سؤال من مغترب مبتدىء

[فؤاد السكندرى]

السلام عليكم اخوتى
اخوكم مغترب فى الخارج. والدى جه يقعد معايا مابيعرفش لغات و عايز يتفرج على قنوات عربية. هو جاب معاك الريسيفر بتاعه من مصر معاه
اسمه Sonic 999 Plus H265
هو فى مصر كان موصله على الدش لكن هنا انا معنديش دش. انا عايز اشغله الريسيفر ده على الانترنت علشان يجيب قنوات من النت. على حد علمى ده اسمه اى بى تى فى بس انا ماعرفش كتير عن الموضوع ده
انا دورت على اسم الريسيفر ده هنا و لقيتله فعلاً ملفات تحديث لكنى اكتشفت انها كلها تحديث لترددات القنوات الفضائية. انا مش عايز قنوات فضائية خالص انا مجرد عايز تحديث للينكات الiptv

انا دورت و لقيت لينكات للقنوات دى على موقع ممنوع ذكر اسم موقع بس مش عارف ازاى احط اللينكات على الريسيفر
ياريت تردو عليا. انا حاولت ابص هنا بس كمية المنتديات كبيرة و انا تايه مش عارف الاقى الاجابة فين. شكرا ليكم مقدماً

معلش اضافة: ياريت لو فى لينكات تكونوا متأكدين ان مافيهاش اباحية علشان لو حد من ولادى كان بيقلب القنوات. شكراً تانى

[م/ حازم 1573]

وعليكم السلام
حضرتك بتوصل واي فاي في الرسيفر
وبتدخل علي ال i p t v سواء من الاعدادات أو زر مختصر من الريموت
وبتتفرج عادي جدا بس ده محتاج اشتراكات وانا مش هقدر اكمل عشان المنتدي للغرض التعليمي فقط

[Moh-elkzaz]

المنتدى للغرض التعليمى
وليس للاشتراكات

لقيت لينكات للقنوات دى على موقع ..... بس مش عارف ازاى احط اللينكات على الريسيفر
لاتذكر في المشاركات مواقع مصادر للاشتراكات

[علي عوض 0]

المنتدى لايدعم تلك المواضيع
شكراا لتفهمك
تم الغلق لانه مخالف للقوانين