مشاهدة النسخة كاملة : نقاش هام حول مشكلة اللمبة الحمرة في الاجهزة المني ( مطلوب مشاركة الجميع )
م / محمود عبدالعال
2024/05/27, 07:44 PM
السلام عليكم ورحمة الله وبركاته
الاخوه الكرام اداري قسم الصيانة
ارجوا من حضراتكم ترك هذا الموضوع مفتوح
بهذا الموضوع اردت اننا نفيد ونستفيد من بعض
هناك اجهزة ريسيفر hd كتيرة بيكون فيها مشكلة اللمبة الحمرة
هذه المشكلة للأسف اصبحت منتشرة جدا هذه الاونه
وعندما يأتي جهاز متوقف على لمبة حمرا
نجد ان بوردة الجهاز سليمه وفولتيات البوردة كلها سليمه بعد الفحص الدقيق للقطع
عن نفسي اجالي اكثر من 30 جهاز ومعظمهم اجهزة جديده
بيتم قياس فولتيات القطع نجدها سليمه وليس بها خلل
وأخر الحلول بنشحن فلاشة وللأسف تظل المشكلة
خاصته أن المعالج نفسه بيكون سليم
على كل حال
ياريت كل من يهمه الامر يشارك معنا ونفيد بعض
وربنا يرزق الجميع من فضلوا
تحياتي لكم
واللي عنده حل تم الوصول اليه رجاء طرحه هنا مع ذكر نوع الجهاز والمعالج
والقطع التي تم تغييرها
م/آحـمـد رضــا
2024/05/27, 09:38 PM
عليكم السلام
أحيك علي هذا الموضوع الرائـع
حقا في الاوان الاخيرة ظهرت مشكلة اللمبه الحمراء بكثرة
السبب الرئيسي للمشكلة بعد شحن الفلاشة
عدم استقرار ال 5 فولت الخاصة بتغذية مكونـات الجهاز
يتم الحل بتغير ( s47 ) للتأكد قم بقياس الملف بجوارة سوف يخرج اقل من 5 فولت
هذا حدث في اكثر من جهاز صن بلص
تحياتي ليك
م / محمود عبدالعال
2024/05/27, 10:02 PM
عليكم السلام
أحيك علي هذا الموضوع الرائـع
حقا في الاوان الاخيرة ظهرت مشكلة اللمبه الحمراء بكثرة
السبب الرئيسي للمشكلة بعد شحن الفلاشة
عدم استقرار ال 5 فولت الخاصة بتغذية مكونـات الجهاز
يتم الحل بتغير ( s47 ) للتأكد قم بقياس الملف بجوارة سوف يخرج اقل من 5 فولت
هذا حدث في اكثر من جهاز صن بلص
تحياتي ليك
حبيب قلبي يا هندسة
بجد حضرتك راجل محترم ولك محبه في القلب والله
ربنا يبارك فيك ويحفظك ويزيدك من علمه
ــــــــــــــــــــــــــــــــــــــــــــــــــ ـــــ
فعلا كما حضرتك اشرت بالنسبه لجهد ال 5 فولط
لاحظته غير مستقر ومنضبط في معظم القطع
ان شاء الله انا هنفذ ما تفضلت به وهغير ال s47 وهرد على حضرتك بكل تأكيد
تحياتي لحضرتك
تامر مسعد
2024/05/28, 01:40 AM
تاكد ايضا من 1.2 وصلين للمعالج ولا
غير ذلك اى سى شبكى بتاع التيونر
Massavandam
2024/05/28, 08:54 AM
في النقطه دى تحددها الجوده ليس كل الاجهزه تعود اليك فيدباك بعطل
هناك اجهزه تعمل من 15 سنه ولم تفتح لصيانتها
ولكن مضمون موضوعك جميل
احيانا كل شئ سليم
والمعالجات تحتاج إلى الدراى الخفيف بالهواء الساخن الهوت اير
ايسي شبكى
المعالج
الرامه في بعض الاجهزه
ويعمل الجهاز كالمعتاد
شكرا لك
م / وليد هانى
2024/05/28, 03:14 PM
اللمبة الحمرا لها اسباب كتير
- تلف ايسى s10 / s15
- تلف البروسيسور نفسه
- تلف ايسى الفلاشة او تلف السوفت نفسه
- تلف بروسيسور الاشارة
- شورت على ايسى الاشارة
- شورت فى احد العناصر ( مكثفات طبع - مكثفات عادية - ترانزستور ..الخ )
Mr.Mohamed Fatthy
2024/05/28, 03:40 PM
موضوع رائع بآرك الله فيكم
---------------------------
و من الاسباب ايضاً الادبتر
و المكثف خلف جاك الكهرباء داخل الريسيفر
على خط 12 لو شورت يسبب اللمبة الحمراء
مستر ابراهيم فوزى
2024/05/28, 06:41 PM
90%من اعطال الرسيفرات بتجيب لمبه حمراء
لكن نصيحتي
ما تخليش اللمبه الحمراء تخدعك ولا تعمل صيانه ولا حتي سوفت إلا بعد تجربة الرسيفر عل شاشه أو تليفزيون
علشان في رسيفرات بتبقي شغاله والعدسه أو البانل لمبه حمرا أو طافيه نهائي
مستر مصطفى ابوالحجاج
2024/05/28, 06:54 PM
اكثر عيوب اللمبة الحمراء
في الاجهزة الجديدة اللي لسه طالعة من علبتها
بتكون شحن الفلاشة
وهذا في حالة عدم تلف اي قطع الجهاز
ووجود خرج على التيونر
والباقي كما تفضل الاخوة الاعزاء
الدمراوىstar
2024/05/28, 07:52 PM
قفله على ارجل usp رجليتور 3.3 بجوار علبه لتيونر مرشح غير منتظم يعطى 3.3 ويقل بعد فترة والتاكد من الفلاشة ممكن تكون مقلوبه عيب تصنيع
والباقي كما تفضل الاخوة الاعزاء
م / محمود عبدالعال
2024/05/28, 08:49 PM
بارك الله فيكم جميعا وجزاكم الله خيرا
اللسان يعجز عن الشكر والله لما قدمتموه وتفاعل حضراتكم الطيب
نتمنى الافاده للجميع
وفقكم الله عز وجل
وباذن الله اي حل هيتم عمل مشاركة به هنا
خالص تحياتي وتقديري لكم
محروس رفاعى
2024/05/28, 08:57 PM
جاني اكثر من جهاز وكانت المشكله في تلف ايسى s10 / s15
وتم الحل بفضل الله واشتغلت الاجهزه تمام بارك الله فيكم اخواني
علي ما تفضلتم من طرح للحلول
صبرى ابو يوسف
2024/05/28, 09:01 PM
موضوع مهم جدا جدا جدا
vBulletin® v3.8.11, Copyright ©2000-2025, Jelsoft Enterprises Ltd by kootta.com