قنوات ع النايل سات وقنوات فى مدار النايل سات

[نور عينى]

اسمع مقوله قنوات ع النايل سات وقنوات فى مدار النايل سات.فهل هناك فرق فى الاثنين؟هل القنوات التى ع النايل سات موجوده بصوره رسميه والتى فى مدار النايل سات تلتقط معه ولكن ليست موجوده ع النايل سات؟ أرجو ان تكونوا فهمتم سؤالى وشكرا لحضراتكم

[محمودابوغزالة]

شكرا لكم على المجهودالرائع

[tito2018]

بص يا غالى
قنوات على النايل سات اللى هى بتبقا على القمر نايل سات 101-102-201
و دى شركه النايل سات هى اللى بتبقا متحكمه فيها و تقدر تلغى القنوات المخالفه
و هى اللى بتوزع على شركات التسويق و غيره
اما قنوات فى مدار النايل سات فهى بتبقا قنوات على اقمار تانيه غير النايل سات
زى القمر الجديد اطلانتك برد 7 و كان قبليه اطلانتك بيرد 4 و القمر ده موجود فى نفس مدار النايل سات اللى هو 7 غربا يعنى قنواته بستقبل مع قنوات النايل سات
و لكن مملوك للشركه الفرنسيه يوتليست عكس النايل سات مملوك لمصر
و القمر ده اللى بيتحكم فيه هى الشركه يوتليست و هى اللى بتوزع لشركات التسويق
و محدش يقدر يلغى من عليه قناه زى قنوات الدردشه شبه الجنسيه الا الشركه الفرنسيه
و هى مش شايفه الحكايه دى فيها غلط
و فيه قنوات مصريه كتير على القمر ده و ده لقله تكاليفه مقارنه بالنايل سات
حيث ان شركه النايل سات اسعارها غاليه جدا فعلشان كدا القنوات اوفرلها تروح للقمر ده و بدايه اصلا شركه النايل سات منذ عامين كانت طلبت من الشركه يوتليست انها توفر ترددات فى المدار بتاع النايل سات لامتلاء سعات الاقمار المصريه و لحين اطلاق القمر الجديد 201 و لكن بعد ذلك اكتشفت الشركه ان الطلب كبير فقررت تصنع قمر جديد و تطلقه فى نفس المدار لتربح اكثر
اتمنى اكون وصلت لك معلومه