الاهلى والمصرى

[السيدعبدالعزيز]

- الاهلي فاز على المصري و على الاجهاد و على الغيابات و على سعد سمير
- موسيماني كان عنده اخطاء في المبارة و يتحسب له انه عدل و صحح اخطاؤه
- حمدالله على السلامة يا هاني راجع واقف على رجلك ماشاء الله .
- اكرم توفيق مجهود جبار محتاج يتوجه صح و يطور اللمسة الاخيرة و هيروح في حتة تانية خالص .
- محمد شريف ماتش بعد ماتش بيثبت انه عنده جينات الهداف القناص .. محتاج شغل بدني عشان يلعب ال ٩٠ دقيقة بنفس القوة .. و لو كمل كده هنشوفه في دوري اوربي قوي.
- مباراة سيئة جدا على المستوى الفردي من سعد سمير و كان هيكلف الاهلي اكتر من هدف .
- طاهر محمد طاهر عنده مشكلة واضحة في التركيز و الحالة النفسية لازم الجهاز الفني يكون له دور فيها .
- الطريقة اللي بيشارك بيها صلاح محسن مش هتخليك تستفيد منه و لو قعدت تلاعبه ١٠٠ ماتش.
- كهربا لازم يراجع نفسه بسرعة لان معندوش رفاهية الدلع .. الفريق كله معندوش الرفاهية دي .
- كوكا خامة محترمة جدا و مشروع لاعب واعد باذن الله ثبات و حسن تصرف و عنده شخصية الاهلي .
-
- على ماهر مدرب عالي جدا و اتمنى في يوم اشوفه ياخد فرصة في تدريب الاهلي .
- في النهاية انا شايف ان المرحلة دي مش مطلوب فنيات اكتر ما مطلوب تحقيق الهدف و هو ده اللي الاهلي عمله النهاردة .. لسه الاهلي في وسط مرحلة من اصعب الفترات اللي ممكن عدت عليه في تاريخه .. فمفيش غير كل الدعم لرجال الاهلي بهدف تحقيق كل البطولات باذن الله