السيدعبدالعزيز
2025/12/10, 12:52 PM
منتخب مصر المشارك في كأس العرب هو المنتخب الوحيد بالبطولة الذي لا يتواجد به محلل أداء !!
طيب والسر
اداري مسئول عن الرخص التدريبية ...
دى فزورة ولا لغز
لا خالص الموضوع بسيط
بس تعالي وكمل معايا فى السردية الخاصة بالمنتخب دا وأنت تعرف وصلنا لأية .
البداية لما قرروا فى الاتحاد أن مصر تشارك في كأس العرب بسبب الجوائز الضخمه ومشاركة منتخبات قوية بالبطولة.
كابتن حسام حسن رفض المشاركه فيها بسبب توقيتها قبل بطولة كأس الأمم الأفريقية بأيام قليلة للغاية وكان سبب مبرر .
حصل إجتماع بين اللجنة الفنية بالاتحاد والسيد هاني أبو ريده واتفقوا علي ثلاثة أسماء تتولي تدريب هذا المنتخب
علي ماهر ورفض تماماً
طلعت يوسف
خالد جلال
حصل بعدها اجتماع للجنة الفنية وبعض من أعضاء الاتحاد وفجأة كابتن حلمي طولان عضو اللجنة الفنية قال لهم أنه اتفق مع أبو ريده على تولي مهمة المدير الفني للمنتخب ، ووافقوا بالإجماع بعد الإتفاق على أن أحمد حسن يكون مدير المنتخب دا والصقر برضوا عضو لجنة فنية.
بعدها الصقر قال لكابتن حلمي الحضري حبيبي وأخويا وشقيقي وبنعمل فيديوهات حلوة مع بعض فنرجعه مدرب حراس المنتخب ، مع العلم بعد هروبه لسوريا كان ممنوع وصدر قرار بكدا ، لكن أحمد مجاهد وأحمد حسن لغوا القرار ورجع الحضري يعمل فيديوهات مع أحمد حسن من جديد.
هووب كابتن حلمي بدأ يختار لاعبين كابتن حسام هياخدهم فالكابتن حسام قفش وإبراهيم حسن اتحول عليهم والكابتن حلمي كان مخبط أصلا في حسام فالموضوع ولع أكتر وفي النهاية استقروا أن الأولوية للمنتخب الأول وانت ياعم حلمي مشي نفسك بالباقي
في الوقت دا تم تعيين محلل أداء اسمه عمرو الخشاب واشتغل بالفعل معاهم وهو راجل كويس وشاب مجتهد جداً.
لكن مالوش ضهر من الآخر وكانت في بعض الأمور الغير لطيفة بتحصل معاه.
عمرو استحمل واشتغل وبدأ شغله يبان وخصوصاً أمام تونس فى المباراتين الوديتين.
لحد هنا تمام والأمور ماسية كويس
ع ع واحد من السادة المحترمين العاملين بالاتحاد بوظيفة إداري مسئول عن إصدار الرخص التدريبية c , d
كان تم تسريحه من منتخب الكرة النسائية لأن تم تعيينه ك محلل أداء وأثبت فشله وحصل موقف غريب من ع ع
طلب من الخشاب الشغل الخاص بالمنتخب بحجه الاحتفاظ بأكثر من نسخه للشغل لو تلفت أو ضاعت ولكنه عرض الشغل بإسمه والموضوع وصل لكابتن محمود فايز ويقدر ينفي أو يأكد لو حابب .
في الوقت دا فى لجنه خاصة بمتابعة المحترفين رشحت بعض اللاعبين لكابتن حلمي لضمهم للمنتخب وفى أحد الشباب المعروفين على السوشيال ك ف
وصل لاعبين بالخشاب مباشرة وهو بدوره وصلهم بكابتن حلمي ودا زعل الناس فى اللجنة معرفش ليه وقلبوا علي عمرو هما كمان
أثناء المعسكر الاخير ضد الجزائر كابتن أيمن حافظ خرج عمرو من جروب المنتخب بدون سابق انذار وقاله دى رغبة الكابتن حلمي ومتزعلش .
مع العلم أن عمرو رفض شغل في الدوري العراقي بمبلغ محترم وأكثر من اللى بيحصل عليه مع المنتخب لكن مالوش نصيب فيه.
وأصبح ع ع من المفترض أنه محلل الأداء الخاص بمنتخبنا ، لكن على أرض الواقع مفيش محلل أداء نهائي
والفكرة كلها شخص ياخد مبلغ ويقبض وخلاص
طيب والسر
اداري مسئول عن الرخص التدريبية ...
دى فزورة ولا لغز
لا خالص الموضوع بسيط
بس تعالي وكمل معايا فى السردية الخاصة بالمنتخب دا وأنت تعرف وصلنا لأية .
البداية لما قرروا فى الاتحاد أن مصر تشارك في كأس العرب بسبب الجوائز الضخمه ومشاركة منتخبات قوية بالبطولة.
كابتن حسام حسن رفض المشاركه فيها بسبب توقيتها قبل بطولة كأس الأمم الأفريقية بأيام قليلة للغاية وكان سبب مبرر .
حصل إجتماع بين اللجنة الفنية بالاتحاد والسيد هاني أبو ريده واتفقوا علي ثلاثة أسماء تتولي تدريب هذا المنتخب
علي ماهر ورفض تماماً
طلعت يوسف
خالد جلال
حصل بعدها اجتماع للجنة الفنية وبعض من أعضاء الاتحاد وفجأة كابتن حلمي طولان عضو اللجنة الفنية قال لهم أنه اتفق مع أبو ريده على تولي مهمة المدير الفني للمنتخب ، ووافقوا بالإجماع بعد الإتفاق على أن أحمد حسن يكون مدير المنتخب دا والصقر برضوا عضو لجنة فنية.
بعدها الصقر قال لكابتن حلمي الحضري حبيبي وأخويا وشقيقي وبنعمل فيديوهات حلوة مع بعض فنرجعه مدرب حراس المنتخب ، مع العلم بعد هروبه لسوريا كان ممنوع وصدر قرار بكدا ، لكن أحمد مجاهد وأحمد حسن لغوا القرار ورجع الحضري يعمل فيديوهات مع أحمد حسن من جديد.
هووب كابتن حلمي بدأ يختار لاعبين كابتن حسام هياخدهم فالكابتن حسام قفش وإبراهيم حسن اتحول عليهم والكابتن حلمي كان مخبط أصلا في حسام فالموضوع ولع أكتر وفي النهاية استقروا أن الأولوية للمنتخب الأول وانت ياعم حلمي مشي نفسك بالباقي
في الوقت دا تم تعيين محلل أداء اسمه عمرو الخشاب واشتغل بالفعل معاهم وهو راجل كويس وشاب مجتهد جداً.
لكن مالوش ضهر من الآخر وكانت في بعض الأمور الغير لطيفة بتحصل معاه.
عمرو استحمل واشتغل وبدأ شغله يبان وخصوصاً أمام تونس فى المباراتين الوديتين.
لحد هنا تمام والأمور ماسية كويس
ع ع واحد من السادة المحترمين العاملين بالاتحاد بوظيفة إداري مسئول عن إصدار الرخص التدريبية c , d
كان تم تسريحه من منتخب الكرة النسائية لأن تم تعيينه ك محلل أداء وأثبت فشله وحصل موقف غريب من ع ع
طلب من الخشاب الشغل الخاص بالمنتخب بحجه الاحتفاظ بأكثر من نسخه للشغل لو تلفت أو ضاعت ولكنه عرض الشغل بإسمه والموضوع وصل لكابتن محمود فايز ويقدر ينفي أو يأكد لو حابب .
في الوقت دا فى لجنه خاصة بمتابعة المحترفين رشحت بعض اللاعبين لكابتن حلمي لضمهم للمنتخب وفى أحد الشباب المعروفين على السوشيال ك ف
وصل لاعبين بالخشاب مباشرة وهو بدوره وصلهم بكابتن حلمي ودا زعل الناس فى اللجنة معرفش ليه وقلبوا علي عمرو هما كمان
أثناء المعسكر الاخير ضد الجزائر كابتن أيمن حافظ خرج عمرو من جروب المنتخب بدون سابق انذار وقاله دى رغبة الكابتن حلمي ومتزعلش .
مع العلم أن عمرو رفض شغل في الدوري العراقي بمبلغ محترم وأكثر من اللى بيحصل عليه مع المنتخب لكن مالوش نصيب فيه.
وأصبح ع ع من المفترض أنه محلل الأداء الخاص بمنتخبنا ، لكن على أرض الواقع مفيش محلل أداء نهائي
والفكرة كلها شخص ياخد مبلغ ويقبض وخلاص