مشكلة المهاجم ..

[السيدعبدالعزيز]

من مشاكل المنتخب وحتى البرازيل نفسها.. مفيش مهاجم 9 كلاسيكي بتاع زمان.. موضة الإعتماد على الأجنحة في التهديف دي مبتقنعنيش.. وده عمل أزمة حتى في العالم ندرة المهاجمين.. مفيش رونالدو.. فييري.. انزاجي.. شيفشينكو.. ادريانو.. يعني مثلا حاليا نقدر نقول المهاجم الكلاسيكي الهجام بتاع جوة المنطقة ويهدف بالهيد في مصر هو مصطفى محمد بغض النظر عن مستواه بقي.. يعني في حقبة سابقة كان موجود متعب وميدو وعمرو زكي وأسامة حسني وبلال وفضل وعبد الحليم على والدوماني وأحمد عبد الغني وفضل وحسام حسن وفلافيو .. حتى الأهلي مفيش يعني شريف ده أصلا مش مهاجم صريح ده حلمي طولان موظفه مهاجم ومشيت معاه وهو أقرب للجناح..

[مصراوى2]

2010:
المعلم حسن شحاتة يستبعد ( ميدو ) ويضم جدو هداف كأس الأمم الأفريقية

2026:
حسام حسن يستبعد مصطفي محمد ويضم زيكو ( بيراميدز ) وينجح في تسجيل الهدف الأول للفراعنة أمام البرازيل

[manst2005]

المهاجم الصريح بقى عملة نادرة فى العالم كله
حاليا مفيش غير هالاند تقريبا دلوقتى اللى
يتقال عليه نمرة 9 وفى مصر مفيش غير مصطفى محمد
حاليا وهو مستواه الان فى أسوأ مستوى

[عــادل محمد]

المشكلة عندنا ف مصر ليست فى عدم وجود المهاجم اساسا
المشكلة هى طريقة اللعب الغير مفهومة .. واختيارات اللاعبين ليست على اسس سليمة ..
لا نقدم كرة قدم جميلة للاسف ونعتمد على بعض اللاعبين المميزين .
وحسام حسن يعتمد كليا على موضوع بث الروح والقوة بعيدا عن الفنيات .
..........