اخوانى الاعزاء يهمنى جدا رأيكم فى فتح محل للخدمات الدش [الأرشيف]

مشاهدة النسخة كاملة : اخوانى الاعزاء يهمنى جدا رأيكم فى فتح محل للخدمات الدش

محمد555

2022/09/20, 08:16 PM

اخوانى الكرام لو سمحتم عايز نصائح لوجه الله يعنى متبخلشى بالنصيحه عايز افتح ومتردد لأن الاسعار مش مستقره وانا والحمد لله تعالى لامم بالشغلانه كلها من صيانه وتركيب ولكن مليش خبره فى البيع اوى ايه رأيكم افتح واتوكل على الله ولا انتظر لما الاسعار تستقر وتنصحونى بأيه علشان انجح ولكم جزيل الشكر

Eysa

2022/09/22, 08:21 PM

اولا المحل تمليك ولا أيجار
لو تمليك افتح وتوكل على الله
ولو ايجار ما يكون الايجار غالي
وابدا ببضاعه قليله
والله الموفق

محمد555

2022/09/22, 08:59 PM

اشكرك على الرد

محمد555

2022/09/22, 09:00 PM

ونعم بالله شكرا جزيلا

ميدورخا

2022/09/23, 08:08 PM

توكل على الله
اخي الكريم

حسام الدين مصطفى

2022/09/23, 09:00 PM

محمد555

2022/09/23, 10:15 PM

اهم حاجة التركيز على الهدف من فتح المحل
لان الشغل فى المجال ده متفرع
مثلا ( التركيب )
مش محتاج محل ولكن محتاج فنى معاك متنقل
ومثلا ( البيع )
محتاج رأس مال و تاجر شاطر ويكون فاهم
ومثلا ( الصيانة )
مجالها مش ريسفرات بس لانه ممكن يفتح معاك شاشات
=======
يعنى لو إنت لوحدك
يبقى خليك فى البيع بس وبلاش تركيب وصيانة
======
لو إنت معاك شخص تثق فيه
يبقى الشغل ممكن يفتح معاك صيانة وخصوصا لو فى مساحة فى المحل
========
ولو عايز تبقى محل شامل
ابحث عن 2 فنى تركيب يطلعوا شغل بنسبة للمحل
======
وأنا معاك فى التفاصيل
لان كل فرع وله طلبات
المهم إنت ماتبقاش عايم ومتشتت
بارك الله فيك
كلام جميل وفيه الخلاصه والفائده الكبيرة
كل الى حضرتك ذكرته فعلا هو الى فى دماغى وعايز انفذه كله ذى ما تكرمت وذكرت فالتنويع هينوع المكسب وشىء هيعوض خساره شىء فلو تكرمت فدنى فى التفاصيل لانى عايز ابدء صح
وجزاك الله خيرا

محمدسليم

2022/09/23, 10:20 PM

انصحك بعدم فتح محل الان السوق يعاني من الركود

حسام الدين مصطفى

2022/09/23, 11:22 PM

بارك الله فيك
كلام جميل وفيه الخلاصه والفائده الكبيرة
كل الى حضرتك ذكرته فعلا هو الى فى دماغى وعايز انفذه كله ذى ما تكرمت وذكرت فالتنويع هينوع المكسب وشىء هيعوض خساره شىء فلو تكرمت فدنى فى التفاصيل لانى عايز ابدء صح
وجزاك الله خيرا

حاضر عزيزى
ولكن بكرة لانى بجد مجهد

كيمو مصطفى

2022/09/24, 12:13 AM

توكل على الله
اخي الكريم

حسام الدين مصطفى

2022/09/24, 01:22 AM

أول حاجة نتكلم فيها ( المحل )

1 - المكان

إختيار مكانه هام جدا من حيث عدد الناس المترددين على الشارع
يعنى ماينفعش افتح فى منطقة مهجورة ويكون بعيد عن العمار

2 - المساحة

كلما كان المحل واسع كلما كان أفضل والناس بتحب المحلات الكبيرة
يعنى ماتيجيش تأخد محل صغير وضيق لانه مش ح يحقق طموحك

3 - عدد المحلات المنافسة من حولك

لازم تدرس عدد المنافسين من حولك بمنطقتك
وتعرف إمكانياتهم واسعارهم و مصادرهم التجارية
ولازم تروح تزورهم فى محلاتهم كزبون مثلا أو ترسل لهم مرسال كل فترة

4 - تكلفة الإيجار

إسال طبعا المحلات المجاورة عن القيمة الايجارية وعدد سنوات العقد
وشوف المحل والمساحة والمنطقة تستحق قيمة الايجار أصلا من عدمه
ولازم يكون معاك بدل المحامى إتنين عشان ممكن تدخل فى مشاكل

5 - تكلفة تجهيزه

بالنسبة لتجهيز المحل فياريت يكون مبهر شوية
يعنى كتر رفوف وزجاج وإضاءة واللون الازرق الفاتح بيكون تحفه
ومتنساش تحط كراسى أو كنبة لو أنت شايف كده
ولازم تهتم باليافطة اللى فوق المحل وتكون بالبنط العريض
وتختار إسم المحل بعناية عشان الاسم ح يتشهر بعد فترة

6 - الدعاية

ده بقى أهم حاجة لان بعض الناس بتتحرج تدخل و تسأل
يعنى إطبع كروت وإطبع ورق به أسعار
وفرقهم ع الناس وكمان حط لوحة أسعار قدام المحل
وكمان حط بضاعة فى واجهة المحل الزجاجية
وخلى الناس تقف تتفرج براحتها

=====================
وممكن كمان أبقى أكلمك فى تفاصيل تانى بعدين
تحياتى

محمد555

2022/09/26, 08:03 PM

جزاك الله خيرا
انا انتظر باقى التفاصيل

هيثم سعيد عبد الفتاح

2022/09/28, 11:46 AM

اول حاجه حضرتك تحدد هدف مناسب ليك وتركز عليه لأنها متشعبة كتير زى مثلا موظف وتفتح المحل جنب الوظيفه ولا هى دى بس وهيبقي فنى ولا رأس مالى وتجارة فقط وتفتح المجال ده بس ولا يبقي معاه مجال تانى زى صيانه شاشات مثلا أو كاميرات او اجهزه كهربائيه ومنزليه؟ وكل حاجه ليها شغلها ونظامها
تانى حاجه الإمكانيات المادية اللى معاك لو ما تسمحش تفتح محل كويس من غير ديون بلاش احسن
ظ£-ركب كاميرا في المحل وبلاش تعمل بروز في الطريق
ظ¤_حاول تفتح بجزء وتخلى جزء معاك لأنك هتحتاجه على ما تتعرف والمحل يقف على رجله بس ابتدى كويس فى المعقول بتجهيزات معقوله
يعنى محل كويس ومقبول في التشطيب
ظ¥-شوف محلات تديلك البضاعة جمله ومعاملتها كويسه ولو في راجع تاخدها
ظ¦- اعمل علاقات كتير وخصوصا مع اللى في مجالك واعمل تعريف لنفسك ورق وكروت ووزعهم
ظ§- اختار مكان حيوى فيه سكان كتير وحركه كتير
والمحل يكون مساحته مناسبه ظ¤×ظ¦ مثلا ومايكونش جنبك حد نفس المجال
ظ¨- اختار حد آمين وكويس يقف معاك وخصوصا لو هتطلع تركيبات وحاسبه بما يرضي الله
ظ©-لو مش هتطلع تركيبات بره وتختار تدوير رأس المال فقط خلى معاك ارقام فنيين من منطقتك واللى يحتاجهم يتصل بيهم بدون نسبه للمحل
ظ،ظ*-ابعد عن اى شبهه قانونا ودينيا
ظ،ظ،-اكتب عقد طويل على ادماتقدر ويكون معاك محامى
ظ،ظ¢- يفضل تدخل بعض البضاعة معاك مع شغل الدش زى مراوح ولمبات وكاميرات كبيع وتجارة فقط لو الميزانيه تسمح
ظ،ظ£-لو هتشتغل فنى حدد اسعارك على حسب تعبك وشغلك ووقتك والمواصلات وبسس
ظ،ظ¤-تظبط شنطه عده معقوله (مفاتيح ومفكات وبنسه وجهاز ظبط خفيف وببطاريه وشنيور مايقلش عن ظ¦ظ¥ظ* وات ومكوه لحام وهوت اير )
ظ،ظ¥-نوع في البضاعة وكل حاجه ليها زبونها
ظ،ظ¦-جهاز كمبيوتر علشان التحديث والسوفت وياريت تنزل برنامج حسابات عليه
ظ،ظ§-من وجهه نظرى السوق غير مستقر حاليا بسبب ازمه الدولار والاستيراد وحاله الركود ودخول المدارس فيعتبر محل في الوقت الحالى مغامره بس الله اعلم المستقبل فيه ايه انت وحظك
ربنا يوفقك وييسر لك امرك

gouaich

2022/09/28, 12:47 PM

كل هذا كلام زائد...
رزقك مكتوب على جبينك
توكل على الله

محمد555

2022/10/01, 04:01 PM

اشكر كل الاساتذه الكرام على المشاركه
وجزاكم الله خيرا

usama safe

2022/10/02, 11:14 AM

بلاش السوق فيه ركود رهيب والبضاعة كل يوم بسعر والاسعار حدث ولا حرج

محمد عزوز للصيانة

2022/10/07, 03:27 AM

توكل على الله أخى وربنا يوفقك و يرزقك من فضله

محمد555

2022/10/07, 03:57 PM

الاخوه االكرام اشكركم على الرد

عاطف ارك

2022/10/07, 08:05 PM

صلي ركعتين استخارة الاول وادعي من ربنا وان شاء الله بالتوفيق