صرخة شهيد

[خالد الكردى]

صرخة شهيد ****{1}}}
أه عليكى يا بلدى اه....
سرقوكى ونهبوكى وباعوا ارضك
أهانوكى يا مصر و خانوا ترابك
اهانوا شبابك و قتلوا .ولادك
عشان في التحرير صرخوا من الظلم الآه
اه يا بلدى عليكى اه.....
قتلوني عشان بحبك يا بلدى
قتلوني عشان انتى اغلى من دمى وولدي
اتحمل في حبك القتل وما اقول....الاه
الله عليكى يا بلدى الله......
يا عشقي و حبى و قلبي وهواه
بحبك يا بلدى مهما بعزبونى الطغاه
بحبك يا غاليه مهما قتلوني الجناه
وانا بموت كنت بقول الله عليكى يابلدى الله
الله عليكى يا بلدى الله......
الله عليكى يا عروسة النيل يا سمره
عشقي فيكي احلى من العسل مره
ولو بيدي احيا و اتقتل في هواكى مليون مره
اه يا بلدى عليكى اه
قتلني جمال و علاء و سرور الغبي
قتلني العادلي و الوقت عامل فيها نبي
صدقيني يا حبى مهما يعملوا انا بحبك اوى اوى
لانى وانا بموت كنت بقول الله عليكى يا مصر الله
الله. الله .يا حبى الله
الله اكبر على كل ظالم .قاتل جهنم مثواه
عبيد و سالم و احمد الغير نظيف و كل وزاراه
وعز و الحزب الوثني و الشاذلي لا طيب الله ثراه
قولوا يا اهلى و ياشعب مصر حسبنا الله
الله عليكى يابلدى الله......
يوم 8/9 كان يوم عيد ميلادي
كنت بحتفل مع كل أهلي و أصحابي وأحبابي
لاكن رصاص العادلي محى و ازال من الدنيا أعيادي
سامع قلبك يا أمي وأنتى بتصرخي عليا.. الآه
الله عليكى يا أمي. الله......
ما تحزني يا أمي .ما أنتى أمي و هيا أمي
ما تحزني يا أمي ما أنتى عرضي وهيا أرضى
عارف أنى وحشتك .وأنا واحِشنى اوى حضنك يا أمي
لاكن و الله يا أمي للشهيد أسما مكانه عند الله
الله الله على الشهيد. الله.......
والله الله عليكى يا مصر. الله......
والله مانا خايف يا بلدى عليكى من جوع و لا املاق
الكل متأكد من أن الله هو موزع على الكون الارزاق
اقسم بربى بحبك و لو قالوا فيكي سم فهو لي طب و ترياق
فأنتى الهوى و العشق وأنا الشعر والاشواق
الله عليكى يا هبة الله
بقلبي و قلمي : الشعر والاشواق ****{خالد الكردى}}}

[خالد الكردى]

هديتى للثوره و للثوار و الشهداء الابرار والى كل رجل و طنى يعشق تراب مصر الغاليه

[خلف الفنان]

الله عليك ياخالد
كلمات رائعه
واصل ابداعك

[شرقاوى نت]

الله عليك ياخالد ماشاء الله عليك

[ابراهيم العقيلى]

بارك الله فيك يا أخ خالد كلمات جميلة (الله عليك يا خالد الله)

[خالد الكردى]

لكم منى كل الشكر و الود و الاحترام على تشجيعكم ...