المساعد الشخصي الرقمي

مشاهدة النسخة كاملة : عطل يعجز عنه العقل والفكر قنوات النايل سات كلها مش شغالة افقى ولكن العمود بس هو اللى شغال شكيت فى ال

bahy_2009
2022/03/28, 01:38 AM
عطل يعجز عنه العقل والفكر
قنوات النايل سات كلها مش شغالة افقى ولكن العمود بس هو اللى شغال شكيت فى العدسة فروحت على قمر تانى لقيت كل الترددات شغالة يبقى كده العدسة سليمة غيرت الكابل وبرضه نفس القصة غيرت الارقام بتاعه lnb وبرضه مفيش اى فائدة
عطل عاوز عباقرة فعلا وانا خبير وهاوى الحمد لله بس لسه دماغى بتفكر واكيد أن شاء الله هوصل للحل
لدرجة انى كمان شكيت أن ممكن يكون فيه تداخل كهرباء مآثر على الإشارة
هتجنن فعلا
isah2
2022/03/28, 02:02 AM
السلام عليكم
عادة عيب الافقي دايما السلك فيه رطوبة او قطع عشان كدا قياس خرج الكهربا من الريسيفر اولا ثم من اخر السلك لمعرفه هل 18 فولت خارجين ولا لأ من الريسيفر لاخر السلك --- ثانيا اتجاه العدسة --- ثالثا الريسيفر نفسه فجرب ريسيفر تاني
ووافينا بالنتائج
ابداع
2022/03/28, 08:53 AM
نفس المشكله
قنوات تعمل
وقنوات متعطله
لاتوجد اشاره او الاشاره ضعيفه
واحيان تعود واكثر شيئ تفصل
غير الراس وللاسف لم حل
غيرت الرسيفرات وهى استرونج العادى وال hd
وللاسف نفس المشكله
أشك أن القمر به مشكله و يحتاج الى صيانه
هههه
bahy_2009
2022/03/28, 09:53 AM
السلام عليكم
عادة عيب الافقي دايما السلك فيه رطوبة او قطع عشان كدا قياس خرج الكهربا من الريسيفر اولا ثم من اخر السلك لمعرفه هل 18 فولت خارجين ولا لأ من الريسيفر لاخر السلك --- ثانيا اتجاه العدسة --- ثالثا الريسيفر نفسه فجرب ريسيفر تاني
ووافينا بالنتائج

السلام عليكم
باشا مش ده السبب خالص لأن زى ما بقولك الاقمار التانية الأفق شغال زى الفل علشان كده ده عيب غريب فى النايل سات تحديدا مش بقولك ده عيب اغرب من الخيال
ولا اى حاجة من دى كل ده جربته الغريبة أنه ساعات بيشتغل وساعات لا
فيه حاجة غريبة جدا مش هسكت إن شاء الله غير لما اعرفها
ابداع
2022/03/29, 12:03 AM
السلام عليكم
باشا مش ده السبب خالص لأن زى ما بقولك الاقمار التانية الأفق شغال زى الفل علشان كده ده عيب غريب فى النايل سات تحديدا مش بقولك ده عيب اغرب من الخيال
ولا اى حاجة من دى كل ده جربته الغريبة أنه ساعات بيشتغل وساعات لا
فيه حاجة غريبة جدا مش هسكت إن شاء الله غير لما اعرفها
والله نفس المشكله
وبالفعل هنالك شيئ حادث لم أصل الى الحل معاه
والعيب هذا بدء من عدة أشهر
وفى النيل سات فقط
Fathymosa
2022/03/29, 03:44 PM
طيب على سلك التست وانت امام الطبق ايه الوضع
mohfahed1
2022/03/29, 11:05 PM
والله نفس المشكله
وبالفعل هنالك شيئ حادث لم أصل الى الحل معاه
والعيب هذا بدء من عدة أشهر
وفى النيل سات فقط
مشكلتك تتمحور في ثلاثة اشياء
السلك
الدايزك
الصواميل او الاف كونيكتور
اذا كان هناك قطع في السلك فهذا يؤثر على ضعف الاشارة وخاصة الافقي لانه يحتاج 18 فولت أكثر من العامودي
واحيانا الدايزك اذا كان ردئ
حاول تغيير الصواميل
hassom999
2022/03/30, 12:37 AM
اخى الكريم امسك العطل وحدة وحدة اولا القطعه هات قطعه متجربه وبعد ذلك السلك تست متجرب ثم الرسيفر متجرب كل القنوات شغاله ثم قياس الكهرباء 220
رامى 2010
2022/03/30, 03:07 AM
بص اغلب حل المشاكل دى بيكون ع ارض الواقع افضل يعنى تجرب متر سلك نضيف ع رسيفر تانى وكامه تانيه ولو اشتغلوا تمام تحط القطعه اللى عندك دلوقتى ولو طلعت تمام تحط الرسيفر اللى فى المشكله لو طلع تمام تحط السلك ويفضل يكون سلك نضيف وكويس وصدقنى اكيد الحل مش هيطلع يعنى من ال3 حاجات دول بس اكيد ف حاجه لفه مع حضرتك
رامى 2010
2022/03/30, 03:10 AM
بص كنت هقولك جرب سوفت تانى او اعمل ضبط مصنع وجرب الاول يدوى وبعدين حمل الملف تانى بعد ماتقوم بحفظه بس انت بتقول انك جربت رسيفر تانى خالص فعشان كده جرب متر سلك وكلنا متابعين معك وان شاء الله خير
ابداع
2022/03/30, 03:49 AM
مشكلتى تم حلها والحمدلله
غيرت الراس ومانفعش
غيرت السلك ومانعش

اخر شيئ حملت ملف قنوات من هنا وتم ارساله للرسيفر وانتهت المشكله
لاعلم عن السبب بالظبط ولكن معظم القنوات اشتغلت
جهازى
استرونج 4622xii عندى منه عدد اثنين ونفس المشكله فى الجهازين

ورسيفر استرونج 4900hd
دموعى كالمطر
2022/04/06, 04:59 PM
لو مركب دايزك غيرة
moustafaabdou
2022/04/06, 07:05 PM
الحمدلله على حل المشكله ،،لكن سيادك بتقول الاول كان يعمل على استقطاب عمودى ولايعمل على استقطاب افقى ،، ولما تم تحميل الملف الدنيا كلها اشتغلت زى الفل ،،، يبقى كده الطبق والعدسة والديزك لو قمرين تمام التمام ،،يبقى الغلط كان ( فيه ظبط القمر من داخل الرسيفر بعد ماتدخل على كلمة تركيب ،،، اقف امام طاقة lnb واجعلها ألى أو AUTO لانها ممكن كانت مبرمجة على (عمودى * ) فقط ،،، والأفضل فى حالة مثل هذه ،، أرجاع الرسيفر لحالة المصنع ثم البحث عن القنوات كلها ،، وعموما الحمدلله لنجاح المهمه ولكن احببنا نوضح لك العيب فين ،، وكل عام وانت بكل خير ،،، ونصيحه لكل المبتدئين لاتلعب فى تعريفات القمر لاننا بنجد بعض الاحيان ناس لعبه فى التعريف وجعل النايل سات مثلا على ( 9750/10750) وده غلط طبعا يشغل قنوات وقنوات لا ،، أو يجعل خروج العدس افقى فقط او ر أسى فقط ،،، عموما كل عام وانتم بكل خير وشهر كريم أن شاءالله عليكم
ابداع
2022/04/09, 09:46 AM
للاسف بعد التاكد من تحميل القنوات يدوى واوتوماتيك وجدت ان المشكله لازالت قائمه
حيث أنى اكتشف أن الملف الذى حملته من هنا وارسلته الى الرسيفر عدد قنواته لايتجاوز 700 قناه بمافيها التست وهذا الرقم لايعقل لان قمر النيل القديم أقل شي يحمل اكثر من الف قناة فعليه بدون قنوات التيست
واتوقع ان الموضوع له علاقة باطلاق القمر الجديد نايل سات 301 ووجود القمر القديم وعملية نقل القنوات
اتوقع ان الموضوع يتعلق بذلك
ابداع
2022/04/09, 09:52 AM
وللعلم
انا اعمل على ثلاث رسيفرات وراس عدد مخارجه 8
الرسيفر الاول سترونج 9400HD
الرسيفر الثانى سترونج 4622XII
الرسيفر الثالث هيوماكس 5400

ومعلومه كذلك
غيرت الاسلاك بأسلاك جديده لانه الاولى ممكن ليها سنتين الى ثلاث سنوات
وغيرت الراس LNB بجديد
التغير الاول أربع مخارج جديد ولم تحل المشكله
اشتريت راس اخر 8 مخارج جديد من شركه اخرى ونفس المشكله

وجميعها نفس المشكله
قنوات تنزل ولكن بدون اشاره تظر رسالة أن الاشارة ضعيفه
وبالمقابل توجد قنوات اشارتها من 70 وحتى 99%
afmass
2022/04/09, 11:58 AM
عيب دايزك
لديك دايزك مرتبط بقمر اخر و هو سبب المشكلة
shaker000088
2022/10/28, 11:03 AM
والله دة عطل فى القمر نايل سات
abdel salam
2022/11/09, 02:17 AM
والله دة عطل فى القمر نايل سات

هذا الموضوع من شهر مارس وحضرتك لم تلاحظ ذلك وعطل القمر اصلا من حوالى اسبوعين تقريبا مع تحياتى
mafo_2020
2022/11/11, 10:20 AM
موجود عندي نفس المشكله رسيفر بي اوت طبق 120 ثابت موجود بمنطقة الحدود الشماليه شمال شرق السعودية وعندي قنوات بتعطل زي مجموعه MBC كامله تردد11649/V /27500
م / سمير محمد
2022/11/11, 01:01 PM
مغلق لقدمة