ايهم افضل؟ شاشة سامسونج او lg :::

[مصطفى النحنوحى]

السلام عليكم ورحمة الله وبركاتة

اتمنى اخوانى ان اجد لديكم المعلومة التى احتاجها

اريد شراء شاشة كبيرة ولكن احتار بيت الثلاثة ::-

1 - شاشة سامسونج lcd مقاسها 32
2 - شاشة الى جى lcd مقاسها 32
3 - شاشة ال جى plasma مقاسها 42

ارجوا منكم ارشادى الى الافضل فيهم من حيث الصورة الرائعة مع الاعتبار انى سمعت ان البلازما عيولها اكتر وتاخد كهرباء كتير والخ

[hasan aladawy]

السمسنج افضل يا غالى

[يارا محمود]

حبيبى جيت فى ملعبنا والله اقسملك بالله العلى العظيم الال جى افضل lg افضل من السامسونج بكتيررررر اوى اوى

وعلى ضمانتى الشخصية اشترى ال جـــــى وانتا مغمض

[يارا محمود]

بعد شراء شاشة سامسونج ال سى دى اعوذ بالله منها العيوب بتاعتها بعيد عنك كتييير اوى والونها والاسكرين وحش خالص
وبعد شراء شاشة ال جـــى الله احلى واجمل وارق صوت والوان وبرمجة ومميزات كتيير وبتعيش وتستحمل كتييير وعلى ضامنتى اشترى ال جـــى وانتا مغمض وبدون تفكيير

اللهم بالغت اللهم فاشهد

[مصطفى النحنوحى]

انا كدة احترت
هل انت جربتى السامسونج باستفاضة يا يارا وايضا ال جى ؟

[محمدخليل]

شاشة سامسونج lcd مقاسها 32

[magic-2005]

شوف يا غالي انا اساسا شغال في صيانة الحاسبات الآلية وبقولك بالفم المليان
ابعد عن السامسونج وغنيله علشان انا لسة مكهن 3 شاشات سامسنوج بسبب عيب الداتا بتاعها يا دوب تقعد شهرين تلاتة وتبوظ
خليك في ملعب من اتنين
اما البنكbenq
او الديل dell لو لقيت
بلاش السامسونج صدقني هاتندم
وشكرا

[م محمد الجنـدى]

السلام عليكم ورحمة الله وبركاتة

اتمنى اخوانى ان اجد لديكم المعلومة التى احتاجها

اريد شراء شاشة كبيرة ولكن احتار بيت الثلاثة ::-

1 - شاشة سامسونج lcd مقاسها 32
2 - شاشة الى جى lcd مقاسها 32
3 - شاشة ال جى plasma مقاسها 42

ارجوا منكم ارشادى الى الافضل فيهم من حيث الصورة الرائعة مع الاعتبار انى سمعت ان البلازما عيولها اكتر وتاخد كهرباء كتير والخ
فى الماضى كنا نقتنى الاجهزة الكهربائية ككماليات وكنا نقتنى اليابانى لجودته تحت اى مسمى . اما اليوم نقتنى الاجهزة الكهربائية للضرورة
لكن بغض النظر عن المنشا . ربما لامور مالية .
ولذا يجب التانى والتمهل كى لا نقع فريسة للاضواء المبهرة فى عرض السلعة . وليس استهلاك الكهرباء المعضلة .
ولا تحديد مسمى بعينه للاختيار . ولكن للظروف الصعبة التى يمر بها
سياسة الاقتصاد المنزلية علينا بتوخى الحذر فالمسمى نقتنيه مرة وخلاص
ولذا يجب مواكبة احدث تكنولوجيا فى هذا المنتج ليواكب اجيال اجهزة
الاستقبال hd فعليك بشراء led ولكن باستعراض كم من المسميات
وتقارن بنفسك الفرق بين هذا وذاك على الطبيعة .
ولمزيد من هذا يوجد مول ذات مسمى منتشر له فرع بجوار سوق العبور
واخر بالمعادى ان كنت من قاطنى محروسة المعز . وان كنت من قاطنى
مدينة المرسى ابو العباس فهناك فرع امام الحديقة الدولية .

[مصطفى النحنوحى]

الف شكر لكم اخوانى على المعلومات لكن ما رأيكم فى lg ???
هلىتحبذونة ؟؟؟ خضوضا ان السامسونج و ال جى هم المعروضين فقط امامى

[مصطفى النحنوحى]

فى الماضى كنا نقتنى الاجهزة الكهربائية ككماليات وكنا نقتنى اليابانى لجودته تحت اى مسمى . اما اليوم نقتنى الاجهزة الكهربائية للضرورة
لكن بغض النظر عن المنشا . ربما لامور مالية .
ولذا يجب التانى والتمهل كى لا نقع فريسة للاضواء المبهرة فى عرض السلعة . وليس استهلاك الكهرباء المعضلة .
ولا تحديد مسمى بعينه للاختيار . ولكن للظروف الصعبة التى يمر بها
سياسة الاقتصاد المنزلية علينا بتوخى الحذر فالمسمى نقتنيه مرة وخلاص
ولذا يجب مواكبة احدث تكنولوجيا فى هذا المنتج ليواكب اجيال اجهزة
الاستقبال hd فعليك بشراء led ولكن باستعراض كم من المسميات
وتقارن بنفسك الفرق بين هذا وذاك على الطبيعة .
ولمزيد من هذا يوجد مول ذات مسمى منتشر له فرع بجوار سوق العبور
واخر بالمعادى ان كنت من قاطنى محروسة المعز . وان كنت من قاطنى
مدينة المرسى ابو العباس فهناك فرع امام الحديقة الدولية .

والله يا باشا كلامك سليم لكن ايهما تفضل انت شخصيا ؟؟

[يارا محمود]

يا ريس انتا عايز تهزر ولا انتا بتلعب بالاعضاء بنقولك ابعد عن السامسونج والكل قالك كدة والله كدة احنا عملنا الى علينا

اما اذ كنت انتا عايز تستخف بالناس وكل شوية تكرر السؤال فديه حاجة تانية

[يارا محمود]

تنويه للاعضاء

يا جماعة الكل قاله ال جـــى وابعد عن السامسونج وهوة بردوو كل شوية يكرر السؤال

هيا شغلانة انتا كدة خرجت عن الموضوع خالص وعايز تدردش انصحك تروح شات دردشة

تحياتى للجميع

[مصطفى النحنوحى]

يا ريس انتا عايز تهزر ولا انتا بتلعب بالاعضاء بنقولك ابعد عن السامسونج والكل قالك كدة والله كدة احنا عملنا الى علينا

اما اذ كنت انتا عايز تستخف بالناس وكل شوية تكرر السؤال فديه حاجة تانية

اشكرك على كلامك يا يارا
لكن انا لا اقدر ان استخف بالاعضاء وليس هناك من مصلحة لى
ان اكررالسؤال لكن انا لا اريد ان اكرر غلطتى فى تلفزيون سابق
انتى فعلت ما عليكى وجزاك الله خير لكن انا شكرتك على ردك
واريد ان اخذ اراء الاخرين
لن اخذ برأى شخص واحد .... انما الامر شورى بينكم
تحياتى تجاهك

[themohamed]

ايه يا اخت يارا انتى بتكلمى الراجل كده ليه الراجل بياخد اراء الاعضاء ولا انتى عايزاه ياخد رأيك و بس ده كده دكتاتوريه و بعدين الراجل سألك انتى جربتى السامسونج و مارديتيش عليه و بعدين الناس كلها بتشكر فى السامسونج لو انتى جربتى السامسونج و لاقيتيها وحشه قولى انما ما تذميش فى حاجه او تشكرى فى حاجه من غير تجربه

[يارا محمود]

حتى انتا كمان بقولكوم جربتها فى اول رد ليا وزى الزفت والله

ال ال جــى تستحق الثقة والتقدير فهمت

[مصطفى النحنوحى]

حتى انتا كمان بقولكوم جربتها فى اول رد ليا وزى الزفت والله

ال ال جــى تستحق الثقة والتقدير فهمت

طيب ياسنى مشكورة على ردك
لكن تقبلى اراء الاخرين دائما واسفين على ازعاجك

[عماد رياض]

يا جماعة الراى هنا منقسم الى قسمين ناس تقول سامسونج وناس تقول ال جى وانا عن تجربة شخصية بقول سامسونج هتسال لية هقول لحضرتك اولا انا عندى سامسونج سيرس 4 (32 ) بوصة اولا بها مدخل pc لتوصيل الكمبيوتر على الشاشة بها عدد 3 مدخل هاى دفنيشن بها مدخل فلاش ميميورى لتشغل برامج الموبيل بها مدخل فلاشة لتشغيل الافلام ب 14 امتداد لصياغة الافلام وهقول ليك على تجربة تعملها قبل الشراء انت تاخد اى جزء من فلم hd على فلاشة ثم تذهب الى مكان لبيع الشاشات وبها ماركات كتير وتطلب من البائع تشغيل الفلاشة على الشاشة التى ترغب فى شراها وانا يعمل الابشن على 1080 i وتشوف جودة الصورة ثم تغير الشاشة باخرى وتشوف جودة الصورة والالوان هنا هتشوف بنفسك الفرق بين الشاشات لان كل شخص عندو شاشة بيقول انها الافضل محدش يقول ليك عندى ال جى بس وحشة هات سامسونج والعكس فا انت الحكم والخيار لك فى شراء شاشة تختارها بنفسك وشكرا

[eng : ahmed]

توشيبا ريجزا 32 LED افضل الانواع الان

ويوجد منها نوعين
Toshiba Regza 32PS10 32 inch LED LCD HDTV سعرها 3,490 LE

أو
Toshiba Regza 32PS1 32 inch LED LCD HDTV سعرها 3,290 LE

أو
Toshiba Regza 32b10 32 inch LCD HDTV سعرها 2,590 LE


ضمان خمس سنوات بالكامل واهم حاجة فيها مش موجودة فى اى LCD او LED فى مصر هى خاصية
USB Movie - 27 Video Formats
بتقرا فورمات زى
(AVI, PS, TS/TP, VOB, MOV, MP4, ASF/WMV, DivX, Xvid,
MKV, RMVB, FLV, 3GPP, M-JPEG)
وكمان بيقرا ملفات الترجمة اللى مرفقة مع الافلام الاجنبى

شاشة بجد روعــة





.

[مصطفى النحنوحى]

يا جماعة الراى هنا منقسم الى قسمين ناس تقول سامسونج وناس تقول ال جى وانا عن تجربة شخصية بقول سامسونج هتسال لية هقول لحضرتك اولا انا عندى سامسونج سيرس 4 (32 ) بوصة اولا بها مدخل pc لتوصيل الكمبيوتر على الشاشة بها عدد 3 مدخل هاى دفنيشن بها مدخل فلاش ميميورى لتشغل برامج الموبيل بها مدخل فلاشة لتشغيل الافلام ب 14 امتداد لصياغة الافلام وهقول ليك على تجربة تعملها قبل الشراء انت تاخد اى جزء من فلم hd على فلاشة ثم تذهب الى مكان لبيع الشاشات وبها ماركات كتير وتطلب من البائع تشغيل الفلاشة على الشاشة التى ترغب فى شراها وانا يعمل الابشن على 1080 i وتشوف جودة الصورة ثم تغير الشاشة باخرى وتشوف جودة الصورة والالوان هنا هتشوف بنفسك الفرق بين الشاشات لان كل شخص عندو شاشة بيقول انها الافضل محدش يقول ليك عندى ال جى بس وحشة هات سامسونج والعكس فا انت الحكم والخيار لك فى شراء شاشة تختارها بنفسك وشكرا
شكرا لمرورك عماد باشا ووصفك الجميل للشاشة وهذا ما سأفعلة ان شاء الله تعالى
شكرا مرة اخرى

[مصطفى النحنوحى]

توشيبا ريجزا 32 led افضل الانواع الان

ويوجد منها نوعين
toshiba regza 32ps10 32 inch led lcd hdtv سعرها 3,490 le

أو
toshiba regza 32ps1 32 inch led lcd hdtv سعرها 3,290 le

أو
toshiba regza 32b10 32 inch lcd hdtv سعرها 2,590 le


ضمان خمس سنوات بالكامل واهم حاجة فيها مش موجودة فى اى lcd او led فى مصر هى خاصية
usb movie - 27 video formats
بتقرا فورمات زى
(avi, ps, ts/tp, vob, mov, mp4, asf/wmv, divx, xvid,
mkv, rmvb, flv, 3gpp, m-jpeg)
وكمان بيقرا ملفات الترجمة اللى مرفقة مع الافلام الاجنبى

شاشة بجد روعــة
.

شكرا ياباش مهندس على ردك ونصيحتك بالتوشيبا وهى فعلا شاشة رائعة وتعتبر ليست غالية فى السعر
اشكركم جميعا