تسجيل الدخول

مشاهدة النسخة كاملة : استفسار بسيط لو سمحت

مصطفى المهندس
2021/12/06, 02:46 AM
السلام عليكم
مبدئيا كده انا نويت ان شاء الله افتح محل رسيفرات وادوات للدش وكده
ومحتاج شوية استفسارات
١- ازاي اعرف ان الرسيفر اللي جالي ده محتاج ملف القنوات دا يعني هل في خريطه مثلا بأنواع الرسيفرات والاشباه او ملف القنوات دا مثلا يشتغل على الرسيفرات انواع كذا وكذا وكذا ازاي اعرف دا؟
٢-امتي اعرف ان الرسيفر محتاج سوفت وامتى اعرف ان الجهاز محتاج فلاشه؟
وايه الفرق بين الاتنين
٣-افضل مكان افرش منه المحل مش شرط اسم المحل ممكن منطقة مجمعه موجود فيها الحاجات دي
٤-هل في مكان متخصص بيدي كورسات تركيب اطباق وكدا ولا لا؟
Mr.Mohamed Fatthy
2021/12/06, 03:23 AM
السلام عليكم
مبدئيا كده انا نويت ان شاء الله افتح محل رسيفرات وادوات للدش وكده
ومحتاج شوية استفسارات


و عليكم السلام
توكل على الله و الف مبروك مقدماً
نحن تحت امرك و ستجد الجميع يمدك بكل ما تحتاجه
بمصراوى سات

١- ازاي اعرف ان الرسيفر اللي جالي ده محتاج ملف القنوات


الزبون سيأتى اليك و يطلب منك تحديث الملف
و بنهاية الملف تجد تاريخ التحديث من صانعى الملفات
مثلا ( تحديث 1_12_2021 ) و هكذا
و الزبون هو اللى بيطلف الملف ( التحديث )
سواء عربى او انجليزى
سواء مسلم او مسيحى
و كله موجود بمصراوى سات
هل في خريطه مثلا بأنواع الرسيفرات والاشباه او ملف القنوات دا مثلا يشتغل على الرسيفرات انواع كذا وكذا وكذا ازاي اعرف دا؟


نعم
بالممارسة ستعرف كل شىء
الريسيفرات تنقسم الى عدة معالجات: مثلاً
معالج ali -- معالج ali HD
معالجات صن بلاس
معالج مونتاج - معالج gx
و هكذا
و كل مجموعة لها ملف خاص بها يعمل عليها

٢-امتي اعرف ان الرسيفر محتاج سوفت وامتى اعرف ان الجهاز محتاج فلاشه؟


عند تهنيج الجهاز او يكون قافل ( طافى ) او لمبة حمراء
يتم فحص الجهاز اولاً صيانة و الكشف على قطع الغيار و تغيير التالف منها
بعد الفحص الكامل من حيث الصيانة و التأكد من سلامة الجهود
و ان الكهرباء بالجهاز تمام
الجهاز رغم ذلك لا يعمل
تلجأء الى اعطاء السوفت او شحن الفلاشة

وايه الفرق بين الاتنين


السوفت هو الفلاشة
و لكن الفلاشة بتكون مضمونة فى بعض الحالات
لان بيتم سحبها بالمبرمجة
٣-افضل مكان افرش منه المحل


حسب المكان الموجود به حضرتك
و باب اللوق تجد ما تشاء
و الزملاء ان شاء الله يبلغوك بالاماكن التى تبيع جملة

ان شاء الله افتح محل رسيفرات وادوات للدش وكده


بالتوفيق لك اخى الكريم
مح مصطفى مد
2021/12/06, 05:09 AM
الموضوع سهل و بسيط و يعتمد على الممارسة و طول ما انت على منتدا مصراوى سات هتصبح محترف بفضل الاخوه الكرام الذين لا يبخلوا على احد بخبراتهم جزاهم الله كل خير
مح مصطفى مد
2021/12/06, 05:38 AM
اولا في تركيب الطبق شاهد بعض الفيديوهات للتركيب و جرب انت على طبق خاص بك لحد ما تعرف الفنيات لواحدك
ثانيا برمجة الرسيفرات معظمها اصبح سهل مش زى زمان و جرب باردو في الرسيفر بتاعك و على فكرة مثلا جميع الرسيفرات القديمة نفس برمجتهم واحده يعنى لازم لودار لتحميل الملف للرسيفر و ملف قنوات خاص بالجهاز وكل جهاز او مجموعة اجهزه ينفع تديهم نفس الملف بنفس اللودار
الاجهزه الحديثه هتلاقي انواع و اسماء كتير زى الصن بلص وده منتشر بكثرة و معالج على و معالج منتاج و كيوماكس معالج جى اكس الموضوع طويل الشرح و على مر الوقت هتكتسب خبرة
الجهاز اللى يجيلك اكتب اسمه في مصراوى او جوجل ازاى بيتبرمج و هتلاقي الشرح اما شراء البضاعة اسأل كلهم و شوف احسن سعر فيهم بالتجربه هتعرف التاجر الكويس من الوحش اهم شئ انه ياخد منك الحاجه اللى مش شغاله
اما لمكان محلك شوف المحل اللى يكون ايجارة مناسب و مش مشكلة النصية لو اتعرفت هيجيلك الزبائن من اى حته
مصطفى المهندس
2021/12/06, 06:09 AM
الله عليكوا يا مصراويه ربنا يخليكوا â‌¤ï¸ڈ
hend mohamed11
2021/12/06, 06:24 AM
ماتفتحش
انزل شهر مساعد مع أي فني الأول
Mr.Mohamed Fatthy
2021/12/06, 07:01 AM
ماتفتحش
انزل شهر مساعد مع أي فني الأول اذا كان مستعد و الحال متيسير
يتوكل على الله - و الله حسبه
و يتدرب و يتعلم فى محله
مح مصطفى مد
2021/12/06, 07:13 AM
ماتفتحش
انزل شهر مساعد مع أي فني الأول
انا بفضل الله و مصراوى اتعلمت منهم كتير
hend mohamed11
2021/12/06, 09:34 AM
انا بفضل الله و مصراوى اتعلمت منهم كتير

انسى
الواقع شيء آخر
أنا نصحتك لوجه الله
abu3aly
2021/12/06, 01:05 PM
ناس جدعة و كريمة والله هنا في مصراوي، من قعدتي في المنتدى اتعلمت اظبطت دش كدة على قدي ولقطت بيه 4 أقمار وانا مجرد هاوي.
دة غير الخبرات اللي باخدها في التعامل مع الريسيفرات اللي بشتريها على فترات.
بس رأيي انك تشتري ريسيفر كيوماكس رخيص كدة وأقعد جرب ********* والشفرات وتركيب الجهاز علشان تكون متمكن أكتر.
الزبون لو شاف اللي قدامه لسة بيفكر في المشكلة أو مش عارف قوي، بيفقد الثقة فيه وممكن ينقل عدم الثقة دي لزبون غيره وتبقى مشكلة