ارجو المساعده دلتا 5500

[ملاك الكمبيوتر]

جهاز delta dt-5500 فضى اللون

فاصل باور

كل ما اغير الفيوز يضرب

يوجد قافله فى كارته الباور ولا اعرف اين

ارجو ارشادى لحل للمشكله

وجزاكم الله خيرا

[islam_mohsen]

اخي الغالي غير الاربعة سليكونات اللي قبل الشوبر غيرهم كما يوجد بفة زرقاء بجوار الفيوز لو ضاربه غيرها وغير ايسي الباور وهيشتغل تمام معاك

[ملاك الكمبيوتر]

اشكرك على تعاونك الجميل

اتمنى التوضيح ان امكن بصوره للبورده

او توضيح الاماكن

لانى مبتداء وضعيف فى المسميات

ما هو الشوبر


وجزاك الله خيرا

[الحاج عبدالله الظريف]

اتفضل اخي دائرة بور موضح بها الاجزاء الرئيسيه
رقم 1 الفيشه
رقم 2 الفيوز
رقم 3 المكثف الكبير
رقم4 السليكونات الاربع
رقم5 الشوبر
رقم 6 السليكونات الي بعد الشوبرhttp://www.masrawysat.com/vb/attachment.php?attachmentid=90434&stc=1&d=1317329730

[ابوosama]

الله ينور ياحج عبد الله

[islam_mohsen]

تسلموا اخواني وفي انتظار متابعة الاخ السائل

[ملاك الكمبيوتر]

السليكونات الاربع

ابدلهم باكم امبير

او ازاى اعرف امبيرهم


وجزاكم الله خيرا على التعاون الجميل

[ابوياسين1]

الأربع سليكونات 1 أمبير
بس لاحظ السليكونات لها وضعيه هتلاقي الطرف السالب عليه خط أبيض علي طرف السليكون لا بد من تركيب الطرف السالب في السالب والموجب في الموجب
لكن في الجهاز ده الغلطه في الأي سي بدون قياس

[ملاك الكمبيوتر]

انت الراهب صح

حجرب واتابع معاك

بس رد عليا

وقلى انك انت ابو ياسين

[الحاج عبدالله الظريف]

الأربع سليكونات 1 أمبير
بس لاحظ السليكونات لها وضعيه هتلاقي الطرف السالب عليه خط أبيض علي طرف السليكون لا بد من تركيب الطرف السالب في السالب والموجب في الموجب
لكن في الجهاز ده الغلطه في الأي سي بدون قياس

لا اخي الكريم بالعكس الطرف الموجب هو الي عليه الخط الابيض ومقابل له في البورده خط او سهم اليك صوره توضيحيه لاشكال وقيمة الموحدات والاتجاه الصحيح لها
مع تحياتي اخيك الحاج عبدالله
http://www.masrawysat.com/vb/attachment.php?attachmentid=90592&stc=1&d=1317419531

[ابوياسين1]

أخي أنا بقول الطرف السالب بيبقي مرسوم علي الموحد نفسه خط أبيض
والبكلام ده من أساسيات القياس وأنا مسئول عنه

[غريب عثمان]

أخي أنا بقول الطرف السالب بيبقي مرسوم علي الموحد نفسه خط أبيض
والبكلام ده من أساسيات القياس وأنا مسئول عنه

حصل خير يا أبو ياسين
كل المقصود هو توصيل المعلومه للأخ / السائل

[islam_mohsen]

حصل خير اخواني والمهم ان نوصل المعلومة صح وتحياتي لكم لمتابعتكما

[الحاج عبدالله الظريف]

أخي أنا بقول الطرف السالب بيبقي مرسوم علي الموحد نفسه خط أبيض
والبكلام ده من أساسيات القياس وأنا مسئول عنه

مره اخري لا اخي الكريم الخط الابيض علي موجب الموحد كما في الرسم ودي من اساسيات الصيانه وانا مسئول عنه ايضا الا اذا كنت اخي الكريم تستخدم افوميتر معكوس لكن الاساس هو الموجب علي السهم او الخط كما في الصورهhttp://www.masrawysat.com/vb/attachment.php?attachmentid=90630&stc=1&d=1317466469

.
diode عبارة عن مادة شبة موصلة ويطلق عليها أشباه موصلات ، هذه لها عدد قليل من الإلكترونات حرة الحركة في درجات الحرارة العادية ، وهذه المادة يتم وضع بعض المواد بها حتى نحصل على قطب سالب وقطب موجب

سوف نلاحظ أن في قطب الموجب تكون هناك فجوات في قطب السالب الإلكترونات
عند وضع القطبين مع بعضهما ينتج لدينا مجال كهربائي ينتقل الالكتورن من القطب السالب إلى الموجب ، مع ملاحظة أن قوة تعاكس اتجاه المجال الكهربائي بالنسبة للإلكترون ( شحنة السالبة)
ولها سوف تتكون ما يطلق عليه depletion region

الانحياز الامامي
عن مرور التيار في diode نلاحظ أن المجال الكهربائي يقل حيث ان سيكون المجال الكهربائي للمصدر التيار يكون عكس اتجاه المجال الموجود بين القطبين لذلك يمكن للتيار أن يمر ، حيث يكون مصدر التيار القطب السالب متصل مع قطب السالب diode والقطب الموجب للتيار متصل مع قطب الموجب diode

أما في الانحياز العكسي
سوف يكون المجال الكهربائي كبير وذلك بسبب أن اتجاه المجال الكهربائي للمصدر نفس اتجاه المجال بين القطبين ، لذلك لن يمر التيار الكهربائي
والتاكيد علي هذا الكلام ايضا قيس الفولت علي الدايود هتلاقي الفولت علي الطرف الموجب ابو العلامه البيضا الي عليه السهم ودا دليل ايضا علي ان الموجب هو الخط الابيض
وبعدين يااخي ولا تزعل نفسك
سالب او موجب المهم ان الاخ يركب الموحد علي حسب العلامات الموجوده وبكده يبقي اشتغل صح وخلاص

[غريب عثمان]

عندك حق يا حاج عبدالله

http://www.masrawysat.com/vb/attachment.php?attachmentid=90629&d=1317466447

كلنا درسناها ودى معلومه بيعرفها الطالب فى تدريبه وبتكون من المعلومات المركزه
فى ذاكرته الذهنيه ودى طبعا مش عايزه كلام ولا عايزه خبره دى أ ب ت ....إلخ
وللأخ / أبو ياسين راجع معلوماتك كويس ..... واعلم ان النقاش فى العلم ليس بكبرياء

[ملاك الكمبيوتر]

جزاكم الله خير

المشكله وسعت معاى

والهوت اير مش بيسخن خالص

مع العلم ان الهواء شغال

بس الهيتر لا

اشكركم على تعاونكم الجميل

والله وحشتنى يا ابو ياسين

وحمد لله على السلامه

[محمدفرغلي]

تسلم استاذ عبدالله علي بعد نظرك وتركيزك بالمواضيع وردودك الصحيحه المقنعه
جزاك الله خيرا اخي (مهندس الامل)
انت فعلا تستحق الاشراف عن جداره

وشكر خاص للاستاذ اسلام والاستاذ غريب ولكل من ساهم بالرد

[ملاك الكمبيوتر]

والله العظيم كلهم ناس زى الفل

جزاكم الله خيرا

ياريت لو حد يعرف فى الهوت يقولى ايه

اللى ممكن اغيره

انا فتحته ومالقتش اى مكثفات او اى حاجه

لا محروقه ولا منفوخه

ياريت لو الامر هين حد يقولى

[ابوosama]

الله ينور ياحج عبدالله
كلام علمى صحيح

[اسامه الحكيم]

أخي أنا بقول الطرف السالب بيبقي مرسوم علي الموحد نفسه خط أبيض
والبكلام ده من أساسيات القياس وأنا مسئول عنه

يا غالى دا عند القياس بالافوميتر القديم الانالوج

الطرف اللى عليه العلامه البيضا دا بيكون الطرف الموجب للافوميتر الانالوج

والديجتال بيكون الطرف السالب للافوميتر هو الموجب بتاع الدايود

دا فى حالة

لما نييجى نقيس

اما فى الدائره ده بيخرج الفولت الموجب

يعنى الناحيه اللى فيها العلامه البيضاء من الدايودات الاربعه

( 2دايود)

بتكون متصله بموجب المكثف

و (2دايود)

اللى مش فيهم علامه بيضاء

بتكون متصله بالطرف السالب للمكثف

والباقى

ناحيه موجب مع ناحيه سالب متصله بالتيار المتردد

فليس هناك داعى للتشبس بالرأى

والاهم اننا نوصل المعلومه صح وبس