سعيد يحيى
2021/05/09, 12:22 AM
بسم الله الرحمن الرحيم ..... تحيه طيبه لكل مهندسين واداريين ومشرفين ومبتدئين مصراوى سات .... جالى رسيفر ستار سات P7 معالج علي بيكسر فى الاشاره بعد نصف ساعه تقريبا الغريب ان الرسيفر جديد بقاله 15 يوم بس .... غيرت الالكو وغيرت 1000UF 16V و غيرت 100UF 50V ولا جديد برضو بيكسر فى الاشاره بعد نصف ساعه غيرت المكثف اللى ورا مدخل الاشاره وترنسيستور الاشاره و 47UF 25V اللى جنب ترنسيستور الاشاره و الريجيليتور وبعد ده كله لا جديد .... غيرت الباور وغيرت الباور بأعلى فى الامبير .... بعد كده شغلت الرسيفر وابتديت ارقبه لحظت ان البروسيسور بيسخن الاشاره تتكسر ... الحل والاصلاح جبت قطعة مبرد و فصلتها على قد البروسيسور ومادة التبريد اللى بتتحط على بروسيسور الكمبيوتر وسبت المبرد بالشمع من الجنبين والحمد لله الرسيفر اشتغل 10 ساعات متواصله بدون اى مشاكل الصور فى المرفقات ولا تنسونا من خالص دعائكم وكل عام وانتم جميعا بخير