المساعد الشخصي الرقمي

مشاهدة النسخة كاملة : مشكلة فصل الشاشة مع رسيفر كيوماكس H10

unamid
2026/07/21, 11:50 PM
السلام عليكم ورحمه الله
من أسبوع اشتريت رسيفر كيوماكس H10 وشغال تمام لكن من يوم ما شغلته بدأت ألاحظ حاجه جديده، التليفزيون بيكون شغال عادي لكن فجأة تفصل تجيب الشاشة الزرقاء وتشتغل تاني على طول مفيش ثانيه وترجع على القناة عادي كأن مفيش حاجه حصلت، الموضوع ده مظهرش غير بعد ما شغلت الرسيفر ده لكن قبل كده محصلش ، حد مر بالموقف ده او يعرف حل...
احمدطارق
2026/07/21, 11:53 PM
وعليكم السلام
عيب كبل الاتش دى هات واحد نضيف 4K
unamid
2026/07/21, 11:55 PM
تسلم، هجرب الكابل القديم
احمدطارق
2026/07/22, 12:03 AM
جرب ومتابعك بس لازم يكون 4K هو انضف حاجه
unamid
2026/07/22, 01:49 PM
وعليكم السلام
عيب كبل الاتش دى هات واحد نضيف 4K

انا جربته على الكابل اللي كان شغال على الرسيفر القديم لانه كان شغال كويس لكن نفس المشكلة موجودة، بس أنا لاحظت حاجه الموضوع شكله مرتبط بالكهرباء لما بوصل فيشة المروحه معاها في نفس المشترك ومصدر الكهرباء واجي اغير سرعة المروحه بيفصل ويجيب الشاشه الزرقاء زي ما قلت، ونقلت المروحه مكان تاني وجربت اغير السرعه محصلش حاجه، النقطه التانيه أن زرار التكييف في نفس مكان الكهرباء يعني زرار التكييف وبريزة الكهرباء اللي موصلين فيها الشاشه و الرسيفر واحد ولما التكييف بيجي يسحب كهرباء عشان سرعته تزيد تظهر مشكلة الشاشه الزرقاء. ايه راي حضرتك؟
احمدطارق
2026/07/22, 07:17 PM
انا جربته على الكابل اللي كان شغال على الرسيفر القديم لانه كان شغال كويس لكن نفس المشكلة موجودة، بس أنا لاحظت حاجه الموضوع شكله مرتبط بالكهرباء لما بوصل فيشة المروحه معاها في نفس المشترك ومصدر الكهرباء واجي اغير سرعة المروحه بيفصل ويجيب الشاشه الزرقاء زي ما قلت، ونقلت المروحه مكان تاني وجربت اغير السرعه محصلش حاجه، النقطه التانيه أن زرار التكييف في نفس مكان الكهرباء يعني زرار التكييف وبريزة الكهرباء اللي موصلين فيها الشاشه و الرسيفر واحد ولما التكييف بيجي يسحب كهرباء عشان سرعته تزيد تظهر مشكلة الشاشه الزرقاء. ايه راي حضرتك؟

مازلت عند كلامى حضرتك محتاج كابل 4K ومشكلتك هتتحل بنسبه 99% الرعشه اللي بتحصل لماتعلى او توطى حاجه سببها الكابل فقط لاغير