المساعد الشخصي الرقمي

مشاهدة النسخة كاملة : استفسار حول تحويل موتور الاريال الى موتور تحريك صحن دش

عماد الجمل
2021/02/18, 04:22 PM
استفسار حول تحويل موتور الاريال الى موتور تحريك صحن دش
والرسم المرفق لتوضيح الفكرة واخذ المشورة من اراء وخبرة الاستاذة الفنيين ولكم الشكر والاحترام
shrifstar84
2021/02/18, 05:49 PM
هو الموضوع فيه مشكلتين اول مشكله ان ماتور الطبق بيكون له زراع لرفع وخفض الطبق مع الدوران فالطبق بياخد وضعه لاعلى او لاسفل لاستقبال الاشاره اما ماتور الاريال حيتحرك يمين وشمال فقط لكن ارتفاع وانخفاض الطبق حتعمل فيه ايه
تانى مشكله عزم الماتور الاريال بيكون خفيف فالبتالى بيكون معموله ماتور ضعيف على حسب تحريك اريال فلو وصلته على طبق مش حيقدر يحركه فباسطه الملف حيتحرق دا رأيي وانتظر من هم اعلم منى من المنتدى العظيم مصراوى سات
عماد الجمل
2021/02/18, 08:25 PM
انا عامل رسم تقريبي مرفق عشان ياخد الدوران بنفس زاوية ميل قوس الاقمار.. ياريت تشوفه
عماد الجمل
2021/02/19, 03:24 PM
يارب الاساتذه المشرفين المحترمين يفيدونا براي او تعديل ممكن لجعل الفكره سهلة التنفيذ
الحاج شريف
2021/02/19, 08:26 PM
يارب الاساتذه المشرفين المحترمين يفيدونا براي او تعديل ممكن لجعل الفكره سهلة التنفيذ
هو ممكن أستاذ عماد لكن كما قال الإخوه الموتور ليس قويا مثل موتور الدش الطولى ، وبالتالى يصلح فقط للأطباق الصغيره
لكنه قريب من موتور الدايزك الدائرى فيلزمك ميكانيزم _نظام حركه _ مشابه لميكانيزم موتور الدايزك
أنظر فى هذا الموضوع للأخ العزيز احمد أليكس (http://www.masrawysat.com/vb/showthread.php?t=2544297) ثم نتناقش حوله
والله المستعان
عماد الجمل
2021/02/20, 09:13 AM
الحاج شريف المحترم اولا اشكر حضرتك جدااا ربنا يباركلك ويحفظك لنا يارب ..
على فكره الموتور قوي ( العزم بتاعه متقدرش توقفه بايدك_وكمان داخله على رولمان بلي )وقوي بما يكفي لصحن 85 سم او متر كحد اقصى لكن محتاج ميكانيزم بحيث نحافظ على وضع الموتور راسي اللي هي ( وضع موتور الاريال المعتاد )
فمحتاج بس ميكانيزم _نظام حركه _ مشابه لميكانيزم موتور الدايزك أو شكل ماسورة منحنية تؤدي دور دوران ماشي مع قوس الاقمار.من سعادتك
mohamed etreby
2021/02/20, 11:42 PM
ميه ميه كلامك سليم ون تجربه وناجحه اهم حاجه تضبط على قمر منتصف المدار وغالبا على العرب سات تضبط الميل عليه يبق تبط زاويه الميل لحد ما تجيب قوس المدار وهيجيب معاك المدار كله بس خلى بالك من البدايه وانهايه علشان ممكن الطبق يطبق ويتلف لوخبط وكمل للاخر عند ماسوره التثبيت يا اما تطول الماسوره اللى عليها الطبق حتى تفدى المشكله دى وموفق باذن الله
الحاج شريف
2021/02/22, 01:59 PM
الحاج شريف المحترم اولا اشكر حضرتك جدااا ربنا يباركلك ويحفظك لنا يارب ..
على فكره الموتور قوي ( العزم بتاعه متقدرش توقفه بايدك_وكمان داخله على رولمان بلي )وقوي بما يكفي لصحن 85 سم او متر كحد اقصى لكن محتاج ميكانيزم بحيث نحافظ على وضع الموتور راسي اللي هي ( وضع موتور الاريال المعتاد )
فمحتاج بس ميكانيزم _نظام حركه _ مشابه لميكانيزم موتور الدايزك أو شكل ماسورة منحنية تؤدي دور دوران ماشي مع قوس الاقمار.من سعادتك
على حد ظنى وذاكرتى أن محور الدوران لموتور الإيريال بلاستيك وليس رولمان بلى لأن حركته بطيئه ولايحتاج لبلى
لكن وارد أن تنتج شركة نيبون موتور برولمان بلى لم يصل حد علمى إليه
بالنسبه لوضع الموتور رأسيا صعب جدا أن تصنع ميكانيزم مائل به الموتور رأسيا
لكن زاوية الموتور يجب أن تكون مائله بحسب المدار
والله أعلم
عماد الجمل
2021/02/23, 04:25 PM
ممكن حضرتك تساعدني برسم او صورة او شيء لتنفيذ الفكره عمليا
عماد الجمل
2021/02/27, 11:15 AM
نرجو المتابعة والرد اذا امكن
الحاج شريف
2021/02/27, 02:03 PM
نرجو المتابعة والرد اذا امكن
أنا مع حضرتك ومانسيتش الموضوع ، إدينى بعض الوقت ارسم لك كروكى للمطلوب أستاذ عماد مع تحياتى
عماد الجمل
2021/02/28, 07:15 PM
تحية وتقدير لشخصكم الموقر ..
وكل عام وحضرتك بخير وصحة وطيب اخلاق يارب
عماد الجمل
2021/03/11, 09:35 AM
بالانتظار في الرد
الحاج شريف
2021/03/13, 11:22 AM
تحية وتقدير لشخصكم الموقر ..
وكل عام وحضرتك بخير وصحة وطيب اخلاق يارب
الحقيقه أستاذ عماد تأخيرى اللى باعتذر عنه لعدم توفر وسيله سهله لنقل الفكره لكن أنظر للرسم واسمع الخطوات
حنجيب ماسوره بوصه يفضل ماسورة الميه المجلفنه ونعمل خلع بحيث يتسع لماسوره 3 ارباع تدخل فيه
وبعدين نربط الإتنين مع بعض بمسمار 13مم مع ورد زنق علشان يمكن إمالة الماسوره ال 3 ارباع للزاويه المطلوبه
نربط الماسوره ال 3 ارباع فى قاعدة الموتور الثابته
الجزء المتحرك حنربط فيه ماسورة الطبق بحجم حوالى 3 ارباع برضه ونعمل حسابنا إن الماسوره دى ممكن تكون مايله للأمام
علشان نضبط الميل ممكن خوصه أو أكتر بين الماسوره من فوق وبين الجزء المتحرك (المسمارين اللى فوق )
طريقة الضبط
عند قمر المنتصف ونفترض إنه العربسات 30.5 شرق نضبط الطبق بإمالة الماسوره اللى تحت مع الدوران يمين وشمال
لو حصلنا إشاره جيده مع ضبط العدسه رأسيه نبتدى نبحث كفاءة الدوران
نلف الموتور ناحية الأوروبى مثلا ونشوف هل عندنا إشاره جيده ،
لو ماكانش حنرجع نحط خوصه عند المسمارين زى الرسم ونضبط العربسات على الوضع الجديد
نرجع للأوروبى بلف الموتور ناحيته ونكرر العمليه دى حتى نحصل على إشاره مقبوله للعربسات والأوروبى
انا حاأقف هنا لغاية ماتجرب الخطوتين دول ونرجع نتناقش بإذن الله
http://www.masrawysat.com/vb/attachment.php?attachmentid=1033817&stc=1&d=1615623564
عماد الجمل
2021/03/15, 07:02 PM
الله يفتح عليك ... اشكرك والله..
علم وسينفذ حضرتك