيع مني اشارات كدا؟
4. هل لو ركبت الفيد السباعي المدرج على الانفرتو هتفرق في الاشارة؟؟
الحاج شريف
2021/02/17, 05:28 AM
اسئلتي:
1. هل لابد من موقعي لازم يكون حرف اليو مساوي تماما مع البولار بدون اي ميل وانا على عرب سات 30 ؟
2. ايه المفروض اعمله زيادة لاستقبال الترددات السوبر؟ وكمان رفع اشارة هيسباسات؟
3. الطبق فيه خبطات للاسف وحاولت استعدلها وقدرت اظبط معظمها لكن مش الكل، هل دا يؤثر بالشكل دا ويضيع مني اشارات كدا؟
4. هل لو ركبت الفيد السباعي المدرج على الانفرتو هتفرق في الاشارة؟؟
بالنسبه للسؤال الأول أخ ميدو وكما أوضحت حضرتك أن موقعك فى دمياط على خط طول 31.69 وبالتالى قمر عرب سات غربك
يعنى وحضرتك خلف الطبق يبقى عربسات على يمينك ب 1.2 درجه
بالنسبه للسؤال الثانى ليس بالضروره ضبط المدار يأتى بكل الترددات الفيدات والسوبر فبعض الأقمار تختلف عن بعضها فى ميل العدسه
بالنسبه لقمر الهسباسات إن لم يكن هناك حائل يمنعك من إستقباله فذلك يعنى أن مدارك ليس منضبطا بالكامل
إنزل عند الهسباسات وجرب تضغط على الطبق من منتصفه وليس من على الأرض يمينا وشمالا وأنظر هل تحتاج لإعادة ضبط الجنوب
ثالثا : الخبطات تؤثر بقدرها بمعنى أن مساحة الخبطات تخصم من المساحه الفعاله للطبق
رابعا :بالنسبه للفيد السباعى لابد أن تطابق زاوية الفيد المدرج زاوية رؤية العدسه للطبق ولاتتسع لتستقبل من خارجه
والله أعلم
medo2986
2021/02/17, 01:47 PM
بالنسبه للسؤال الأول أخ ميدو وكما أوضحت حضرتك أن موقعك فى دمياط على خط طول 31.69 وبالتالى قمر عرب سات غربك
يعنى وحضرتك خلف الطبق يبقى عربسات على يمينك ب 1.2 درجه
بالنسبه للسؤال الثانى ليس بالضروره ضبط المدار يأتى بكل الترددات الفيدات والسوبر فبعض الأقمار تختلف عن بعضها فى ميل العدسه
بالنسبه لقمر الهسباسات إن لم يكن هناك حائل يمنعك من إستقباله فذلك يعنى أن مدارك ليس منضبطا بالكامل
إنزل عند الهسباسات وجرب تضغط على الطبق من منتصفه وليس من على الأرض يمينا وشمالا وأنظر هل تحتاج لإعادة ضبط الجنوب
ثالثا : الخبطات تؤثر بقدرها بمعنى أن مساحة الخبطات تخصم من المساحه الفعاله للطبق
رابعا :بالنسبه للفيد السباعى لابد أن تطابق زاوية الفيد المدرج زاوية رؤية العدسه للطبق ولاتتسع لتستقبل من خارجه
والله أعلم



أولا الف شكر حاج شريف
ثانيا هل وضع البولار كدا صح وهو على عربسات 30؟
http://www.masrawysat.com/vb/attachment.php?attachmentid=1025818&stc=1&d=1613558247
لأنه لما بيكون كدا بجيب المدار بامتياز بغض النظر عن الترددات السوبر اللي مش بستقبلها زي سوبر 9 وترددات استرا زي تردد ZDF
المشكلة ان على حسب الفيديوهات وكلام الفنيين ان الوضع دا غلط واعتقد انه على حسب موقع satlex ف أنا كدا صح نوعا ما والترددات اللي مش بستقبلها ممكن بسبب الخبطات تقريبا

ثالثا: بخصوص الفيد فهو لما ركبته على العدسة النوفا فرق جدا جدا معاها وحاليا الانفرتو بتعطي النتيجة بنسبة أفضل فهل لو ركبته على الانفرتو هيفرق والا ما له داعي. اعتقد انه مقاساته مناسبه للطبق عندي و ان كنت مش خبير علشان احكم أوي

عموما هحاول استعدل الخبطات على ما اقدر ان شاء الله لو هوديه لسمكري حتى و كمان المرة الجاية هاخد رسيفر وشاشة بدل جهاز satfinder اللي بستخدمه لأنه مش بالدقة الكافية

هنتظر رد حضرتك لو في اي تعديل ممكن اعمله قبل ما اطلع اجرب ان شاء الله

شكرا مرة تانية
الحاج شريف
2021/02/17, 03:34 PM
لأنه لما بيكون كدا بجيب المدار بامتياز بغض النظر عن الترددات السوبر اللي مش بستقبلها زي سوبر 9 وترددات استرا زي تردد ZDF
المشكلة ان على حسب الفيديوهات وكلام الفنيين ان الوضع دا غلط واعتقد انه على حسب موقع satlex ف أنا كدا صح نوعا ما والترددات اللي مش بستقبلها ممكن بسبب الخبطات تقريبا

ثالثا: بخصوص الفيد فهو لما ركبته على العدسة النوفا فرق جدا جدا معاها وحاليا الانفرتو بتعطي النتيجة بنسبة أفضل فهل لو ركبته على الانفرتو هيفرق والا ما له داعي. اعتقد انه مقاساته مناسبه للطبق عندي و ان كنت مش خبير علشان احكم أوي

عموما هحاول استعدل الخبطات على ما اقدر ان شاء الله لو هوديه لسمكري حتى و كمان المرة الجاية هاخد رسيفر وشاشة بدل جهاز satfinder اللي بستخدمه لأنه مش بالدقة الكافية

هنتظر رد حضرتك لو في اي تعديل ممكن اعمله قبل ما اطلع اجرب ان شاء الله

شكرا مرة تانية
الوضع كده أخى الكريم عامل حوالى 3 درجه مع الأفقى بدل 1.2 وده معناه إن الجنوب محتاج إعادة ضبط بحوالى درجه ونص
يعنى من خلف الطبق حتلف البولار يمين للغرب بحوالى درجه ونص
وده يبان تأثيره فى أقمار الأطراف زى الهسباسات والآسياسات ويمكن ده اللى مخلى الهسباسات عندك ضعيف

وكلام الفنيين إنه يجب أن يكون الطبق أفقى ينطبق فقط لما تكون على خط طول 30.5 ودى مش الحاله اللى عندك

بالنسبه للفيد التجربه إن لم تفيد فلن تضر
والله أعلم
http://www.masrawysat.com/vb/attachment.php?attachmentid=1025842&stc=1&d=1613564891
medo2986
2021/02/17, 06:24 PM
الوضع اللي بالصورة المرفقة مش هو الوضع الحالي
الوضع اللي بالصورة دا بيجيب مدار قوي جدا من الهسبا ل 70 شرق وبستقبل به على استرا 12226 و 12188وكام تردد ضعاف برده
الوضع الحالي بعد ما لفيت البولار يمين للغرب واعتقد انه بنفس الزاوية اللي حضرتك ذكرتها علت اشارات استرا 19 في الترددات الضعيفة واستقبلت ترددات ضعيفة اكثر وارتفعت اشارة 23 شرق
لكن سبب ضعف في الهسباسات فقط
ف ايه ممكن يكون السبب في كدا؟
الحاج شريف
2021/02/18, 06:55 AM
الوضع اللي بالصورة المرفقة مش هو الوضع الحالي
الوضع اللي بالصورة دا بيجيب مدار قوي جدا من الهسبا ل 70 شرق وبستقبل به على استرا 12226 و 12188وكام تردد ضعاف برده
الوضع الحالي بعد ما لفيت البولار يمين للغرب واعتقد انه بنفس الزاوية اللي حضرتك ذكرتها علت اشارات استرا 19 في الترددات الضعيفة واستقبلت ترددات ضعيفة اكثر وارتفعت اشارة 23 شرق
لكن سبب ضعف في الهسباسات فقط
ف ايه ممكن يكون السبب في كدا؟
لو الوضع زى مابتقول يبقى نرجع لمربع واحد وهو زاوية الديكلاينيشن وهى زاوية ميل الحله على البولار
الزاويه دى مرتبطه بخط العرض اللى حضرتك عليه كلما إتجهت شمالا زادت وكلما إتجهت جنوبا قلت
ممكن ماتحتاجش تضبطها فى القاهره لكن فى الغالب عند حضرتك ممكن تزودها بوردتين تحت مسمارين اليو من الخلف
أو ورده كبيره 24 بين المسمارين أسهل
لأن القاهره الزاويه 4.9 ودمياط 5.1 يعنى 0.2 درجه فرق
والله أعلم
medo2986
2021/02/18, 12:31 PM
أولا الف شكر مرة تانية
ثانيا انا طلعت صورت الصحن من شوية بحيث حضرتك تشوف لو في شيء خطأ لسه في البولار بالتحديد
http://www.masrawysat.com/vb/attachment.php?attachmentid=1026056&stc=1&d=1613640249

http://www.masrawysat.com/vb/attachment.php?attachmentid=1026058&stc=1&d=1613640249

http://www.masrawysat.com/vb/attachment.php?attachmentid=1026059&stc=1&d=1613640249

http://www.masrawysat.com/vb/attachment.php?attachmentid=1026061&stc=1&d=1613640358

http://www.masrawysat.com/vb/attachment.php?attachmentid=1026062&stc=1&d=1613640358

دي صور من كل جانب للطبق اتمنى انها توضح لو في أي خطأ بالتركيب
وبالنسبة للورد لو أمكن حضرتك تحدد على صورة البولارفي أي مكان اركبها فيه وعذرا هتعب حضرتك

وللعلم انا لسه مجرب البحث و انا على استرا 19 وتقريبا الاشارات في الوقت الحالي بتكون مرتفعة لاني استقبلت ترددات بثبات زي تردد باقة movistar 11318 ووتردد باقة WDR وكام تردد ضعيف تانين وعدد القنوات وصل ل 265 قناة تقريبا بعد ما كان 195 فقط لكن ما زالت ZDF عنيدة برده

ان شاء الله ملاحظات حضرتك هطبقها بالكامل لما اكون مستوعب كل التعديلات اللي حضرتك بتذكرها و بعدها هذكر النتائج هنا
وجزاك الله كل خير
الحاج شريف
2021/02/18, 03:06 PM
وبالنسبة للورد لو أمكن حضرتك تحدد على صورة البولارفي أي مكان اركبها فيه وعذرا هتعب حضرتك

وللعلم انا لسه مجرب البحث و انا على استرا 19 وتقريبا الاشارات في الوقت الحالي بتكون مرتفعة لاني استقبلت ترددات بثبات زي تردد باقة movistar 11318 ووتردد باقة WDR وكام تردد ضعيف تانين وعدد القنوات وصل ل 265 قناة تقريبا بعد ما كان 195 فقط لكن ما زالت ZDF عنيدة برده

ان شاء الله ملاحظات حضرتك هطبقها بالكامل لما اكون مستوعب كل التعديلات اللي حضرتك بتذكرها و بعدها هذكر النتائج هنا
وجزاك الله كل خير
عرض جيد لحالة الطبق أخى الكريم
ملاحظاتى هى
أولا زاوية العربسات الحاليه جيده جدا بالمقارنه بالصوره السابقه
ثانيا زاوية الديكلاينيشن حوالى 5 درجات قد تحتاج لورده أو لاتحتاج حسب التجربه
والتجربه تتم كما ذكرتها من قبل ،
حضرتك حتنزل للهسباسات وتجيب أحست إشاره وتقف خلف الطبق وتسحبه سنه يمين أو شمال من مستوى إيدك مش من تحت
ومن الإتجاه اللى حتزيد فيه الإشاره -إن زادت - إن شاء الله حنعرف محتاجين ورد فين

ثالثا يبدو لى إن القطعه تحتاج التوجيه لمنتصف الطبق أكثر من ذلك ، راجع الصوره
والله أعلم
http://www.masrawysat.com/vb/attachment.php?attachmentid=1026077&stc=1&d=1613649615
http://www.masrawysat.com/vb/attachment.php?attachmentid=1026078&stc=1&d=1613649658
http://www.masrawysat.com/vb/attachment.php?attachmentid=1026080&stc=1&d=1613649815
medo2986
2021/02/18, 06:03 PM
توجيه العدسة للمنتصف دا حقيقة وانا بعاني منها بسبب الفلانشة
ضعيفة فبتعمل ميل اعتقد اني ممكن أحلها بإني اخلي الفلانشة نفسها مش مساوية مع الاذرع بأني ازود ورد مع أحد الاذرع فتخلي العدسة متجهة صح يعني الميل في الفلانشة وتكون العدسة متوجهة بالضبط
طلعت زي ما حضرتك قلتلي والهسباسات علي معايا 20 درجة كاملين بمجر اني ضغطت على الحلة من الخلف نحو الامام من الناحية اليمين فعلت الاشارة ولما جربت اني اسحب من الناحية اليسار بجوار المكان اللي متثبت فيه الذراع اعطى نفس النتيجة
وحاليا اشارة الهسباسات وصلت في الترددات القوية ل 85 بعد ما كانت فقط 65 و الضعيفة وصلت ل 65 زي تردد 12165 لكن انا متذكر انه كان بيوصل لاشارة عالية سابقا
كدا هل بحتاج لزيادة الورد والا لا؟
وكمان طريقة ضبط توجيه العدسة ممكن تمشي والا لا؟
الحاج شريف
2021/02/18, 07:04 PM
طلعت زي ما حضرتك قلتلي والهسباسات علي معايا 20 درجة كاملين بمجر اني ضغطت على الحلة من الخلف نحو الامام من الناحية اليمين فعلت الاشارة ولما جربت اني اسحب من الناحية اليسار بجوار المكان اللي متثبت فيه الذراع اعطى نفس النتيجة
وحاليا اشارة الهسباسات وصلت في الترددات القوية ل 85 بعد ما كانت فقط 65 و الضعيفة وصلت ل 65 زي تردد 12165 لكن انا متذكر انه كان بيوصل لاشارة عالية سابقا
كدا هل بحتاج لزيادة الورد والا لا؟
وكمان طريقة ضبط توجيه العدسة ممكن تمشي والا لا؟
تمام كده ياباشمهندس ، من تجربتك حضرتك محتاج ورده على الأقل من الخلف فى المكان اللى فى الرسم ده للمهندس احمد جمال
حضرتك هتهوى المسمار المشار إليه والمسمار اللى قصاده وتحشر الورد وبعدين ترجع على قمر المنتصف وتضبط مسمار الميزان سنه
والله أعلم
http://www.masrawysat.com/vb/attachment.php?attachmentid=1026150&stc=1&d=1613663969
Adam&Eyad
2021/02/18, 07:44 PM
بالنسبه للسؤال الأول أخ ميدو وكما أوضحت حضرتك أن موقعك فى دمياط على خط طول 31.69 وبالتالى قمر عرب سات غربك
يعنى وحضرتك خلف الطبق يبقى عربسات على يمينك ب 1.2 درجه
بالنسبه للسؤال الثانى ليس بالضروره ضبط المدار يأتى بكل الترددات الفيدات والسوبر فبعض الأقمار تختلف عن بعضها فى ميل العدسه
بالنسبه لقمر الهسباسات إن لم يكن هناك حائل يمنعك من إستقباله فذلك يعنى أن مدارك ليس منضبطا بالكامل
إنزل عند الهسباسات وجرب تضغط على الطبق من منتصفه وليس من على الأرض يمينا وشمالا وأنظر هل تحتاج لإعادة ضبط الجنوب
ثالثا : الخبطات تؤثر بقدرها بمعنى أن مساحة الخبطات تخصم من المساحه الفعاله للطبق
رابعا :بالنسبه للفيد السباعى لابد أن تطابق زاوية الفيد المدرج زاوية رؤية العدسه للطبق ولاتتسع لتستقبل من خارجه
والله أعلم



الله ينور ياحاج شريف شرح جميل انا متابع الموضوع عشان المدار مش مظبوط عندي بس قدرت اظبطه بنسبه كبيره عما كان سابقا
محمد اشررف
2021/02/18, 07:48 PM
مصراوى سات
masm888
2021/02/23, 12:41 PM
قمر المنتصف التقريبى لمدينة دمياط والذى يتم توجيه البولار عليه ليس العربسات 30.5 شرق .. ولكنه القمر أسترا 31.5 شرق
المهندس/احمد جمال
2021/02/23, 01:52 PM
قمر المنتصف التقريبى لمدينة دمياط والذى يتم توجيه البولار عليه ليس العربسات 30.5 شرق .. ولكنه القمر أسترا 31.5 شرق

راجع رد الحاج شريف الرد رقم2
masm888
2021/02/24, 03:24 PM
فقط أنوه أن مناطق المنصورة وطلخا ودمياط والمناطق التى تقع على خطوط من 31.3 شرق حتى 31.7 .. ربما يكون قمر المنتصف التقريبى لهم هو astra 31.5 شرق
المهندس/احمد جمال
2021/02/24, 03:32 PM
فقط أنوه أن مناطق المنصورة وطلخا ودمياط والمناطق التى تقع على خطوط من 31.3 شرق حتى 31.7 .. ربما يكون قمر المنتصف التقريبى لهم هو astra 31.5 شرق

نفس كلام اللى نوه الحاج شريف له
medo2986
2021/02/26, 04:24 PM
أولا الله يجازي الحاج شريف خير الجزاء على نصائحه ومساعدته والشكر موصول لكل من حاول يساعد
ثانيا ان شاء الله بحاول اليوم اجدد البولار والمعه واعدل الدنيا تاني مع اضافة الورد زي ما شرح البشمهندس احمد جمال
و باذن الله لما انتهي هقول على النتيجة كاملة وصور للطبق بعد التعديل وتركيب الفيد على العدسة كذلك