تقرير حصرى بمعنى الكلمه عن شاشه بلازما samsung ps43d451 اهداء لكل اعضاء المنتدى

[هنديه]

بسم الله الرحمن الرحيم

مميزات الشاشه

43 بوصه بالتمام والكمال قطر الشاشه 109 سم

مكتوب على استيكر على الشاشه ان عمرها مائه الف ساعه علشان بعض الناس بتقول البلازما عمرها قصير
الدينامك كونتراست عالى جدا بالملايين وليس 50000 زى lcd والموشن 600 هيرتز مش 50 هيرتز زى ال سى دى علشان كده صوره المباريات والافلام صعب تقارنها با lcd

عدد منافذ الموجوده
2 y bp br وواحده منهم ممكن تحط فيها الكاب الاصفر القديم بتاع الفديو
2 hdmi وواحده منهم تنفع dvi
منفذ صوت ديجتال
منفذ الكمبيوتر موجود

والمهم
اليو اس بى فى الاصدار ده بتشغل امتدادات كثيره جدا بسهوله
صيغ كثيره جدا للفديو والصوت والصور ما عدا الريال مديا فى الفيديو والموسيقى بس بغيير امتداد الفديو لامتداد wmv وبتشتغل بعد كده

الاوبشن بتاع الشاشه ممتاز جدا وسهل وشكله رائع

الشاشه مع الافلام والمباريات شىء خيالى جدا لان الكونتراست عالى والحجم كبير جدا اقصد حجم الشاشه 43 بوصه بلس 1
نصيحه لكل مشترى لشاشه جديده خلى بالك من حجم الشاشه لان ده موضوع مهم جدا خاصه لو الشاشه هتحطها فى غرفه كبيره مثلا او صاله كبيره

البلازما فيها ميزه انها ليس بها وهج وسطوع فهتلاقيها مريحه للعين
lcd فيها وهج ابيض وسطوع ممكن يدايق اللى يقعد فتره كبيره قدام التلفزيون

الشاشه فيها عيبين بس من السهل جدا التعامل معاهم
الاول احتراق الشاشه
يعنى لو ثبت صورة قناه واحده من الرسيفر طول النهار الصوره بتنطبع على الشاشه والشاشه ممكن تبوظ
الحل الشاشه فيها خاصيه الحمايه التلقائيه من احتراق الشاشه يعنى اختيار فى الاوبشن بتفعله وبتخلى بالك من النقطه دى

العيب الثانى ممنوع وضع الكونتراست والتباين على 100 % ممكن تحرق الشاشه برده
انا مخليها على 60 % والكونتراست رائع
غير مستحب تشغيلها كشاشه كمبيوتر


غير كده الشاشه رائعه جدا وتستحق تمنها واى استفسار انا جاهز للرد
وقريب جدا هرفع فيديو للشاشه مش هتلاقوه فى اى مكان تانى غير مصراوى سات

[bedosas]

كام سعرها؟

[احمد خلوصى]

هى فعلا جميله ومواصفاتها وامكاناتها اعلى من ال lcd بمراحل - ولكن يجب المحافظه عليها بعدم (اهانتها) فى الشغل مع المحافظه على بطاقة الضمان - وعن تجربه

[midoman66]

شكرا علي التقرير وياريت السعر

[هنديه]

فعلا اخى انا محافظ على الشاشه وعلى الضمان
ولو انى بشغلها كتير
وبخصوص السعر انا شاريها من راديو شاك 3650 وبعد الخصم اشتريتها 3580 جنيه

[mythin]

في عيب كمان في شاشة البلازما دي, ان الطبقة الخارجية من الشاشة من الزجاج المضغوط, و رغم انه ميزة لمحافظتة علي الشاشة من الخدش و العوامل الجوية بس بيعمل انعاكس للضوء وده احد اهم اسباب رخص سعر الشاشة نسبيا

انعاكس الضوء ممكن يكون غير عملي لو الأضاءة في الغرفة قوي أو ضوء الشمس ساطع زائد انه بيعمل بقع ضوئية علي الشاشة بعد فترة بس ممكن تجنب كله ده لو في تحكم في الأضاءة

نصيحة أخيرة للي عنده بلازما, استخدم لمبات موفرة ذات لون أصفر مش أبيض في الغرفة عشان تحافظ علي الشاشة

[هنديه]

موضوع الانعكاس ده فعلا كان موجود فى الموديلات القديمه لكن انا شايف ان مع الموديلات الجديده من سامسونج بالاخص موضوع الانعكاس ده انا مش شايفه مشكله انعكاس بسيط وعادى
الاضاءة عندى بيضا هنحاول نغير
بس ممكن اعرف ليه بلاش الاضاءه البيضاء وشكرا على الملحوظه الجميله

[احمد خلوصى]

مبروك عليك ياعزيزى .. وراديو شاك اجهزته (فرز اول)

[برشلونى للابد]

كام سعرها؟؟

[themohamed]

فعلا اخى انا محافظ على الشاشه وعلى الضمان
ولو انى بشغلها كتير
وبخصوص السعر انا شاريها من راديو شاك 3650 وبعد الخصم اشتريتها 3580 جنيه

كام سعرها؟؟
فعلا اخى انا محافظ على الشاشه وعلى الضمان
ولو انى بشغلها كتير
وبخصوص السعر انا شاريها من راديو شاك 3650 وبعد الخصم اشتريتها 3580 جنيه

[mohmad1mohmad]

اولا مبروك عليك الشاشة
بس حابب اوضح حاجة انت عملت مقارنة بين شاشة بلازمة مواصفاتها عالية وبين شاشة lcd موصفاتها متوسطة لو هتعمل مقارنة هات شاشة lcd موصفاتها عالية واعمل مقارنة عشان تقدر تحكم على الفرق
شخصيا انا عندى شاشة lcd ماركة lg مقاس 42 بوصة والشاشة ما شاء الله صورتها لا يمكن مقارنتها مع البلازمة حتى لو البلازمة موصفاتها عالية
المودل ld650 و200 هارتز مش 50 وفيها مدخل لان وفيها واير ليس تقدر تشوف اليوتيوب وتقدر تفتح الفيس بوك وتيوترز وحجات تانية كتير
وغير كدا اللون الاسود فى البلازمة باهت نوع ما مقارنة معlcd
وكمان مرة الف مبروك عليك الشاشة

[هنديه]

عن تجربه
كل ما الكونتراست بتاع الشاشه يزيد كل لما اللون الاسود يتميز ويبقى اسود صافى
الكونتراست فى البلازما بالمليون اعلى من كونتراست led كمان
لذلك اللون الاسود ممتاز

كمان اعتقد ال جى 42 بوصه اقل حاجه هتلاقيها 4700 جنيه يعنى اغلى الف جنيه
ومع قراتى لريفيوهات ال جى لاحظت انها بتبالغ فى مواصفات شاشاتها
يعنى ممكن تقول الموشن 200 هرتز وفى الواقع وبالتجربه هو 120 مثلا

عموما lg ld650 ممتاز جدا وجهاز عالى ولو انى قريت ان الموديل ده توقف الدعم عنه من الموقع الرسمى

[mythin]

الاضاءة عندى بيضا هنحاول نغير
بس ممكن اعرف ليه بلاش الاضاءه البيضاء وشكرا على الملحوظه الجميله
الأضاءه الموفرة بتبدأ تصاعديا في قوة الجهد الكهربي, مثلا اذا كانت اللمبة 80 وات فبتدأ 40 ثم بالتدريج بتوصل لقمة الخرج الكهربي ورغم ان العملية غالبا بتأخدش أكتر من ثواني بس البلازما تحديدا لأنها معمولة من خلايا ضؤئية, كل خلية فيها 3 ألوان RGB (احمر و أخضر وازرق وهي الألوان الأساسية) , فبتالي الخلايا بتكون أكتر حساسية للضوء الخارجي, لأن الخلايا بتشكل الألوان عن طريق مصدر الصورة (قناة تليفزيونية أو فيلم علي USB...الخ) + الأضاءة الخارجية المحيطة أو BACKLIGHT

اللمبة الصفرا أو Warm white هي الأفضل لأنه ببساطة لون من الألوان الأساسية (اللي هيه الوان قوس قزح) , وده احد اسباب استخدامة كلون في اضاءة الشوراع و الطرق
وعلي فكرة النور الأبيض بيشد الناموس و الذباب عكس الأصفر ;)

[oscar]

انا اسف لحضرتكم الشاشه دى كلها مشاكل وقلق الواحد هيشوف شغله ولا يعد جمبها عشان متتحرقش افرض انا مش فى البيت والاولاد طول اليوم بيتفرجوا على قناه كرتون هعد كل شويه هقلهم اقلبوا وكمان اغير المبات كمان لاء ده كتير اوى الواحد يصبر كام سنه بينزل الاحدث والاقوى والارخص دى وجه نظرى

[هنديه]

مفيش مشاكل ولا حاجه
المشكه مش فى قناه واحده تشتغل طول النهار
المشكله انك تثبت صوره واحده بدون تغيير فتره طويله ودى برده ممكن تضر lcd برده

[م. شريف مختار]

السلام عليكم،

www.facebook.com/ApplianceEgypt?sk=wall&filter=12‏

العرض محدود، انا اشتريتها بس لسه لم استخدمها وضمانها تبع شركه مش معروفه (مش منصور ولا رايه)

بس العرض مغريييييي

[هنديه]

3450 بضمان راديوشاك

[moha_asg]

انا كانت الشاشة بتشغل الافلام من خلال Samsung AllShare
بس دلوقتى كل مشغل فيلم يقلى الصسغة غير مدعومه حتى الكان شغال قبل كدة

[مصراوي طحن]

مع احترامي ليك لاتقارن البلازما بشاشة ال سي دي او ال اي دي فرق كبير

[عصام علم الدين]

السامسونج بلازما شاشه فاشله والله العظيم وقطع الغيار مش موجوده على فكره الحكم على 3 شاشات والله نفس العطل وفى المنتديات