رسيفر ROCK 333

[وحيد العشرى]

الرسيفر قاطع باور كان شغال وفجأة عمل قافلة وعند الفحص لقيت منطقة أي سى الباور S47 ضاربه وفيه طبقة قشرة متشالة بحوار المكثف السيراميك اللي جنب ال S47 الحل إيه لتوصيل التراك المقطوع ده لا يوجد فولت نهائي عند المكثف السيراميك ولا على S47 الرجاء المساعدة في إصلاح الجهاز وشكرا جزيلا لحضراتكم

[hazem_jr10]

دا التوصيل وراعي التلميس ف المقاومة والمكثف
https://g.top4top.io/p_3900d0ord0.jpg (https://top4top.io/)

وياريت صورة أوضح عشان اشوف التراك واصل فين للايسي
او اكتب رقم البوردة اجيبلك بوردة واضحه تشوف التراكات

[وحيد العشرى]

رقم البوردة
MP2_06TV&3031_DSZ_V2.0
2021-04-29

[Fathymosa]

الله ينوور
ولو ما فيش توفيق
ادعم ال 5 خارجى لو عندك بورده مرفوضه
ومسار ال 5 واصل على البورده
قص الجزء من اول سوكت الباور للملف
ووصلها بسلك حتشتغل تمام معاك
ده تصرف فى حاله تهتك كذا خط على مسار ال 5

[hazem_jr10]

رقم البوردة
MP2_06TV&3031_DSZ_V2.0
2021-04-29

تمام
زي م قال استاذ فتحي ممكن تشيل المنطقة خالص
وتوصل 5 فولت خارجي
او تفضل دي صورة للتراكات
https://c.top4top.io/p_39002ad3o1.jpg (https://top4top.io/)

[م/مصطفى الشماع]

ارفع الاى سى وركب القطعه المرفقه اوصلها ب 12 فولت من سوكت الباور واقفل النقطتين مكان 5 فولت واوصل الخارج بالملف
هذه القطعه تعويضيه عن اى فولت مكانه متهتك
بالتوفيق
https://masrawysat.com/vb/attachment.php?attachmentid=1513785&stc=1&d=1788607337

[وحيد العشرى]

تم توصيل طرف المكثف السيراميك وتغيير الأي سي s47 وعند قياس المكثف السيراميك اللي جنب الأي سي الجهد 12 فولت لكن أرجل الأي سي ال 6 كلهم القياسات صفر فولت عند فحص أي سي الإشارة S80 لقيته سخن جدا خلعته قولت احتمال عامل شورت نفس المشكلة الجهود على أرجل S47 صفر فولت والقطعة المرفقة مش لاقيها الرجاء المساعدة في إصلاح الجهاز

[hazem_jr10]

ركب دائرة 5 فولت خارجية زي م قالوا الأساتذة

[وحيد العشرى]

دائرة 5 فولت خارجية مش لاقيها حضرتك الدائرة دي تباعي فين
هل يوجد حل آخر ؟؟

[Mr.Mohamed Fatthy]

فى اى محل الكترونيات تجدها

[وحيد العشرى]

حضرتك المكثف السيراميك بعد توصيل التراك معطى 12 فولت لكن أرجل الأي سي S47 كلها صفر فولت هل منطقة الباور تالفة مش هينفع تتصلح ولازم أجيب دائرة خارجية 5 فولت

[وحيد العشرى]

والدائرة الخارجية ال 5 فولت طريقة توصيل أطرافها
؟؟

[تامر مسعد]

تم الشرح على صورة اخرى لعدم وضوح الصورة الى فوق
بس هى نفس الفكره

https://masrawysat.com/vb/attachment.php?attachmentid=1513968&stc=1&d=1788694924

[Fathymosa]

دى صوره من بورده تقطيع
حتوصل تلات وصلات سلك
حتوصل طرفين كهربا مع كهربا وارضى مع ارضى من مدخل الادبتور
إلى مدخل الادبتور الاخر من أسفل البورده
والطرف التالت من الملف إلى الملف الاخر الخاص
بال 5 فولت
وكده يبقى انت استفدت من البورد التقطيع
انا بشتغل كده
وبالتوفيق بإذن الله

[وحيد العشرى]

تم قص جزء من بوردة تقطيع ابتداء من سوكت الأدابتور حتي الملف كما هو موضح في الصورة المرفقة تم لحام ثلاثة أطراف طرف من موجب الأدابتور إلي موجب الأدابتور وطرف من سالب الادابتور إلي سالب الأدابتور تم الحام من أسفل البوردة والطرف الثالث تم لحام سلك من طرف الملف إلي طرف الملف الثاني وعند القياس S47 والملف الخرج أقل من 5 فولت مخرج 2 فولت وشوية تم تقطيع الجزء من بوردة تقطيع أخري وتم لحام الأسلاك خرج S47 والملف 4,2 فولت وعند توصيل الأدابتور الرسيفر واقف علي اللمبة الحمراء وأي سي S47 بيسخن جدا السخونية عالية قوي الرجاء المساعدة في إصلاح الجهاز وشكرا لحضراتكم

[وحيد العشرى]

وده جزء تقطيع من بوردة أخري تم اللحام والخرج لكلا من S47 والملف 4,2 فولت أي سي S47 بيسخن قوي والرسيفر واقف على اللمبة الحمراء
الحل إيه
؟؟
وشكرا جزيلا لحضراتكم

[hazem_jr10]

شيل كل السلوك اللي انت عاملها دي
بالنسبة لبوردة الرسيفر شيل الملف اللي جمب الايسي
ونظف مكانها كويس بالتنر

بالنسبة لقطعة ال5 فولت
وصل 12 فولت من مدخل الادوبتور بتاع القطعة مش من سلوك من تحت
وخد من النقطة اللي مكتوب عليها 5 فولت ووصلها ف البوردة

[وحيد العشرى]

حضرتك لو قصيت جزء من بوردة تقطيع من أول مدخل الأدابتور إلي الملف ووصلت الأطراف في البوردة الرسيفر هيشتغل ولا لازم أجيب القطعة الخارجية اللي بتعوض ال 5 فولت الرجاء الرد ولكم جزيل الشكر

[Fathymosa]

لا مش لازم تشتريها
لو متوفر عندك بورد تقطيع
اشتغل بيها
وانا بعتلك مشاركه سابقه بالصوره

[وحيد العشرى]

عندى بورد تقطيع
ممكن صورة بعد إذن حضرتك كبديل لمديول CA-1235 ولكم جزيل الشكر