شرح بالصور المكونات التى بداخل معظم الريسفرات وعملها بالقدر المسطتاع

[Moh-elkzaz]

السلام عليكم ورحمه الله وبركاته

بعد السلام وبوجه بشوش من اخوكم moh-elkzaz

ارجو ان يكون الموضوع من بدايه الى نهايته ينال اعجابكم

ويكون عند حسن الظن بالافاده وبطريقه من ضمن طرقات اى فنى
يشرح ماهى main board فى الرسيفر

والشرح التالى ينسب لى وليس منقول من مكان ماا

فالنبدأ على بركه الله
أولا ده شكل بورده الرسيفر الكبير الكورى وكل الاجهزه واحد باختلاف الشكل والتصيم ولكن شغلها واحد
https://masrawysat.com/vb/attachment.php?attachmentid=1364872&stc=1&d=1711542610

ودى دايره الباور بالشكل ده
https://masrawysat.com/vb/attachment.php?attachmentid=1364873&stc=1&d=1711542686

ده مدخل دخول الفولتيات لتشغيل البورده

https://masrawysat.com/vb/attachment.php?attachmentid=1364876&stc=1&d=1711542998
دلوقتي من المكان ده تعرف اى جهد بيشغل ايه علي البورده

كده عرفنا الرسيفر بور شكله والبورده وسوكيت الباور من خلاله تقدر تعرف الجهود
3.3 12. 20 5 30 اللخ

البورده بتشتغل ببيانات وبتشتغل بجهد كهربي فولت
وبتخرج معلومات بتترجم لصوره وصوووت على التليفزيون

اشاره الطبق وشكل علبه التيونر
دائره الاشاره
من اول ايسي lm317 الي علبه التيونر
والجزء الصغير الشيب اللي تشبه البروسيسور تعبتر جزء من البروسيسور
موجود في المكان ده لمعالجة استلام استقبال وارسال بيانات الاشاره مع الصوره والصوت
https://masrawysat.com/vb/attachment.php?attachmentid=1364877&stc=1&d=1711543369

يونر ارف مخرج صوت وصوره للتليفزيون

سوكيت تي في سكارت

الاديو فيديو
الاصفر فيديو والابيض والاحمر صووت

والاسود خرج 12v

https://masrawysat.com/vb/attachment.php?attachmentid=1364878&stc=1&d=1711543558

مدخل تحديث وتطوير البورده سوفت وير وملفات
ورموز التحديث علي البورده gnd-txd-rxd
https://masrawysat.com/vb/attachment.php?attachmentid=1364879&stc=1&d=1711543627

وهنا كابل مكتوب عليه 5فولت وgndوspdif
مخرج صووووت بشكل خاص دعم لاجهزه تانيه
https://masrawysat.com/vb/attachment.php?attachmentid=1364880&stc=1&d=1711543698

فلاشه بالشكل ده 48 رجل
وليها اشكال تانيه طرف بتشتغل بجهد 3.3
ايسي الفلاشه
ذاكره يتم تخزين المعلومات عليها
كذاكرة وهي التي تحمل عليها البرنامج التشغيلي السوفت وير وتجعل الجهاز يعمل
وسبب اعطالها تحميل ملفات كثيرة واحيانا غير مطابقة وخلافه وفي الأساس لم تكن بحاجه اليها فبالتالي
يظهر اعطالها
الجهاز يتوقف تماما
أو بعض الرسائل الخطأ تظهر امامك
عبر لائحه الأخطاء التى ارفقتها الشركه المنتجه
في السوفت وير نفسه ..،
وإصلاح الفلاشه نسخها أو تغيرها
https://masrawysat.com/vb/attachment.php?attachmentid=1364881&stc=1&d=1711543803
شكل البروسيسور
أطراف في الاربع اتجاهات
بيصول عدد أطرافه 208 طرف
يقوم بتفسير التعليمات ومعالجة البيانات التي تتضمنها البرمجيات
https://masrawysat.com/vb/attachment.php?attachmentid=1364882&stc=1&d=1711544068

ده شكل الرامه
الرامه مسؤوله عن سرعه إرساله واستلام البيانات بين البروسيسور ودائره الاشاره والصوره والصوت واشاره الريموت في التحكم بين القنوات والتعليه للصوت وخفضه سريعا والدخول في قوائم الجهاز السوفت وير سريعا
https://masrawysat.com/vb/attachment.php?attachmentid=1364883&stc=1&d=1711544359

يتبع المشاركه التاليه

[Moh-elkzaz]

كريستاله
موجوده لسرعه النبضات شغاله مع البروسيسور علشان حاجتين
استقبال اشاره الريموت والألوان
https://masrawysat.com/vb/attachment.php?attachmentid=1364884&stc=1&d=1711544808

ده ريجلوتر وجوده مهم بيشغلو معالجات الرسيفر

https://masrawysat.com/vb/attachment.php?attachmentid=1364885&stc=1&d=1711544855

ده ايسي الصوت
https://masrawysat.com/vb/attachment.php?attachmentid=1364886&stc=1&d=1711544949

عندك ايسي اللي شغال بين البروسيسور والاشاره
https://masrawysat.com/vb/attachment.php?attachmentid=1364887&stc=1&d=1711545082

لازم تلاقي علي دائره الباور خط 3.3 و لازم خط 5 لأن هما تغذيه المعالجات

وهما الرامه والفلاشه والبروسيسور
موجود ايضا خط 12 ممكن في بعض بورد الرسيفر 15 ده بيكون جهد ايسي الصوت والصوره
الايسي ده مش بياخد 12 فقط
بياخد 5 وبياخد 3.3

واي حاجه علي البورده ليها علاقه بالريموت كنترول أو الملف التشغيلي علي الجهاز السوفت وير لازم ياخد 5 و 3.3

حتي شيب الاشاره موجود عليه 5و 3.3
وبتكون الجهود دي علي العناصر بجوار المعالجات مكثفات ومقاومات

موجود خط 20 بيدخلو الي lm317 الاشاره راكب في هيدسينك معدن علشان بيسخن دايما

وهو المسؤول عن الاشاره الأفقي والراسي
ليه أطراف
وسر خبيث اقولك عنه لما يكون مكتوب عليه ka317 ده اصلي بتاع المصنع
انما هنا lm317 البديل بتاعه
https://masrawysat.com/vb/attachment.php?attachmentid=1364888&stc=1&d=1711545228
بيكون متصل بالتيونر علشان يستقبلو الاشاره ويظبطوها من افقي وراسي ويبعتو البيانات دى للايسي بجوار التيونر بين البروسيسور وعلبه التيونر بيعملوا معالجه للبيانات والمعلومات
ويخرجو الصوت والصوره بتاعت البيانات اللى واقف عليه الجهاز

موجود خط ال 30
مش دايما موجود في بعض الاجهزه

امتي بيكون خط ال 30 فولت
لما بيكون موجود علبه تيونر اشاره وعلبه تيونر ار اف لأنهم فيهم عناصر بالداخل تحتاج إلي 30 فولت

في بعض الاجهزه خط ال 20 موجود لغايه 25

والخط ال 30 لغايه 33

ومتلاقيش الجهود العاليه دى في حاله مش موجود علبه ارف اف وتيونر اشاره كبير

ومشط الباور أطرافه وخروجه لازم بتكون بنفس دخول الجهود علي البورده إذا كان الجهد أقل من المطلوب للتشغيل الجهاز بيظهر اعراض ميشتغلشي تأخر أو الصوره او اي حوار ميشغلوش

لو الجهود عاليه مكونات البورده بتسخن ويرستر ويفصل مكونات الحمايه بتفصل من علي البورده
واحيانا المعالجات أن كان صاحب الجهاز غير محظوظ
بروسيسور

أرجو قد وصلت المعلومه علي ابسط وجهه والموضوع ده جزء اول من المواضيع اللاحقه

الشرح غير منقول من مكان ماا
أنه منسوب لي وإذا نقلته اذكرنا في النقل

[artest]

الله يفتح عليك الف شكروجزاك الله خيرا

[Moh-elkzaz]

الله يفتح عليك الف شكروجزاك الله خيرا

patch_lov-

[احمد احمد]

استمر الله يفتح عليك

[Moh-elkzaz]

استمر الله يفتح عليك

شكرا لحضرتك

[تامر مسعد]

جزاك الله خيرا

[ابوosama]

فتح الله عليك

[Mr.Mohamed Fatthy]

بارك الله فيك

[Moh-elkzaz]

جزاك الله خيرا

وجزاكم الله مثله

[Moh-elkzaz]

بارك الله فيك

بوركت اخى الكريم

[Moh-elkzaz]

فتح الله عليك

ربنا يكرمك

[العملاق للشفرات]

بارك الله فيك

[Moh-elkzaz]

بارك الله فيك

ويبارلك اخى الكريم

[على منصور الدسوقى]

كل عام وانتم بخير

[م / محمد خفاجه]

جزاك الله خيرا
وكل عام وانت بخير

[عبدالله أبوصبحي]

مجهود كبير جداً ربنا يبارك فيك يا هندسه
وكل عام وانتم بخير

[سيف راضى]

تسلم اديك الله ينور

[Moh-elkzaz]

جزاك الله خيرا
وكل عام وانت بخير

شكرا يغالي

[Moh-elkzaz]

مجهود كبير جداً ربنا يبارك فيك يا هندسه
وكل عام وانتم بخير

ربنا يكرمك استاذنا الفاضل